Маҷаллаи Сафо
Шеъру адаб
Чеҳра
Маслиҳати муфид
Номаҳо
УМРЕ, КИ САРФИ ЭҶОДУ МУТОЛИА ШУД
Ашӯралӣ Юсуфӣ, омӯзгор ва журналисти собиқадор умри худро ба мутолиа бахшида, имрӯз 81-сола мебошад. Ӯро хонанда ва дигар сокинони атроф бо номи Ашк Юсуфӣ мешиносанд. Китобҳои худро фарзандҳои маънавии худ медонад.
– Баъзе ёру дӯстон, хешу таборон китобу рӯзнома ва маҷаллаҳои ҷамъовардаи маро дида, девонаам мехонанд. Шояд ҳақ бошанд, зеро аз ёру дӯстон ва хешу табор дида вақти худро бештар ба китобу мутолиа сарф мекунам, – бо табассуми хоса гуфт Ашк Юсуфӣ.
Дар воқеъ, хонаи ӯ аз китобу рӯзномаю маҷалла пур аст. Бе муболиға ҳатто ҷойи погузорӣ ҳам пайдо кардан душвор аст. Дар ҳуҷраи ӯ танҳо барои як рахти хоб ҷой ҳасту халос, боқӣ ҳама ҷо китобу рӯзномаю маҷалла.
Ҳар вақте ки ба аёдат ё суҳбати қаҳрамони матлаб рафтам, ӯро машғули мутолиа дидам. Мисле, ки ӯ маҳз барои эҷод ва мутолиа офарида шуда бошад.
ДУМБОЛИ ИЛМ, НА ҶАМЪИ МОЛ
– Ҳаётамро ба хондан бахшидам, на ҷамъи молу мулк. Оила бунёд кардам ва пас аз чанд соли зиндагӣ ҳамсарам аз дунё гузашт. Хулоса кардам, ки ҳамсафари зиндагии ман ин китобу қалам ва дунёи рангини илм асту эҷод, – иброз медорад ӯ.
Ашк Юсуфӣ неруи худро баҳри гирд овардани адабиёти хонданбоб ва рӯзномаю маҷаллаҳо сарф кард. Бо мурури вақт хонаи 2 ҳуҷрагии ӯ шабеҳи китобхона гашт.
– Ҳоло аз дарди пирӣ ранҷ мебарам. Аз ин рӯ қисме аз китобҳоямро ба китобхонаи шаҳрӣ тақдим кардам. Шогирдонам низ чанде аз китобҳоямро барои мутолиа гирифтанд. Бигзор аз ман ба онҳо ёдоварӣ монад, – мегӯяд ӯ.
Ашк Юсуфӣ бо вуҷуди солмандии худ чашм аз китоб бар намедорад. Мехонаду эҷод мекунад. Ҳоло ҳам очерку лавҳа ва шеъру мақолаҳои ӯ дар матбуоти даврӣ ба табъ мерасанд. Чанд сол қабл чашмонашро, ки хира гашта буданд, ҷарроҳӣ кард то аз хондан намонад. Ӯ имрӯз рӯзномаю маҷаллаҳоро чун ҷавони 18- сола мутолиа мекунад.
ҲАМҚАДАМИ ЗАМОН
Ашк Юсуфӣ мехоҳад ҳамқадами замон бошад. Дар шабакаҳои иҷтимоӣ саҳифа кушода, аз имкониятҳои интернет низ истифода кунад. Аз навгонию хабарҳои тоза огоҳ шавад. Навиштаҳои худро дар шабакаҳои иҷтимоӣ нашр кунад.
– Ҳаёт, ҷидду ҷаҳд ва мутолиа ба ман таҷриба, дониш ва неру дод. Аз ин рӯ то ҷон дар бадан дорам, аз мутолиаи асарҳои нав, хабару гузориш ва қиссаҳои пандомез даст нахоҳам кашид, – бо ҷиддияти хос гуфт ӯ.
Ӯ бовар дорад, ки эҷодиёт ва адабиёти гирдовардааш номашро зинда нигоҳ медоранд. Ба мисоли он, ки фарзандон идомадиҳандаи наслҳоянд.
ОХИРСУХАН
Ашӯралӣ Юсуфӣ соли 1944 дар деҳаи номдори Сангтӯдаи ноҳияи Данғара таваллуд шудааст. Ӯро ихтисос риёзию пеша омӯзгор аст ва беш аз 50 сол аст, ки бо матбуоти даврӣ ҳамкорӣ дорад. Ӯ бо тахаллуси Ашк Юсуфӣ миёни хонандагон шинохта шуда, соҳиби 5 китоб аст. Ба синну соли худ нигоҳ накарда ҳамоно бо матбуот ҳамкории зич дораду ҳаёти худро бидуни мутолиаи китоб ва рӯзномаю маҷаллаҳо тасаввур карда наметавонад. Зиндагӣ ва китобдӯстии ӯ барои насли наврас намунаи ибрат мебошад.
Низоми ИСО
Добавить комментарий
Ахбор
ДӮСТӢ. ТАБИБОН СОҲИБИ ЗАМИНИ НАЗДИҲАВЛИГӢ ШУДАНД 16:02ТАҶЛИЛИ РӮЗИ КОРМАНДОНИ СОҲАИ ТИБ ДАР ХАТЛОН 15:21ПАЁМИ ТАБРИКОТИИ РАИСИ ВИЛОЯТИ ХАТЛОН ДАВЛАТАЛӢ САИД БАХШИДА БА РӮЗИ КОРМАНДОНИ СОҲАИ ТИБ 10:16МАЪРАКАИ ЧИНИШИ ПАХТА ДАР ВИЛОЯТИ ХАТЛОН ОҒОЗ ШУД 13:22БОЗДИД АЗ САМАРАНОК ИСТИФОДАБАРИИ ЗАМИНИ НАЗДИҲАВЛИГӢ ВА ЗАХИРАИ ХӮРОКИ ДУСОЛА 13:08КӮШОНИЁН: ИФТИТОҲИ БИНОИ ИЛОВАГӢ БАРОИ 400 НАФАР ХОНАНДА БО ИШТИРОКИ РАИСИ ВИЛОЯТ 12:59КӮШОНИЁН: ИФТИТОҲИ МАРКАЗИ САЛОМАТӢ БО ИШТИРОКИ РАИСИ ВИЛОЯТ 12:52МАДИНА ҚУРБОНЗОДА ҒОЛИБИ ОЗМУНИ ШАҲРИИ "ФАРЗАНД-БОҒИ ПАДАРУ МОДАР" ГАРДИД 14:20
Маҷаллаи №6-2019
Серхонандаҳо
Аъзамҷон Чиллазода: 91,3 фоизи маблағҳои буҷетӣ дар вилоят ба соҳаҳои иҷтимоиёт равона карда шудааст
Ташрифи ҳайати экспедитсияи “Саёҳат ба қалби Авруосиё – 2025” ба шаҳри Бохтар
Ҳиссаи омӯзгорони унвондор ба 36,3 фоиз расид
Дар Хатлон 21 нафар ба фаъолияти блогерӣ машғул мебошанд
Кӯшониён. Як ноболиғ аз ғарқшавӣ наҷот дода шудааст
БУНЁДИ 21 ИНШООТИ СОҲАИ МАОРИФ ДАР ШАШ МОҲ
БОЗДИДИ РАИСИ ВИЛОЯТ АЗ ОҒОЗИ КОРҲОИ МУМФАРШКУНИИ 1,5 КМ РОҲИ АВТОМОБИЛГАРДИ АҲАМИЯТИ МАҲАЛЛИДОШТАИ ШАҲРАКИ ЁВОН- МЕҲРОБОД- ДАСТГИРАК- НАВОБОД ВА ПУЛИ МОШИНГУЗАР БАЪДИ ТАҶДИДУ АЗНАВСОЗӢ
ЁВОН: БОЗДИД АЗ РАФТИ КОРҲОИ СОХТМОНӢ ДАР КОРГОҲИ ИСТЕҲСОЛИ ОҲАКИ СОХТМОНИИ ҶДММ «ҒАЮР ИНДАСТРИАЛ»
ЁВОН: ШИНОСОИИ РАИСИ ВИЛОЯТ БО ЛОИҲАИ МУАССИСАИ ТАЪЛИМӢ
Тоҷикстандарт. Дар Хатлон 7,3 тонна маҳсулоти ғайристандартӣ ошкор шуд
