Намоиш-фурӯши китобҳо бахшида ба "Ҳафтаи китоби кӯдакону наврасони Тоҷикистон"

Ба муносибати "Ҳафтаи китоби кӯдакону наврасони Тоҷикистон", ки ҳамасола аз 2 то 9 апрел бо мақсади тарғиби китобхонӣ ва баланд бардоштани маърифати насли наврас баргузор мегардад, дар назди Китобхонаи оммавии вилояти Хатлон ба номи Шамсиддин Шоҳин чорабинии фурӯши китобҳо доир гардид.

Дар ин чорабинӣ ноширон ва фурӯшандагони маҳаллӣ ширкат варзида, маҷмӯи васеи китобҳоро барои кӯдакон ва наврасон ба фурӯш гузоштанд. Ҳадафи асосии ин иқдом дастрасии бештари хонандагон ба адабиёту таърих, хештаншиносӣ ва ташвиқи фарҳанги китобхонӣ миёни насли ҷавон буд.

Илова ба ин, дар ҳошияи ин чорабинӣ барномаҳои фарҳангӣ, аз ҷумла вохӯриҳо бо муаллифон, баргузор гардиданд. Муаллифони шинохта бо хонандагон мулоқот намуда, дар бораи офаридаҳои худ ва нақши китоб дар рушди шахсият суҳбат карданд.

Ташкилкунандагон изҳор доштанд, ки баргузории чунин чорабиниҳо барои ҷалби бештари кӯдакону наврасон ба ҷаҳони китоб ва таҳкими муҳаббати онҳо ба мутолиа нақши муҳим мебозад. Хонандагон ва волидон, ки дар ин чорабинӣ иштирок доштанд, аз чунин иқдом истиқбол намуда, онро як василаи хуби тарғиби китобхонӣ арзёбӣ карданд.

Дар умум, чорабинии мазкур яке аз тадбирҳои муҳиме буд, ки ба густариши фарҳанги китобхонӣ дар миёни насли наврас ва ташаккули муҳити маърифатӣ дар ҷомеа мусоидат менамояд.

Маҳмадалӣ Маҳмадализода "САФО"

Похожие новости:

Добавить комментарий

Ахбор

БАРОИ “БЕҲТАРКУНИИ НИЗОМИ ОБТАЪМИНКУНӢ ДАР НОҲИЯИ ЁВОН” 4,8 МИЛЛИОН ЕВРО ҶУДО МЕШАВАД 13:19 ҶАВОН ВА ВАТАН: МАСЪУЛИЯТ, ДОНИШ ВА САДОҚАТ 15:04 ХАТЛОН: НАЗДИК БА 80% ДУХТАРОНИ СИННИ 10 – 14-СОЛА ИММУНИЗАТСИЯ ШУДАНД 14:48 ҶАЙҲУН. БЕШ АЗ ЯК КИЛОМЕТР РОҲ МУМФАРШ КАРДА ШУД 15:15 ЁВОН. НАҚШАИ ҶАМЪОВАРИИ ҲОСИЛИ ПАХТА ИҶРО ШУД 11:33 ФАРРУХЗОДАҲОИ МИЛЛАТ 11:38 ПАНҶ. ИММУНИЗАТСИЯ БЕШ АЗ 70 ФОИЗ ИҶРО ШУДААСТ 11:25 ЭЪЛОН. "ҚАЛАМИ ДОНИШҶӮ" 10:51

Маҷаллаи №6-2019

Серхонандаҳо

НАМОИШГОҲИ МАҲСУЛОТИ КИШОВАРЗӢ, САНОАТӢ, ҲУНАРҲОИ МАРДУМӢ ВА ТАОМҲОИ МИЛЛИИ ВИЛОЯТИ ХАТЛОН ДАР ҚАЗОҚИСТОН БАРГУЗОР МЕГАРДАД ЯК ВОЯИ GARDASIL САРАТОНИ ГАРДАНАКИ БАЧАДОНРО ПЕШГИРӢ МЕКУНАД СЕМИНАРИ ОМӮЗИШӢ БО ҒОЛИБОНИ ОЗМУН Бохтар. Бозсозии муҷассамаи Абӯабдуллоҳи Рӯдакӣ РӮЗНОМАНИГОРИ БОХИРАДИ САДСОЛА ҶАЙҲУН. БЕШ АЗ ЯК КИЛОМЕТР РОҲ МУМФАРШ КАРДА ШУД ПАНҶ. ИММУНИЗАТСИЯ БЕШ АЗ 70 ФОИЗ ИҶРО ШУДААСТ Иҷрои дурнамои ҷамъоварии пахта дар Леваканту Бохтар КИТОБХОНАИ ОММАВИИ ВИЛОЯТИ ХАТЛОН ПАС АЗ БОЗСОЗӢ БО ИШТИРОКИ РАИСИ ВИЛОЯТ БА ИСТИФОДА ШУД ЁВОН. НАҚШАИ ҶАМЪОВАРИИ ҲОСИЛИ ПАХТА ИҶРО ШУД