Маҷаллаи Сафо
Шеъру адаб
Маслиҳати муфид
Номаҳо
Ман фарзанди содиқи Ватан ҳастам!
Дар фазои сулҳу оромӣ ва хотири осуда умр ба сар бурдан лаззате дорад. Ин осудагӣ ва пешравии мо бевосита ба хизмати садоқатмандонаи фарзандони Ватан вобаста аст. Ҳар яки мо бояд дарк кунем, ки сулҳу суботи кишвар бо ҳимояи сарҳад, муҳофизати марзу буми муқаддаси мо ва садоқати ҷавонмардони далеру ғаюр таъмин мегардад.
Мутаассифона, имрӯзҳо мо дар гӯшаҳои гуногуни ҷаҳон шоҳиди нооромиву ҷангҳои шадид мегардем. Давлатҳое ҳастанд, ки мардумонашон дар зери таркишҳо ва оташи низоъҳо умр ба сар мебаранд. Кӯдакон бе падар мемонанд, модарон ашк мерезанд ва ҷавонон наметавонанд орзуҳои худро амалӣ созанд. Чунин ҳолатҳо моро водор месозанд, ки қадри амну осоиши кишвар бирасем ва барои ҳифзи ҳар ваҷаб хоки он камари ҳиммат бубандем.
Чуноне ки Асосгузори сулҳу ваҳдати миллӣ – Пешвои миллат муҳтарам Эмомалӣ Раҳмон гуфтаанд:
“Танҳо давлате метавонад озод ва соҳибихтиёр бошад, ки неруи қавии мудофиавӣ дошта бошад ва ҷавононаш барои ҳифзи Ватан ҳамеша омода бошанд“.
Ва ҷои дигар:
“Ватандорӣ бахти бузург аст, вале ба қадри Истиқлолият ва давлати соҳибихтиёр расида тавонистан аз он ҳам болотар. Зеро соҳибватан будан тақдири фарзандон, тақдири миллат, забон ва иқтисоду фарҳанги хешро дар даст доштан на ба ҳар халқу миллат ба осонӣ муяссар мегардад“.
Ҳар як ҷавони бо нангу номус бояд ин суханҳоро шиори зиндагии худ қарор диҳад. Ман бо чашмони худ дидам, ки хизмати ҳарбӣ чӣ гуна мактаби мардонагӣ ва далерист. Он ҷо мо на танҳо бо техникаи ҳарбӣ шинос мешавем, балки дарси садоқат, вафодорӣ ва ватандӯстиро аз худ менамоем.
Имрӯз, вақте ки мо бо ифтихор ба зиндагии худ нигоҳ мекунам, медонам, ки хизмат ба Ватан на танҳо як марҳилаи кӯтоҳи ҳаёт, балки як масъулияти муқаддас ва қарзи фарзандии мост. Мехоҳам ҳар як ҷавонмард дарк кунад, ки хизмати ҳарбӣ шарафи ҳар як ҷавонмард аст. Сулҳу оромӣ беҳтарин неъмати зиндагӣ мебошад ва онро бояд ҳифз кард.Мо бояд Ватани худро дӯст дорем ва омода бошем, ки дар лаҳзаи зарурӣ онро ҳимоя кунем!
Ҳамчунин даъват мекунам, ки ҳар як ҷавон хизмати Модар-Ватанро бо ифтихор ва эҳтиром адо намояд. Мо имрӯз муҳофизи Ватан бошем, то ки фардо модарони мо дар фазои тинҷу ором зиндагӣ кунанд!
Зинда бод Ватани азизи мо!
Маҳмадалӣ Маҳмадалиев
Добавить комментарий
Ахбор
БАРОИ “БЕҲТАРКУНИИ НИЗОМИ ОБТАЪМИНКУНӢ ДАР НОҲИЯИ ЁВОН” 4,8 МИЛЛИОН ЕВРО ҶУДО МЕШАВАД 13:19ҶАВОН ВА ВАТАН: МАСЪУЛИЯТ, ДОНИШ ВА САДОҚАТ 15:04ХАТЛОН: НАЗДИК БА 80% ДУХТАРОНИ СИННИ 10 – 14-СОЛА ИММУНИЗАТСИЯ ШУДАНД 14:48ҶАЙҲУН. БЕШ АЗ ЯК КИЛОМЕТР РОҲ МУМФАРШ КАРДА ШУД 15:15ЁВОН. НАҚШАИ ҶАМЪОВАРИИ ҲОСИЛИ ПАХТА ИҶРО ШУД 11:33ФАРРУХЗОДАҲОИ МИЛЛАТ 11:38ПАНҶ. ИММУНИЗАТСИЯ БЕШ АЗ 70 ФОИЗ ИҶРО ШУДААСТ 11:25ЭЪЛОН. "ҚАЛАМИ ДОНИШҶӮ" 10:51
Маҷаллаи №6-2019
Серхонандаҳо
НАМОИШГОҲИ МАҲСУЛОТИ КИШОВАРЗӢ, САНОАТӢ, ҲУНАРҲОИ МАРДУМӢ ВА ТАОМҲОИ МИЛЛИИ ВИЛОЯТИ ХАТЛОН ДАР ҚАЗОҚИСТОН БАРГУЗОР МЕГАРДАД
ЯК ВОЯИ GARDASIL САРАТОНИ ГАРДАНАКИ БАЧАДОНРО ПЕШГИРӢ МЕКУНАД
СЕМИНАРИ ОМӮЗИШӢ БО ҒОЛИБОНИ ОЗМУН
Бохтар. Бозсозии муҷассамаи Абӯабдуллоҳи Рӯдакӣ
РӮЗНОМАНИГОРИ БОХИРАДИ САДСОЛА
ҶАЙҲУН. БЕШ АЗ ЯК КИЛОМЕТР РОҲ МУМФАРШ КАРДА ШУД
ПАНҶ. ИММУНИЗАТСИЯ БЕШ АЗ 70 ФОИЗ ИҶРО ШУДААСТ
Иҷрои дурнамои ҷамъоварии пахта дар Леваканту Бохтар
КИТОБХОНАИ ОММАВИИ ВИЛОЯТИ ХАТЛОН ПАС АЗ БОЗСОЗӢ БО ИШТИРОКИ РАИСИ ВИЛОЯТ БА ИСТИФОДА ШУД
ЁВОН. НАҚШАИ ҶАМЪОВАРИИ ҲОСИЛИ ПАХТА ИҶРО ШУД
