Маҷаллаи Сафо
Шеъру адаб
Чеҳра
Маслиҳати муфид
Номаҳо
Нурализода Наргис: Мароми мо - баланд бардоштани мақоми зан дар ҷомеа
Бо дарназардошти нақши меҳварии бонувону модарон дар тарбияву камолоти ҷисмонии инсоният ва дар руҳияи ватандӯстиву арҷгузорӣ ба муқаддасоти миллату давлатдорӣ ба воя расонидани насли башар солҳои соҳибистиқлолӣ роҳбарияти олии мамлакат бобати баланд бардоштани мақоми зан дар ҷомеа ва арҷгузории ҷомеа ба бузургии зан-модар тадбирҳои муҳиму ояндасозеро амалӣ намуда истодаанд, ки имрӯз самараи судманди он дар ҳаёти рӯзмарраи мо баръало мушоҳида мегардад. Дар доираи татбиқи дастуру супоришҳо ва ҳадафҳои вобаста ба тарбияву омода намудани ҷавондухтарон дар фаъолиятҳои ҷамъиятӣ ва ҳам ҳаёти оиладорӣ, ки дар паёмҳои ҳарсолаи Пешвои муаззами миллат таъкид мегардад, солҳои охир дар Донишгоҳи давлатии Бохтар ба номи Носири Хусрав иқдомҳои наҷиб роҳандозӣ гардида истодааст.
Бинобар гуфтаи Нурализода Наргис, муовини ректор оид ба корҳои тарбиявии донишгоҳи мазкур, дар ин муассисаи олии таълимӣ дар баробари таваҷҷуҳ ба баланд бардоштани сатҳу сифати таълим, ҳамвора, ба тақвият бахшидани чорабиниҳои маърифатӣ, тарғиби сиёсати давлатӣ дар самти баланд бардоштани мақоми зан дар ҷомеа, тарбияи донишҷӯён, бахусус ҷавондухтарон дар руҳияи худшиносиву шинохти муқаддасоти миллату давлатдорӣ таваҷҷуҳи аввалиндараҷа дода мешавад. Дар ин росто, таъсиси Шурои бонувони донишгоҳ, ки самти асосии фаъолияти он ба таҳлилу баррасӣ, ҳаллу фасли муҳимтарин масоили донишҷӯдухтарон ва таблиғу муаррифии дастовардҳои илмиву эҷодии онҳо нигаронида шудааст, дар масири татбиқи ҳадафҳои пешгирифтаи мо дар ин самт нақши пешоҳангӣ мебозад.
Давоми ду соли охир тибқи нақша-чорабиниҳои роҳандозинамудаи самти тарбияи раёсати донишгоҳ бо ҷалби бонувони донишманду омӯзгорзанони собиқадор миёни донишҷӯйдухтарон даҳҳо маҳфилҳо, конфронсу семинарҳои илмӣ-амалӣ баргузор карда шуд, ки ин тадбирҳо ба баланд бардоштани маърифатнокӣ, бедории фикриву рушди донишу маҳорати ҷавондухтарон нигаронида шуда буд. Самараи назорати қатъӣ аз раванди илму донишандӯзии духтарони донишгоҳ буд, ки дар як соли охир давомоти донишҷӯён ва сатҳи саводомӯзии онҳо беҳтару хубтар гардида, дастпарваронаш бо дастовардҳои илмиву эҷодӣ номбардори донишгоҳ дар озмуну олимпиадаҳои фанниву фарҳангӣ мебошанд.
Ба гуфтаи Нурализода Наргис, ҳамрадифи татбиқи нақшаи чорабиниҳои самти маърифатнокии донишҷӯён, давоми солҳои охир бо ибтикори Шурои бонувони донишгоҳ тамоми санаҳои муҳими таърихии кишварамон бо иштироки кулли донишҷӯдухтарону бонувони номвари маркази вилояти Хатлон дар сатҳи баланд ҷашн гирифта мешавад. Мусаллам аст, ки таваҷҷуҳи ҷавонон ба чунин чорабиниҳои ифтихории миллат дар ташаккули афкору ҷаҳонбинии онҳо нақши муассир хоҳад гузошт.
- Тақозои замони муосир аст, ки ҷавондухтарон баробари омӯхтани илму дониш ва мутахассиси хуби ину он соҳа будан, инчунин, бо азбар кардани ҳунарҳои хонагӣ фарҳанги волои муошират, одобу ахлоқи ҳамида ва ҷумла зарфиятҳои хоси дар оянда модари хубу оқила будан, ба ҳаёти оилавӣ омода бошанд. Хушбахтона, дар доираи маҳфилу чорабиниҳои фарҳангӣ - маърифатии роҳандозинамудаи самти кор бо тарбияи донишгоҳ имрӯз бештари донишҷӯдухтарон оид ба назокатҳои фарҳанги оиладорӣ, пешгирӣ аз баҳсу муноқишаҳои оилавӣ ва дар шебу фарози рӯзгор сабру таҳаммулпазирӣ пеша кардан, донишу маълумоти лозимиро аз бар кардаанд,- гуфт Нурализода Наргис.
Ӯ ба ҳайси муовини ректор оид ба корҳои тарбиявӣ моҳияти дастуру супоришҳои Сарвари давлатро вобаста ба забономӯзии ҷавонон ва ҷавобгӯи меъёрҳои ҷаҳонӣ таълиму омода намудани кадрҳои ҷавонро хуб дарк намуда, донишҷӯдухтаронро ба омӯзиши забонҳои хориҷӣ раҳнамоӣ мекунад. Имрӯзҳо дар маркази забономӯзии Донишгоҳи давлатии Бохтар ба номи Носири Хусрав курси омӯзиши забони англисӣ миёни устодони донишгоҳ идома дошта, дар ин замина тадбирҳои судманд ҷиҳати забономӯзии донишҷӯён низ рӯи кор хоҳад омад.
-Донишгоҳ танҳо муассисаи таълимиву омодасозии мутахассисони касбу кори гуногун нест, балки донишҷӯён бо иштирок дар чорабиниҳои фарҳангиву сиёсӣ, маҳфилу озмунҳо ва семинару машваратҳои илмиву амалӣ сатҳи ҷаҳонбинии худро боло бардошта, ҳунару истеъдодҳои худро сайқал медиҳанд. Хушбахтона, тамоми маҳфилу чорабиниҳои илмиву фарҳангӣ ва сиёсии моро гурӯҳи истеъдодҳои “Левакант”-и назди Донишгоҳ шукуҳи хоса мебахшад. Ин гурӯҳ дар маҳфилу озмунҳои ҷумҳуриявӣ муаррифгар ва номбардори ин муассисаи олии таълимӣ буда, дар ташаккули афкори созанда миёни донишҷӯён нақши ниҳоят муҳим мебозад.
Қобили зикр аст, ки бо ибтикори Шурои бонувони Донишгоҳи давлатии Бохтар ба номи Носири Хусрав чанде пеш чорабинии идона бахшида ба рӯзи Артиши миллӣ баргузор гардид, ки дар он дар баробари донишҷӯйдухтарон бонувони касбу кори гуногуни маркази вилоят низ ширкат варзиданд. Ҷаззобияту шаҳомати ин чорабинии идона аз мазмуну муҳтавои барномаҳои ҳунариву эҷодии ҳаваскорони донишгоҳ маншаъ гирифта, хизмат дар сафи Артиши миллиро қарзи муқаддаси ҳар ҷавонмард арзёбӣ дошта, модарону хоҳарони мо изҳори ифтихору сарбаландӣ аз ҷавонписароне доштанд, ки ихтиёран ба сафи Қувваҳои мусаллаҳи кишварамон шомил гардида, хизмати ҳарбиро содиқона адо менамоянд. Фикр мекунам ҳамин гуна чорабиниҳои фарҳангӣ таваҷҷуҳи ҷомеаро бобати роҳнамоии ҷавонписарон ба хизмати Модар-Ватан дучанд сохта, аз ҷумла ҷавондухтарон ҳам дар интихоби ҳамсафари ояндаи худ ба ҷавононе афзалият медиҳанд, ки дар мактаби ҳарбии мардонагии Қувваҳои мусаллаҳи кишварамон тарбияву обутоб гирифтаанд.
Умуман, нақша чорабиниҳои маърифатнокӣ ва тадбирҳои андешидаи роҳбарияти донишгоҳ дар самти тарбияи ҷавондухтарон дар руҳияи худшиносиву худогоҳӣ ва такмили касбияту сайқали истеъдод, ҷалби таваҷҷуҳи духтарон ба забономӯзиву ҳунарҳои лозими рӯзгор аз дастуру супоришҳои дар Паёмҳои солонаи Президенти маҳбуби кишварамон зикргардида сарчашма мегиранд. Вобаста ба ин самти фаъолият Шурои бонувони донишгоҳ саъю кӯшиш дорад, ки дар татбиқи ҳадафҳои пешбинигардида дар самти тарбия ва омода намудани кадрҳои лаёқатманд аз ҳисоби занону духтарон саҳми арзандаи худро гузошта бошад,- иброз дошт дар фарҷоми суҳбат Нурализода Наргис, муовини ректор оид ба корҳои тарбиявии Донишгоҳи давлатии Бохтар ба номи Носири Хусрав.
Маврид ба ёдоварист, ки имрӯзҳо гурӯҳҳои тарғиботӣ аз ҳисоби устодони донишгоҳ бо мақсади ҷалби таваҷҷуҳи хатмкунандагони муассисаҳои таҳсилоти миёнаи умумӣ барои идомаи таҳсилоти олӣ вохӯриҳо анҷом дода истодаанд. Умедворем, ки яке аз натиҷаҳои самарабахши ин дидору вохӯриҳои рӯ ба рӯ бо донишҷӯёни ояндаи муассисаҳои олии таълимӣ, завқу руҷӯи дучанди духтарони деҳу рустоҳои дурдаст ҷиҳати дохил шудан ба муассисаҳои оливу касбӣ, аз ҷумла, Донишгоҳи давлатии Бохтар ба номи Носири Хусрав мегардад.
Бинобар гуфтаи Нурализода Наргис, муовини ректор оид ба корҳои тарбиявии донишгоҳи мазкур, дар ин муассисаи олии таълимӣ дар баробари таваҷҷуҳ ба баланд бардоштани сатҳу сифати таълим, ҳамвора, ба тақвият бахшидани чорабиниҳои маърифатӣ, тарғиби сиёсати давлатӣ дар самти баланд бардоштани мақоми зан дар ҷомеа, тарбияи донишҷӯён, бахусус ҷавондухтарон дар руҳияи худшиносиву шинохти муқаддасоти миллату давлатдорӣ таваҷҷуҳи аввалиндараҷа дода мешавад. Дар ин росто, таъсиси Шурои бонувони донишгоҳ, ки самти асосии фаъолияти он ба таҳлилу баррасӣ, ҳаллу фасли муҳимтарин масоили донишҷӯдухтарон ва таблиғу муаррифии дастовардҳои илмиву эҷодии онҳо нигаронида шудааст, дар масири татбиқи ҳадафҳои пешгирифтаи мо дар ин самт нақши пешоҳангӣ мебозад.
Давоми ду соли охир тибқи нақша-чорабиниҳои роҳандозинамудаи самти тарбияи раёсати донишгоҳ бо ҷалби бонувони донишманду омӯзгорзанони собиқадор миёни донишҷӯйдухтарон даҳҳо маҳфилҳо, конфронсу семинарҳои илмӣ-амалӣ баргузор карда шуд, ки ин тадбирҳо ба баланд бардоштани маърифатнокӣ, бедории фикриву рушди донишу маҳорати ҷавондухтарон нигаронида шуда буд. Самараи назорати қатъӣ аз раванди илму донишандӯзии духтарони донишгоҳ буд, ки дар як соли охир давомоти донишҷӯён ва сатҳи саводомӯзии онҳо беҳтару хубтар гардида, дастпарваронаш бо дастовардҳои илмиву эҷодӣ номбардори донишгоҳ дар озмуну олимпиадаҳои фанниву фарҳангӣ мебошанд.
Ба гуфтаи Нурализода Наргис, ҳамрадифи татбиқи нақшаи чорабиниҳои самти маърифатнокии донишҷӯён, давоми солҳои охир бо ибтикори Шурои бонувони донишгоҳ тамоми санаҳои муҳими таърихии кишварамон бо иштироки кулли донишҷӯдухтарону бонувони номвари маркази вилояти Хатлон дар сатҳи баланд ҷашн гирифта мешавад. Мусаллам аст, ки таваҷҷуҳи ҷавонон ба чунин чорабиниҳои ифтихории миллат дар ташаккули афкору ҷаҳонбинии онҳо нақши муассир хоҳад гузошт.
- Тақозои замони муосир аст, ки ҷавондухтарон баробари омӯхтани илму дониш ва мутахассиси хуби ину он соҳа будан, инчунин, бо азбар кардани ҳунарҳои хонагӣ фарҳанги волои муошират, одобу ахлоқи ҳамида ва ҷумла зарфиятҳои хоси дар оянда модари хубу оқила будан, ба ҳаёти оилавӣ омода бошанд. Хушбахтона, дар доираи маҳфилу чорабиниҳои фарҳангӣ - маърифатии роҳандозинамудаи самти кор бо тарбияи донишгоҳ имрӯз бештари донишҷӯдухтарон оид ба назокатҳои фарҳанги оиладорӣ, пешгирӣ аз баҳсу муноқишаҳои оилавӣ ва дар шебу фарози рӯзгор сабру таҳаммулпазирӣ пеша кардан, донишу маълумоти лозимиро аз бар кардаанд,- гуфт Нурализода Наргис.
Ӯ ба ҳайси муовини ректор оид ба корҳои тарбиявӣ моҳияти дастуру супоришҳои Сарвари давлатро вобаста ба забономӯзии ҷавонон ва ҷавобгӯи меъёрҳои ҷаҳонӣ таълиму омода намудани кадрҳои ҷавонро хуб дарк намуда, донишҷӯдухтаронро ба омӯзиши забонҳои хориҷӣ раҳнамоӣ мекунад. Имрӯзҳо дар маркази забономӯзии Донишгоҳи давлатии Бохтар ба номи Носири Хусрав курси омӯзиши забони англисӣ миёни устодони донишгоҳ идома дошта, дар ин замина тадбирҳои судманд ҷиҳати забономӯзии донишҷӯён низ рӯи кор хоҳад омад.
-Донишгоҳ танҳо муассисаи таълимиву омодасозии мутахассисони касбу кори гуногун нест, балки донишҷӯён бо иштирок дар чорабиниҳои фарҳангиву сиёсӣ, маҳфилу озмунҳо ва семинару машваратҳои илмиву амалӣ сатҳи ҷаҳонбинии худро боло бардошта, ҳунару истеъдодҳои худро сайқал медиҳанд. Хушбахтона, тамоми маҳфилу чорабиниҳои илмиву фарҳангӣ ва сиёсии моро гурӯҳи истеъдодҳои “Левакант”-и назди Донишгоҳ шукуҳи хоса мебахшад. Ин гурӯҳ дар маҳфилу озмунҳои ҷумҳуриявӣ муаррифгар ва номбардори ин муассисаи олии таълимӣ буда, дар ташаккули афкори созанда миёни донишҷӯён нақши ниҳоят муҳим мебозад.
Қобили зикр аст, ки бо ибтикори Шурои бонувони Донишгоҳи давлатии Бохтар ба номи Носири Хусрав чанде пеш чорабинии идона бахшида ба рӯзи Артиши миллӣ баргузор гардид, ки дар он дар баробари донишҷӯйдухтарон бонувони касбу кори гуногуни маркази вилоят низ ширкат варзиданд. Ҷаззобияту шаҳомати ин чорабинии идона аз мазмуну муҳтавои барномаҳои ҳунариву эҷодии ҳаваскорони донишгоҳ маншаъ гирифта, хизмат дар сафи Артиши миллиро қарзи муқаддаси ҳар ҷавонмард арзёбӣ дошта, модарону хоҳарони мо изҳори ифтихору сарбаландӣ аз ҷавонписароне доштанд, ки ихтиёран ба сафи Қувваҳои мусаллаҳи кишварамон шомил гардида, хизмати ҳарбиро содиқона адо менамоянд. Фикр мекунам ҳамин гуна чорабиниҳои фарҳангӣ таваҷҷуҳи ҷомеаро бобати роҳнамоии ҷавонписарон ба хизмати Модар-Ватан дучанд сохта, аз ҷумла ҷавондухтарон ҳам дар интихоби ҳамсафари ояндаи худ ба ҷавононе афзалият медиҳанд, ки дар мактаби ҳарбии мардонагии Қувваҳои мусаллаҳи кишварамон тарбияву обутоб гирифтаанд.
Умуман, нақша чорабиниҳои маърифатнокӣ ва тадбирҳои андешидаи роҳбарияти донишгоҳ дар самти тарбияи ҷавондухтарон дар руҳияи худшиносиву худогоҳӣ ва такмили касбияту сайқали истеъдод, ҷалби таваҷҷуҳи духтарон ба забономӯзиву ҳунарҳои лозими рӯзгор аз дастуру супоришҳои дар Паёмҳои солонаи Президенти маҳбуби кишварамон зикргардида сарчашма мегиранд. Вобаста ба ин самти фаъолият Шурои бонувони донишгоҳ саъю кӯшиш дорад, ки дар татбиқи ҳадафҳои пешбинигардида дар самти тарбия ва омода намудани кадрҳои лаёқатманд аз ҳисоби занону духтарон саҳми арзандаи худро гузошта бошад,- иброз дошт дар фарҷоми суҳбат Нурализода Наргис, муовини ректор оид ба корҳои тарбиявии Донишгоҳи давлатии Бохтар ба номи Носири Хусрав.
Маврид ба ёдоварист, ки имрӯзҳо гурӯҳҳои тарғиботӣ аз ҳисоби устодони донишгоҳ бо мақсади ҷалби таваҷҷуҳи хатмкунандагони муассисаҳои таҳсилоти миёнаи умумӣ барои идомаи таҳсилоти олӣ вохӯриҳо анҷом дода истодаанд. Умедворем, ки яке аз натиҷаҳои самарабахши ин дидору вохӯриҳои рӯ ба рӯ бо донишҷӯёни ояндаи муассисаҳои олии таълимӣ, завқу руҷӯи дучанди духтарони деҳу рустоҳои дурдаст ҷиҳати дохил шудан ба муассисаҳои оливу касбӣ, аз ҷумла, Донишгоҳи давлатии Бохтар ба номи Носири Хусрав мегардад.
Юсуфи Собир
Добавить комментарий
Ахбор
Ёвон. Майдончаи варзишӣ ифтитоҳ шуд 12:26Нурализода Наргис: Мароми мо - баланд бардоштани мақоми зан дар ҷомеа 11:53Ҳифзи пиряхҳо – ҳифзи ояндаи инсоният 15:17ПАЁМИ ТАБРИКИИ РАИСИ ВИЛОЯТИ ХАТЛОН ДАВЛАТАЛӢ САИД БАХШИДА БА ҶАШНИ НАВРӮЗИ БАЙНАЛМИЛАЛӢ 15:11ДАСТОНИ ПУРҲУНАР 14:13Хирад раҳнамою хирад раҳкушой 12:13СУМАНАК 10:37Пешвои миллат эҳёгари Наврӯз 10:22
Маҷаллаи №6-2019
Серхонандаҳо
Хатлон 109 нафақагири аз 100 сола боло дорад
ПЕШАИ ПУРИФТИХОР
ХАТЛОН: АЁДАТИ МОДАРИ 104-СОЛА ВА СОБИҚАДОРЕ, КИ 62 СОЛ ИНҶОНИБ ОМӮЗГОР АСТ
Тақдими 100 000 сомонӣ ба ғолибон
Таҷлили Рӯзи Модар дар Хатлон
Хатлон. 113- солагии матбуоти тоҷик таҷлил шуд
ХОВАЛИНГ. МАТБАА СОҲИБИ ДАСТГОҲИ ЗАМОНАВӢ ШУД
Дар шаҳри Бохтар 350 ҳазор гул шинонида шудааст
Ёвон. Майдончаи варзишӣ ифтитоҳ шуд
Пешвои миллат эҳёгари Наврӯз
