Тақдими 100 000 сомонӣ ба ғолибон

Озмуни “Беҳтарин акси модар ва духтар бо либоси миллӣ” ҷамъбаст гардид.
Дар доираи тантанаҳои бошукуҳи идона бахшида ба “Рӯзи Модар” дар Раёсати Вазорати корҳои дохилӣ дар вилояти Хатлон чорабинии тантанавӣ баргузор гардид. Чорабинии мазкур бо мақсади қадршиносӣ ва гиромидошти хизматҳои шабонарӯзии кормандзанони милитсия, рисолати бузурги зан – модари тоҷик дар таъмини тартиботи ҳуқуқӣ ва амнияти ҷамъиятӣ роҳандозӣ гардид.
Чорабиниро сардори Раёсати ВКД дар вилояти Хатлон генерал – лейтенанти милитсия Назарзода Шариф Раҳмон бо сухани табрикӣ ифтитоҳ намуда, зикр кард, ки дар давраҳои гуногун занону модарони тоҷик дар рушди давлатдории миллӣ, тарбияи фарзандони шуҷоъ, ба воя расонидани қаҳрамонони миллат, тарғиби фарҳанг ва суннатҳои миллӣ, таълифи шеъру достон ва асарҳои ватанпарварона, таъмини озодиву Истиқлолият ва оромиву суботи сарзамини аҷдодӣ саҳми арзишманд гузоштаанд.

Номбурда қайд намуд, ки бо талошу кӯшишҳои пайвастаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ва қабули барномаву стратегияҳои давлатӣ мақому мартабаи зани тоҷик дар ҷомеа рўз аз рўз баланд гардида истодааст, ки ин нишони таваҷҷўҳ ва эътибори ҷиддӣ додан ба кору фаъолияти занон дар тамоми соҳаҳо мебошад.
Дар ин рӯз дар асоси фармонҳои роҳбарияти Вазорати корҳои дохилӣ ва Раёсати он дар вилояти Хатлон як қатор кормандон-занони мақомоти корҳои дохилӣ, ки дар фаъолияти хизматӣ ва тартиботи ҷамъиятӣ саҳми бориз гузоштаанд, бо нишони сарисинагӣ, медалу сипоснома ва туҳфаҳои хотиравии арзишнок дар вазъияти тантанавӣ қадрдонӣ гардидаанд.

Дар қисмати дигари чорабинӣ маросими ҷоизасупорӣ ба ғолибони озмуни "Беҳтарин акси модар ва духтар бо либоси миллӣ", ки баргузории он қаблан бо ташаббуси Раёсати ВКД дар вилояти Хатлон роҳандозӣ гардида буд, баргузор гардид.
Як нафар ғолиби ҷойи аввал бо диплом, 10 ҳазор сомонӣ ва як телевизор, 2 нафар ғолиби ҷойи дуюм ҳар кадоме бо диплом, 5000 сомонӣ ва як телевизор ва 3 нафар ғолибони ҷойи сеюм ҳар кадоме бо диплом, 3000 сомонӣ ва як телевизор қадрдонӣ гардиданд.
Ҳамчунин дар ин озмун аксҳои ирсолнамудани 8 нафари дигар ҳар кадоме бо Сипоснома, 2000 сомонӣ ва як телевизор қардонӣ гардиданд.
Сармояи низомномавии озмуни "Беҳтарин акси модар ва духтар бо либоси миллӣ" 100 000 сомониро ташкил дода, ҳадафи аслии он тарғиби либоси миллӣ, арҷгузорӣ ба фарҳангу арзишҳои миллӣ ва ба ин васила пешгирии бегонапарастӣ мебошад.

С. СУЛТОНОВ

( аксҳо аз саҳифаи фейсбукии Раёсати ВКД дар вилояти Хатлон )

Похожие новости:

Добавить комментарий

Ахбор

3 ҷоиза дар “Парасту-2025” 16:37 «Фарҳанги мутолиа омили рушди устувори ҷомеа ва инкишофи тафаккури эҷодӣ» 16:31 Беш аз 9 миллион гулу гулбуттаҳо шинонида мешавад 16:01 Зиёда аз 717 ҳазор дарахт шинонида шудааст 11:50 Фестивали вилоятии гулҳо-"Сайри гули лола" 16:21 ҶАЛАСАИ ҶАМЪБАСТИ НАТИҶАҲОИ РУШДИ ИҶТИМОИЮ ИҚТИСОДИИ ВИЛОЯТИ ХАТЛОН ДАР СЕМОҲАИ АВВАЛИ СОЛИ 2025 15:48 Чор иншооти соҳаи тандурустӣ ба истифода дода шуд 15:03 Фестивал намоишгоҳи байналмилалӣ баргузор гардид 14:16

Маҷаллаи №6-2019

Серхонандаҳо

ҶАЛАСАИ ҶАМЪБАСТИ НАТИҶАҲОИ РУШДИ ИҶТИМОИЮ ИҚТИСОДИИ ВИЛОЯТИ ХАТЛОН ДАР СЕМОҲАИ АВВАЛИ СОЛИ 2025 Ҷ. Балхӣ. Бунгоҳи тиббии нав ифтитоҳ шуд Бохтар. Чорабинии мудофиаи ҳудудӣ доир гардид Дӯстӣ. Бунёди боз як иншооти соҳаи тандурустӣ Бохтар. Кӯдакон соҳиби майдонаи варзишӣ шуданд Панҷ. Пиёзи барвақтӣ ба бозор бароварда мешавад СУХАНИ ТАБРИКИИ РАИСИ ВИЛОЯТИ ХАТЛОН ДАВЛАТАЛӢ САИД ДАР ЧОРАБИНИИ РӮЗИ ДАЪВАТШАВАНДА Нақши ВАО дар шароити ҷаҳонишавӣ ва бархӯрди фарҳангу тамаддунҳо баррасӣ шуд Хатлон. Дар майдони беш аз 9 ҳазору 900 гектар пиёз кишт шудааст Фестивал намоишгоҳи байналмилалӣ баргузор гардид