Маҷаллаи Сафо
Шеъру адаб
Чеҳра
Маслиҳати муфид
Номаҳо
ОҒОЗИ МАВСИМИ НАВИ НИҲОЛШИНОНӢ ДАР ХАТЛОН
Бо ибтикори раиси вилоят Давлаталӣ Саид, роҳбарияти Сарраёсати ҳифзи муҳити зист ва гурӯҳе аз мутахассисону фаъолон ба мавсими нави ниҳолшинонӣ дар вилояти Хатлон оғоз гардид.
Тадбири мазкур дар доираи сиёсати давлатии ҳифзи муҳити зист роҳандозӣ шуда, ҳадафи асосии он беҳтар кардани фазои экологӣ ва пешгирии таъсири манфии гармшавии глобалӣ мебошад.
Дар доираи ин иқдоми экологӣ дар талу теппаҳои ҷамоати деҳоти Ғаллаободи ноҳияи Хуросон, шафати шоҳроҳи Душанбе-Бохтар беш аз 1000 дона дарахтони ҳамешасабзу сояафкан шинонида шуданд.
Раиси вилояти Хатлон Давлаталӣ Саид зимни ин тадбири сабзгардонӣтаъкид кард, ки ниҳолшинонӣ бояд ба як анъанаи нек ва масъулияти шаҳрвандии ҳар як сокин табдил ёбад. Ӯ зикр намуд, ки нигоҳубини дурусти ниҳолҳо, обёрии саривақтӣ ва муҳофизати онҳо аз зараррасонҳо вазифаи муҳими на танҳо масъулини соҳа, балки ҳамаи истифодабарандагони муҳити зист мебошад.
Ба гуфтаи мутахассисон дарахтони ҳамешасабз дар коҳиш додани газҳои зараровар дар атмосфера ва аз чангу ва дигар омилҳои зараровар пок гардидани ҳавои хеле муҳим мебошад.
Шинондани ниҳолони ҳамешасабз инчунин дар пешгирии эрозияи хок ва фароҳам овардани муҳити солим барои ояндагон нақши муҳим мебозад.
Мутахассисони Сарраёсати ҳифзи муҳити зист таъкид мекунанд, ки нигоҳубини мунтазам, аз ҷумла обёрӣ, нурирасонӣ ва муҳофизат аз зараррасонҳо, барои рушди пурраи ниҳолҳо зарур аст. Ба ин мақсад, гуруҳҳои махсуси хизматрасон ташкил карда шудаанд, ки раванди рушди дарахтонро назорат мекунанд.
Ин маъракаи ниҳолшинонӣ на танҳо барои ҳифзи муҳити зист, балки барои ҷалби таваҷҷуҳи сокинон ба масъалаҳои экологӣ низ муҳим аст. Аз кӯдакон то калонсолон, ҳама метавонанд бо саҳмгузорӣ дар шинондани дарахтон ва нигоҳубини онҳо дар эҷоди муҳити сабз ва зебо саҳм гиранд, - зикр намуд раиси вилоят Давлаталӣ Саид.
Дар мамлакат, бахусус вилояти Хатлон, маъракаи ниҳолшинонӣ ҳамасола ба як маъракаи муҳими сарсабзу хуррамгардонӣ табдил ёфта, барои сарсабзу хуррам гардонидани муҳити зист ва таллу теппаҳо тадбирҳои амалӣ андешида мешавад.
Қобили зикр аст, ки бо супориши раиси вилояти Хатлон дар тамоми шаҳру ноҳияҳо корҳои бунёдкорию созандагӣ, нишолшинонӣ ва кабудизоркунӣ вусъат бахшида, барои ободу зебо гардонидани ҳар як деҳа, маҳалла, ҷамоатҳои шаҳраку деҳот тадбирҳои самарабахш андешида шуда истодааст.
Чунин тадбирҳои сабзгардонӣ аз ҷониби Сарраёсати ҳифзи муҳити зист дар вилояти Хатлон, шуъбаю бахшҳои он дар шаҳру навоҳии вилоят, аз ҷониби ташкилоту муассисаҳо ва фаъолону табиатдӯстон бо вусъат идома хоҳад ёфт.
Махкамов А
Добавить комментарий
Ахбор
БОХТАР. НАСБИ АРЧАИ СОЛИНАВӢ БО БАЛАНДИИ 24 МЕТР 12:27Ҷ. БАЛХӢ. 8 КИЛОМЕТР РОҲ МУМФАРШ КАРДА ШУД 12:23ЁВОН. НАСБИ ГУЗАРГОҲИ ЭЛЕКТРОНӢ ДАР КӮДАКИСТОН 12:18Кӯлоб. Ба дӯконҳои нонпазии шаҳр ангишти ройгон тақдим карда шуд 15:03Хатлон. Маъракаи кишти пиёзу картошка оғоз шуд 15:26ЧАҲОР ШОҲҶОИЗА ДАР ОЗМУНИ ҶУМҲУРИЯВИИ "ФУРӮҒИ СУБҲИ ДОНОӢ КИТОБ АСТ" 14:43СОЛИ ФАРҲАНГИ КИТОБХОНӢ – СОЛИ МУВАФФАҚИЯТ ДАР ХАТЛОН 14:372 ШОҲҶОИЗА ВА 26 ҶОЙ ДАР ОЗМУНИ ҶУМҲУРИЯВИИ « ФУРӮҒИ СУБҲИ ДОНОӢ КИТОБ АСТ » НАСИБИ ДОВТАЛАБОНИ ВИЛОЯТИ ХАТЛОН ГАРДИД. 14:34
Маҷаллаи №6-2019
Серхонандаҳо
2 ШОҲҶОИЗА ВА 26 ҶОЙ ДАР ОЗМУНИ ҶУМҲУРИЯВИИ « ФУРӮҒИ СУБҲИ ДОНОӢ КИТОБ АСТ » НАСИБИ ДОВТАЛАБОНИ ВИЛОЯТИ ХАТЛОН ГАРДИД.
“ШОҲНОМА” БА БОХТАР ҲАМ РАСИД
БОХТАР. ДАР ДАҲ МОҲ 43 ИНШООТ БУНЁД ШУД
Тақдими “Шоҳнома” ба сокинони ноҳияҳои Вахшу Абдураҳмони Ҷомӣ
ОЗМУНИ СТИПЕНДИЯИ ПРЕЗИДЕНТИ ҶУМҲУРИИ ТОҶИКИСТОН БАРГУЗОР ГАРДИД
Насби дурбинҳои назоратӣ дар партовгоҳҳо
Бунёди бинои 5 ошёнаи Раёсати суғуртаи иҷтимоӣ ва нафақа дар вилояти Хатлон
Ҷайҳун. 342 иншоот бунёд гардид
Хатлон. Маъракаи кишти пиёзу картошка оғоз шуд
БОХТАР. НАСБИ АРЧАИ СОЛИНАВӢ БО БАЛАНДИИ 24 МЕТР
