ШУМОРАИ НАФАҚАГИРОН АФЗУДААСТ

Дар вилояти Хатлон шумораи нафақагирон нисбат ба аввали соли равон 13 ҳазору 388 кас зиёд гардида, ба 293 ҳазору 520 нафар расидааст. 

Дар ин бора аз Раёсати Агентии суғуртаи иҷтимоӣ ва нафақа дар вилояти Хатлон ба “Сафо” иттилоъ доданд.

Иттилоъ дода шуд, ки талаботи моҳонаи нафақагирон дар вилоят 137,8 миллион сомониро дар бар гирифта, андозаи миёнаи нафақа 469,62 сомонӣ мебошад. 

Аз ҷамъи умумии нафақагирон 95 нафари онҳо аз 100 то 120 сола буда, куҳансолтарин нафақахӯр, сокини 120 солаи ноҳияи Ховалинг Басвимо Тураева мебошад. 

Инчунин дар ҳудуди вилоят 11 нафар маъюбон ва иштирокчиёни Ҷанги Бузургӣ Ватанӣ ва 21 нафар иштирокчии ақибгоҳ зиндагӣ мекунанд, ки ҳар кадоми онҳо ба андозаи беш аз 1400 сомонӣ ҳармоҳа нафақа мегиранд.

С. СУЛТОНОВ 

(Акс аз интернет)