14 окт 15:42АСОСӢ / Ахбор / Рушди деҳот, сайёҳӣ ва ҳунарҳои мардумӣ / Ҷамъият / Иҷтимоъ / Иқтисод / Сохтмон ва меъморӣ

БЕШ АЗ 136 КИЛОМЕТР РОҲ ТАЪМИРУ БОЗСОЗӢ ШУД

Давоми нуҳ моҳи сипаригардидаи соли равон бо харҷи зиёда аз 32 миллион сомонӣ роҳҳо ва пулҳои мошингарди минтақаи Бохтари вилояти Хатлон таъмиру бозсозӣ шудаанд.

Дар ин бора сардори Муассисаи давлатии “Идораи хоҷагии роҳҳои автомобилгард”-и минтақаи Бохтар Усмон Тағойбекзода ба “Сафо” иттилоъ дод.

Номбурда гуфт, ки бо харҷи маблағи болозикр зиёда аз 51 километр роҳ асфалтпӯш ва зиёда аз 84 километри дигар шағалпӯш гардидааст, ки дар маҷмӯъ беш аз 136 километр роҳро дар бар мегирад. Дар ин баробар 60 пули дигар низ аз таъмир бароварда шудааст.

Дар ин тадбири муҳим саҳми соҳибкорони маҳаллӣ назаррас буда, барои таъмиру азнавсозии роҳҳо онҳо 26 миллиону 234 ҳазор сомонӣ маблағгузорӣ кардаанд.

Инчунин дар ин давра аз ҳисоби Вазорати нақлиёти мамлакат 2 миллиону 292 ҳазор сомонӣ ва аз ҳисоби мақомотҳои маҳаллӣ 3 миллиону 654 ҳазор сомонӣ барои таъмиру таҷдиди роҳҳои минтақа маблағгузорӣ шудааст.

Феълан дар мувозинати муассисаи мазкур дар умум 2749,2 километр роҳ мавҷуд буда, аз ин миқдор 340,7 километр роҳҳои ҷумҳуриявӣ, 435,2 километр роҳҳои байналмилалӣ ва 1977 километр роҳҳои маҳаллӣ мебошанд.

С. СУЛТОНОВ

Похожие новости:

Добавить комментарий