30 сен 15:48АСОСӢ / Ахбор / Рушди деҳот, сайёҳӣ ва ҳунарҳои мардумӣ / Ҷамъият / Иҷтимоъ / Маслиҳати муфид

Тарбуз барои зимистон

Тарбуз – 400 гр

Об - 500 мл

Сиркои себ - 30 мл

Асал - 2 қошуқ

Намак - 2 қошуқча

Тарзи консервакунонии тарбуз: тарбузро шакли дилхоҳ ҳаҷман калонтар реза карда ба зарфи 1 литра меандозем. Аз болои тарбуз оби ҷӯшидашударо мерезем ва муддати 15 дақиқа нигоҳ медорем. Пас он оби хунукшударо мерезем ба он сиркои себ (яблочный уксус), намак асалро андохта, то ҷӯшомадан нигоҳ медорем. Дар охир аз болои тарбуз оби очор (маринадро) рехта, бо сарпӯш маҳкам мекунем.

Афшура аз тарбуз

Тарбуз( дилааш) - 3,7 кг

Шакар - 250 гр

Кислотаи лимӯ – 1 қошуқча

Бояд тарбузи хуштамъу пухтарасидаро интихоб намуд, то ки афшураи он хуштамъ барояд. Дилаи тарбуз бояд 3,7 кг бошад. Дилаи тарбузро гирифта, донаҳояшро ҷудо мекунем. Пас онро дар таҷҳизоти афшурабарорӣ андохта ду – се маротиба аз он мегузаронем. Афшураи омодашударо аз дока гузаронида, ба зарфи сирдор андохта, дар оташи муътадил то ҷӯшомадан нигоҳ медорем. Ширинии афшура аз тарбуз вобастагӣ дорад. Агар тарбузи интихобкардаи шумо ширин набошад метавонед камтар шакар истифода баред. Пас аз 2-3 дақиқаи ҷӯшидани афшура оташро хомӯш мекунем. Дар ин муддат зарфҳои шишагинро тоза шуста бо сарпӯшҳо тамйиз мекунем. Афшураро боз муддати 2-3 дақиқа ҷӯшонида ба зарфҳои тамйизкардашуда мерезем ва маҳкам мекунем.

Нӯшин

Похожие новости:

Добавить комментарий