Маҷаллаи Сафо
Маслиҳати муфид
Номаҳо
ҚАСИДАИ МЕҲАН
Меҳано, шеъри туро бо килки ҷон хоҳам навишт,
Қитъа не, байту ғазал не, достон хоҳам навишт.
Бо алифбое, ки бошад ҳарфҳояш ахтарон,
Васфи ҳуснат дар китоби осмон хоҳам навишт.
Дидаи зебонигар дорам, латифандешаам,
Сангҳоятро ба роҳам парниён хоҳам навишт.
Духтарат ҳастам, туро, эй модарам, эй меҳанам,
Ранҷҳо ҳам гар бубинам, меҳрубон хоҳам навишт.
Чун зане хоҳам ба фарқи кӯдакон рангинкамон,
Ман фақат васфи ҳамин зебокамон хоҳам навишт.
Кори ман чӣ, дар ҷаҳон гар ҳаст гулзори дигар?
Аз гулистонам ба ҳарфи гулфишон хоҳам навишт.
Ошиқи ҳарфи баланду шеъри ноби рафтагон,
З - ин фарози кӯҳу з - ин рӯди равон хоҳам навишт.
То ба марзи эътибори миллатам н-ояд газанд,
Аз ҳаёти ҷоннисори марзбон хоҳам навишт.
Миллати ман з-оташи сад ҷабри таърих растааст,
Қиссаи печидаи ҳар имтиҳон хоҳам навишт.
Бо ҳунар, бо хулқи некуянд соҳибэҳтиром,
Аз муҳоҷирбачаҳои қаҳрамон хоҳам навишт.
Нури Роғун нури бахти миллати фархунда аст,
З-ин сахои офтоби тоҷикон хоҳам навишт.
Пешвои мо атои Осмон асту Замин,
Аз атоҳои Худои меҳрбон хоҳам навишт.
То ки бошад давлатат поянда, иқболат баланд,
Дар ҳавоят ман ҳуморо парфишон хоҳам навишт.
То ки бошад гулфишону сабз марзи Меҳанам,
Шеъри сабзи меҳани дур аз хазон хоҳам навишт.
Зебунисо Қосимова
Добавить комментарий
Ахбор
БОНУИ МАТИНИРОДА 13:39НАФАҚА – КАФОЛАТИ ИҶТИМОИИ ДАВЛАТ БА ШАҲРВАНДОН 13:32БОХТАР. БОЗСОЗИИ МАҶМААИ “ВАҲДАТ” ОҒОЗ ШУД 14:02АЗ ҚАЪРИ ГИЛИ СИЯҲ ТО АВҶИ ЗУҲАЛ 13:58РАИСИ ВИЛОЯТИ ХАТЛОН БО РАИСИ ШӮРОИ ДИРЕКТОРОНИ ШИРКАТИ SHAANXI APPLE GROUP CO., LTD. МАСЪАЛАҲОИ РУШДИ ҲАМКОРИҲОИ САРМОЯГУЗОРӢ ВА БОҒДОРИРО БАРРАСӢ КАРДАНД 16:52ЭҲЁИ АДОЛАТИ ТАЪРИХӢ 12:56ДАР ВИЛОЯТИ ХАТЛОН НАТИҶАҲОИ РУШДИ ИҶТИМОИЮ ИҚТИСОДИИ НИМСОЛАИ АВВАЛИ СОЛИ 2026 ҶАМЪБАСТ ГАРДИДАНД 15:47Ҳамоиш таҳти унвони "Ин ҷаҳонро нигар бо чашми хирад" 12:36
Маҷаллаи №6-2019
Серхонандаҳо
Паёми шодбошии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба муносибати қабули қатъномаи Созмони Милали Муттаҳид таҳти унвони «Даҳсолаи байналмилалӣ оид ба таҳкими сулҳ барои наслҳои оянда, солҳои 2027 – 2036»
ЁВОН. МАРКАЗИ САЛОМАТИИ НАВУ ЗАМОНАВӢ БУНЁД МЕШАВАД
НОРАК. 194 ИНШООТИ ТАЪИНОТИ ГУНОГУН БУНЁД ШУД
БОХТАР. ТАРАБХОНАИ “KFC” БА ФАЪОЛИЯТ ОҒОЗ НАМУД
БОХТАР. ФУТБОЛИ ЗАНОНА ДАР МЕҲВАРИ ТАВАҶҶУҲ
РОҲИ АВТОМОБИЛГАРДИ ЁВОН-ВАҲДАТ-НОРАК БОЗСОЗӢ КАРДА МЕШАВАД
БОХТАР. БОЗСОЗИИ МАҶМААИ “ВАҲДАТ” ОҒОЗ ШУД
ЯК СИМОЮ ЯК САДО, АММО ДУ САРНАВИШТ
ДАҲСОЛАИ СУЛҲ: ЭЪТИРОФИ ҶАҲОНИИ ТАШАББУСИ ТОҶИКИСТОН
АЗ УМЕД ТО ХАТАР
