Намои асолати миллӣ

“Бегонашавии одоб ва расму ойни либоспўшӣ- бегонашавии фарҳангист, ки истиқлоли фикрӣ, ҳувияти миллӣ ва фарҳангии миллатро халалдор месозад”

Эмомалӣ Раҳмон

Либоси миллӣ симои миллӣ ва занону бонувон муаррифгари симои миллатанд. Мутаассифона, вақтҳои охир масъалаи фарҳанги либоспӯшии бархе аз занону бонувони мо боиси нигаронии аҳли ҷомеа гаштааст. Яъне, ҷавондухтарону бонувони тоҷик сарулибоси бегона ба бар карда, онро тарғиб ҳам мекунанд. Махсусан, байни ҷавондухтарон пӯшидани ба истило сатру ҳиҷоб муд шудааст. Сару либоси миллии халқи тоҷик аз беҳтарин намунаи либос маҳсуб меёбад ва чакану адраси мо шуҳрати ҷаҳонӣ касб намудааст. Тавре Пешвои муаззами миллат дар мулоқот бо фаъолон, намояндагони ҷомеа ва ходимони дин, ки 9 марти соли равон дар шаҳри Душанбе баргузор гардид, изҳор доштанд: “Модарону бонувони мо – тоҷикон тарзи хоси либосҳои миллии худро доштанд ва онро ба мо мерос гузоштаанд, ки ҳар кадоме аз онҳо дар баробари зебоиву рангоранги меъёрҳои ахлоқиву эътиқодии мардуми бостонии моро инъикос мекард.”

Таърих собит намудааст, ки худшиносӣ ва ифтихори ватандорӣ, пойдевори бақои ҳар як миллату халқҳои соҳибфарҳанг мебошад. Миллате, ки таърих ва фарҳанги худро пос намедорад, хоҳу нохоҳ ба сарнавишти талху фоҷиабор рӯ ба рӯ мегардад. Ҳар як миллату халқро бо забони модарӣ, либос, фарҳанг ва муқаддасоти миллиаш мешиносанду эътироф менамоянд..

Дар ҷаҳон аксарияти қавму миллатҳое ҳастанд, ки давоми садсолаҳост либоси миллии худро нигоҳ доштанд ва бо вуҷуди тараққиёту рушди замона танҳо либоси миллии худро ба бар мекунанд. Ҳоло бештари занону бонувон, махсусан, ҷавонон зери таъсири хурофоту таассуб мондаанд. Нигаронии аҳли ҷомеа ҳам аз он аст, ки ҷавонони ноогоҳ рӯ ба фарҳанги бегона овардаанд, ки ин оқибат даст кашидан аз фарҳанги миллӣ ва асолат аст.

Дарвоқеъ, шахси соҳибмаърифат наметавонад пойбанди хурофоту ифрот бошад. Либоси миллӣ, бахусус, чакану адрас, ки дорои нақшу садҳо рангҳои зебост, рамзи зебоиву нафосат, шодию сурур ҳам ҳаст, мояи ифтихору сарфарозӣ буда метавонад.

Дар масъалаи либоси миллӣ Шоири халқии Тоҷикистон Камол Насрулло, чунин ибрози назар намудааст: «Мо ҳаргиз муқобили либоси миллии дигар кишварҳо нестем. Аммо либоси миллии мо, фарҳанги мо симои миллии мост. Ва агар либоси миллии мо аз байн равад, симои миллии мо аз байн хоҳад рафт. Ва ҳадафи ин кӯшишҳо ҳам ҳамин аст: аз байн бурдани махсусиятҳои миллии халқи мо”.

Хушбахтона, тайи солҳои охир бо мақсади тарғиби либосҳои миллӣ, ҳисси зебоипарастӣ ва пос доштани фарҳанги миллӣ дар кишварамон тадбиру чорабиниҳои зиёд роҳандозӣ мегардад. Аксияи “Тоҷикона мепӯшем» аз ҷумлаи чорабиниҳои фарҳангиест, ки дар доираи он гулдухтарон бо либосҳои чакану адрас ба фасли зебои баҳор ҳусни дигар зам мекунанд. Либоси миллӣ намои асолати миллист. Бояд меросбари фарҳанги миллӣ бошем, аз тоҷик будан ва либоси миллиямон ифтихор кунем.

Расулова Наргис,

Каримова Сарварбӣ,

омӯзгорони Донишгоҳи давлатии Бохтар ба номи Носири Хусрав

Похожие новости:

Добавить комментарий

Ахбор

ДӮСТӢ. ТАБИБОН СОҲИБИ ЗАМИНИ НАЗДИҲАВЛИГӢ ШУДАНД 16:02 ТАҶЛИЛИ РӮЗИ КОРМАНДОНИ СОҲАИ ТИБ ДАР ХАТЛОН 15:21 ПАЁМИ ТАБРИКОТИИ РАИСИ ВИЛОЯТИ ХАТЛОН ДАВЛАТАЛӢ САИД БАХШИДА БА РӮЗИ КОРМАНДОНИ СОҲАИ ТИБ 10:16 МАЪРАКАИ ЧИНИШИ ПАХТА ДАР ВИЛОЯТИ ХАТЛОН ОҒОЗ ШУД 13:22 БОЗДИД АЗ САМАРАНОК ИСТИФОДАБАРИИ ЗАМИНИ НАЗДИҲАВЛИГӢ ВА ЗАХИРАИ ХӮРОКИ ДУСОЛА 13:08 КӮШОНИЁН: ИФТИТОҲИ БИНОИ ИЛОВАГӢ БАРОИ 400 НАФАР ХОНАНДА БО ИШТИРОКИ РАИСИ ВИЛОЯТ 12:59 КӮШОНИЁН: ИФТИТОҲИ МАРКАЗИ САЛОМАТӢ БО ИШТИРОКИ РАИСИ ВИЛОЯТ 12:52 МАДИНА ҚУРБОНЗОДА ҒОЛИБИ ОЗМУНИ ШАҲРИИ "ФАРЗАНД-БОҒИ ПАДАРУ МОДАР" ГАРДИД 14:20

Маҷаллаи №6-2019

Серхонандаҳо

Аъзамҷон Чиллазода: 91,3 фоизи маблағҳои буҷетӣ дар вилоят ба соҳаҳои иҷтимоиёт равона карда шудааст Ташрифи ҳайати экспедитсияи “Саёҳат ба қалби Авруосиё – 2025” ба шаҳри Бохтар Ҳиссаи омӯзгорони унвондор ба 36,3 фоиз расид Дар Хатлон 21 нафар ба фаъолияти блогерӣ машғул мебошанд Кӯшониён. Як ноболиғ аз ғарқшавӣ наҷот дода шудааст БОЗДИДИ РАИСИ ВИЛОЯТ АЗ ОҒОЗИ КОРҲОИ МУМФАРШКУНИИ 1,5 КМ РОҲИ АВТОМОБИЛГАРДИ АҲАМИЯТИ МАҲАЛЛИДОШТАИ ШАҲРАКИ ЁВОН- МЕҲРОБОД- ДАСТГИРАК- НАВОБОД ВА ПУЛИ МОШИНГУЗАР БАЪДИ ТАҶДИДУ АЗНАВСОЗӢ ЁВОН: БОЗДИД АЗ РАФТИ КОРҲОИ СОХТМОНӢ ДАР КОРГОҲИ ИСТЕҲСОЛИ ОҲАКИ СОХТМОНИИ ҶДММ «ҒАЮР ИНДАСТРИАЛ» ЁВОН: ШИНОСОИИ РАИСИ ВИЛОЯТ БО ЛОИҲАИ МУАССИСАИ ТАЪЛИМӢ Тоҷикстандарт. Дар Хатлон 7,3 тонна маҳсулоти ғайристандартӣ ошкор шуд БУНЁДИ 18 ИНШООТИ ВАРЗИШӢ ДАР ШАШ МОҲ