Маҷаллаи Сафо
Шеъру адаб
Маслиҳати муфид
Номаҳо
"КОРВОНИ ЗИДДИМУХОДИРОТӢ-2024" ДАР БОХТАР
11-уми июн соли ҷорӣ дар ҳошияи чорабиниҳои муштараки зиддинашъамадии "Корвони зиддимуходиротӣ-2024" дар шаҳри Бохтар ҳамоиши тантанавӣ баргузор гардид.
Дар тадбири мазкур муовини раиси вилоят Анзурат Абдусаломзода, намояндагони Агентии назорати нашъаовари назди Президенти Ҷумҳурии Тоҷикистон, шарикони рушд ва фаъолону ҷавонон иштирок намуданд.
Гуфта шуд, ки Стратегияи миллии мубориза бар зидди гардиши ғайриқонунии маводи мухаддир дар Ҷумҳурии Тоҷикистон самтҳои асосии сиёсати давлатии зиддимухаддиротии Ҷумҳурии Тоҷикистонро муайян намуда, ҳуҷҷати бунёдӣ оид ба банақшагирии чораҳои мубориза бо муомилоти ғайриқонунии маводи мухаддир ва пешгирии нашъамандӣ дар Ҷумҳурии Тоҷикистон ба шумор меравад. Ин ҳуҷҷати асосии ҳамкориҳои самараноки мақомоти ҳокимияти давлатӣ, ташкилотҳо ва иттиҳодияҳои ҷамъиятӣ барои таъмини амнияти шахсӣ, ҷомеа ва давлат мебошад.
Дар қисмати дигар ба ғолибони мусобиқаҳои варзишӣ аз рӯи намуди волейбол, ки байни хонандагони муассисаҳои таълимии шаҳри Бохтар таҳти шиори "Ҷавонон бар зидди маводи нашъовар!" бахшида ба 26-июн Рӯзи байналмилалии мубориза бар зидди сӯиистеъмоли маводи нашъадор ва муомилоти ғайриқонунии онҳо гузаронида шуд, бо ҷом, медал ва туҳфаҳои хотиравӣ қадршиносӣ гардиданд.
Сипас, ҳунармандони Театри вилоятии мусиқӣ-мазҳакавии ба номи Ато Муҳаммаҷонов намоишномаи тарбиявиеро оид ба нашъамандӣ манзури ҷамъомадагон гардониданд.
Дар охир барномаи ҷолиби фарҳангӣ-фароғатӣ низ ба саҳна гузошта шуд.
"САФО"
Добавить комментарий
Ахбор
Қасри фарҳанги ноҳияи Ҷайҳун пурра таъмиру навсозӣ гардид 15:36СУРУДИ МИЛЛӢ КАЙ САДО ДОД? 15:52МАН ОРИЁИЯМ, АЗ НАСЛИ ОФТОБ 15:48БОХТАР – ШАҲРИ РУШДУ БУНЁДКОРӢ 15:59БЕШ АЗ 432 МИЛЛИОН СОМОНӢ РУХСАТПУЛИИ ОМӮЗГОРОН ПАРДОХТ ШУДААСТ 17:40ПЕШРАФТ ДАР СОҲАИ МАОРИФИ ХАТЛОН: АЗ СОХТМОН ТО ДАСТОВАРДҲОИ ОЛИМПИАДАВӢ 12:36ЗИЁДА АЗ 27 ҲАЗОР ҚОНУНВАЙРОНКУНИҲО ОШКОР КАРДА ШУД 12:30ТАТБИҚИ ЛОИҲАИ “ШАҲРИ БЕХАТАР” ДАР БОХТАР 16:57
Маҷаллаи №6-2019
