МАНФИАТИ ҚОҚУ

Гули қоқу худрӯй буда, дар фасли баҳор дашту даман, кӯчаву хиёбонҳо ва гулгаштҳоро зардпӯш мекунад. Ин растаниро дар баробари зебогӣ ва ороиш боз ҷиҳати солимгардонӣ васеъ истифода мебаранд.

Дар решаи қоқу витаминњои А, С, К, дар барги он фосфор, оҳан, калсий, магний ва калий мавҷуд буда, он барои солимии инсон манфиатбахш аст. Витамини А ки дар решаи ин рустанӣ мавҷуд мебошад, дар пешгирии бемориҳои чашм ва бемории сустбинӣ дар пиронсолӣ, инчунин бемории саратон мусоид аст. Витамини С бошад, яке аз беҳтарин давост барои масунияти одам, бемориҳои сироятӣ ва бемории қалб. Набояд фаромӯш сохт, ки калий, оҳан, фосфор барои солимии дандон ва устухон муҳим буда, дар пешгирӣ аз ҳар гуна бемориҳо мусоидат мекунад.

Аксаран бемории шамолхӯрӣ инсонро ба дигар бемориҳо оварда мерасонад. Олимон муайян намудаанд, ки дар таркиби қоқу витамонҳое мавҷуданд, ки дар пешгирии шамолхӯрӣ ва саратони занона мусоидат намуда, дар солимии инсон нақши муҳим мебозад.

Обе, ки дар он қоқу ҷӯшонида шудааст атфолро шӯем, шамолхӯрии пӯсти кӯдакро рафъ месозад, асабро ором намуда, барои хобби бароҳати тифл кумак мекунад.

Қоқу масунияти одамро баланд мебардорад, фишори баландро муътадил мекунад, меъёри холестеринро дар хун паст намуда, инчунин афшураи барги қоқу хусусияти паст кардани табъи баландро дорад, дар бартарафсозии вазни зиёдатӣ муосид аст.

Ин растании шифобахш, ки хусусияти пешобронӣ дорад боз дар бартарафсозии санги гурда ва пешобдон кумак намуда, решаи он гурдаро тоза мекунад, ба системаи асаб ва паст намудани меъёри қанд дар хун нақши муҳим мебозад. Гули қоқу бошад, дар кори рагу дил мусоидат мекунад.

Қабл аз истеъмол ва истифодаи қоқу хуб мешуд аз табибон маслиҳат пурсед. Зеро барои он нафароне, ки аз дарди рӯдаю меъда, захми меъда ва дигар бемориҳо азият мекашанд, истеъмоли қоқу тавсия дода намешавад.

Бояд гуфт, ки кадбонуҳо метавонанд аз гули қоқу мураббо ва дигар намуд шириниҳо омода сохта, баҳри солимии хеш истифода баранд. Барги қоқуи наврустаро ба самбӯсаи алафин ва дигар хӯришҳо илова мекунанд. Барои рафъи талхии он баргҳоро муддати 30 дақиқа дар намакоб нигоҳ медоранд. Дар тибби халқӣ гул, решаи қоқу барои муолиҷаи бемориҳои мухталиф истифода мешавад.

Похожие новости:

Добавить комментарий

Ахбор

Н.ХУСРАВ. АЗ НАҚША ЗИЁД ИНШООТ БУНЁД ШУД 15:23 ШАҲРИТУС. ИСТЕҲСОЛИ МАҲСУЛОТИ КИШОВАРЗӢ АФЗУДААСТ 12:19 ҚУБОДИЁН. СОҲИБКОРОН 68 КИЛОМЕТР РОҲРО МУМФАРШ КАРДААНД 10:16 ПАНҶ. 189 ИНШООТИ ТАЪИНОТИ ГУНОГУН БУНЁД ГАРДИД 17:12 ДАР НОҲИЯИ ҶАЙҲУН ОСОРХОНАИ ХУШТАРҲУ ЗАМОНАВӢ БУНЁД МЕШАВАД 14:30 Ҷ. БАЛХӢ. 4 КОРГОҲУ КОРХОНАИ НАВИ САНОАТӢ БУНЁД ШУД 12:58 ДӮСТӢ. ЗИЁДА АЗ 98 ФОИЗИ ИНШООТИ ҶАШНӢ БУНЁД ГАРДИД 10:54 ВАХШ. БИНОИ НАВИ МАРКАЗИ САЛОМАТИИ НОҲИЯВӢ БУНЁД ШУД 16:44

Маҷаллаи №6-2019

Серхонандаҳо

ЗИЁДА АЗ 21 ҲАЗОР МЕТР СОҲИЛИ ДАРЁҲО ВА САДДҲОИ ДАР ҲОЛАТИ ХАВФНОК ҚАРОРДОШТА БАРҚАРОР ШУД ПАЁМИ РУШД ВА ХУДШИНОСӢ БЕШ АЗ 110 ҲОЛАТИ ҚОНУНВАЙРОНКУНӢ ОШКОР ГАРДИД 6 ҳазору 621 ҷиноят ба қайд гирифта шуд ИҶРОИ БУҶЕТИ ВИЛОЯТИ ХАТЛОН ДАР СОЛИ 2025 41 ИНШООТИ СОҲАИ ТАНДУРУСТӢ БУНЁД ШУД Соли 2025, 475 нафар кӯдакон ба истироҳатгоҳҳо фаро гирифта шуданд ОЛИМПИАДАҲОИ ФАННӢ: НАТИҶАҲОИ ЧАШМРАС ДАР СОЛИ 2025 Бохтар соҳиби электробусҳои нави барқӣ мешавад ДАР НОҲИЯИ ҶАЙҲУН ОСОРХОНАИ ХУШТАРҲУ ЗАМОНАВӢ БУНЁД МЕШАВАД