24 апр 13:58АСОСӢ / Ахбор / Ҷамъият / Ҷавонон / Маориф / Иҷтимоъ

НАМОЯНДАГОНИ 40 ДОНИШГОҲИ ХОРИҶИ КИШВАР БА ХАТЛОН ОМАДАНД

Бо иштироки муовини раиси вилояти Хатлон Анзурат Абдусаломзода, сардори Раёсати маорифи вилояти Хатлон Ғазалшоҳ Сафарзода ва намояндагони беш аз 40 донишгоҳҳои олии 14 давлати хориҷи кишвар имрӯз, 24 апрел дар шаҳри Бохтар “Якумин Фестивал намоишгоҳи байналмилалии донишгоҳҳои давлатҳои хориҷӣ дар Тоҷикистон – 2024” баргузор гардид.

Муовини раиси вилоят ташрифи меҳмононро ба вилояти Хатлон хайра мақдам гуфта, зимни баромади хеш қайд кард, ки дар давоми се соли охир аз шаҳру ноҳияҳои вилояти Хатлон зиёда аз 1590 нафар хонанда барои идомаи таҳсил ба муассисаҳои олии хориҷи кишвар дохил шуда, кабсҳои гуногунро аз худ карда истодаанд.

Феълан дар вилояти Хатлон 1376 муассиса таҳсилоти миёнаи умумӣ фаъолият дошта, дар онҳо 867 ҳазор хонанда ба таълиму тарбия фаро гирифта шудаанд. Ба ин миқдор хонанда 47 ҳазор омӯзгорони баландихтисос таълим дода истодаанд.

Сипас намояндагони беш аз 40 донишгоҳҳои олии хориҷи кишвар муассисаҳои олии хешро муаррифӣ карда, хонандагони муассисаҳои таълимии вилояти Хатлонро барои идомаи таҳсил ба донишгоҳҳои хеш даъват намуданд.

Ҳадаф аз баргузории ин фестивали сатҳи баланд табудули таҷриба миёни макотиби олии мамлакат бо донишгоҳҳои олии хориҷи кишвар арзёбӣ гардид.

С. СУЛТОНОВ

Похожие новости:

Добавить комментарий