ПАЁМИ ТАБРИКИИ РАИСИ ВИЛОЯТИ ХАТЛОН ДАВЛАТАЛӢ САИД БА МУНОСИБАТИ ИДИ САИДИ ФИТР

Ҳамдиёрони азиз!

Ҳамаи шуморо бо фарорасии Иди саиди Фитр, ки яке аз суннатҳои муҳимми маънавии мардуми мусулмон ва нишонаи эҳтирому гиромидошти оини деринаи халқамон бар пояи мазҳаби ҳанафӣ ба шумор меравад, самимона таҳният гуфта, ба хонадони ҳар як сокини вилоят саодату тандурустӣ ва рӯзгори ободу осударо орзумандам.

Бо шукргузорӣ аз фазои тинҷию оромӣ, истиқлолу озодӣ ва осоишу суботи кишвар, ки бо заҳматҳои шабонарӯзии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба даст омадааст, мардуми сарбаланди кишвари азизамон, аз ҷумла сокинони вилояти Хатлон, Иди саиди Фитр ва дигар ҷашну маросими миллиамонро таҷлил менамоем.

Қобили зикр аст, ки моҳи Рамазон ва Иди саиди Фитр бо фазилатҳои хеш инсонро ба роҳи рост, парҳезгориву хайру савоб, риояи адолату баробарӣ, бахшидани гуноҳҳои якдигар ва пок сохтани зоҳиру ботин ҳидоят менамояд. Аз ин ҷост, ки донишмандон бо такя ба ин амалҳои нек даъват менамоянд, ки ҳарчи бештар некӣ кунанд, собиру ботаҳаммул бошанд, бо ҳамдигар муносибати хайрхоҳона ва хушбинона дошта бошанд. Барои вусъат додани амалҳои хайру савоб дар ҳаққи ятимону маъюбон, оилаҳои камбизоату бесаробонмонда, ниёзмандону дармондагон ва наздикону пайвандон рамазон фурсати бузургест, ки савоби амалҳо дар он зиёдтар ва дарвозаҳои хайр барои хоҳишмандону дӯстдорони он кушода мегардад.

Зеро ҳар нафаре, ки дар ин моҳи муборак дасти афтодаеро бигирад, ҳоҷати барҷомондаеро барорад, савобаш аз тавофи хонаи Каъба камтар нахоҳад буд. Ба андешаи Пешвои миллат: «Рамазон моҳи хайру сахо, сабру таҳаммул ва айёми кушода шудани дарҳои раҳмати Худованд буда, ба инсонҳо устувориву пойдорӣ ва парҳезгорию қаноатро меомӯзад, имонашонро комил ва иродаашонро қавӣ мегардонад».

Зикр кардан бамаврид аст, ки шахсони соҳибҳиммат ва соҳибкорони соҳибташаббуси вилоят имсол низ ба шахсони якаву танҳо ва ниёзмандону маъюбон мувофиқи тавону имконият кӯмак намуда, анъанаи насли калонсолро идома доданд.

Бо қаноатмандӣ аз номи мақомоти иҷроияи ҳокимияти давлатии вилоят ба онҳо изҳори миннатдорӣ намуда, боварӣ дорем, ки сафи чунин ашхоси савобҷую саховатпеша афзун мешавад.

Ҳамзамон, итминон дорем, ки тамоми сокинони андешаманди вилоят фитри рузаро ба оилаҳои ниёзманд ва ятимону барҷомондагон дода, ба шарофати ин амали неки худ соҳиби раҳмату савоби зиёд мегарданд. Зимнан, ҳама гуна хайру меҳрубонӣ ба ятимону дармондагон, ки дар арафа ва рузи ид чашми умед ба суи мову шумо духтаанд, қарзи инсонии ҳар фарди инсондуст аст.

Дар асоси дастуру ҳидоятҳои Пешвои муаззами миллат агар мардуми тавонои як деҳа ё маҳалла дасти як оилаи нотавону муҳтоҷро гирад, дар ҷомеа фазои меҳрубониву самимият боз ҳам густариш меёбад. Аз тарафи дигар, мо бо ин рафтори худ ба фарзандонамон боз як сабақи одамгариву инсондустӣ медиҳем.

Ҳамдиёрони азиз!

Имрӯз ҷаҳони муосир дар вазъияти ниҳоят ҳассос ва пешгӯинашаванда қарор дорад. Мову шумо, аз ҷумла падару модаронро зарур аст, ки бо дарки вазъи бамаломада ҳифзи арзишҳои миллӣ, фарҳангу ахлоқи ҳамида, таълиму тарбияи фарзандон ва дар рӯҳияи таҳаммулгароиву ватандӯстӣ ҳидоят намудани онҳоро ҳамчун масъалаи меҳварӣ мавриди таваҷчуҳи доимӣ қарор дода, ба ташаккули тафаккури зеҳнию маънавӣ, худшиносии миллӣ ва боло рафтани маърифати ҳуқуқии онҳо таъсири мусбӣ гузорем.

Воқеан, дар замони муосир халқу миллатҳо бо роҳи омӯхтану ихтироъ кардани илму дониш ва техникаву технологияҳои муосир кӯшиш мекунанд, ки дастовардҳои фарҳангӣ ва манфиатҳои миллию давлатиро аз таҳдиди ҷаҳонишавии манфиатҳо ва сӯйиистифодаи арзишҳо ҳифз намоянд.

Вобаста ба ин, ҳар фарди ин сарзамин бояд таъриху забон ва фарҳангу тамаддуни ғании миллатамонроҳифз намуда, аз ғановати аслию маънавии он ифтихор дошта бошад, зеро аҷдодони мо барои рушди илму фарҳанг ва тамаддуни башарӣ, инчунин, ҳифзи асолати дини мубини ислом хизмати басо арзишманд карда, дар олами ислом ҷойгоҳи сазоворро соҳиб гардидаанд.

Похожие новости:

Добавить комментарий

Ахбор

КӮШОНИЁН. ТАЪМИРИ АСОСИИ БЕШ ЯК КИЛОМЕТР РОҲ 14:10 КӮШОНИЁН. ДУ БИНОИ 10 ОШЁНА СОХТА МЕШАВАД 14:01 МУЪМИНОБОД. БУНЁДИ 200 ИНШООТ ДАР НАҚША 13:05 ҒОЛИБИЯТИ ВАРЗИШГАРИ ХАТЛОНӢ ДАР МУСОБИҚАИ БАЙНАЛМИЛАЛӢ 11:27 ХАТЛОН. ВАРЗИШГАРОН БЕШ АЗ 450 МЕДАЛ БА ДАСТ ОВАРДАНД 15:42 ИФТИТОҲИ МАҒОЗАИ АРМУҒОН ВА СЕХИ ДУХТИ ЛИБОСҲОИ МИЛЛӢ ДАР КӮШОНИЁН 15:08 Манфиат ва зарари шарбати сабзӣ 14:41 КОФИРҚАЛЪА- ҲАЛЕВАРД 14:06

Маҷалаи №6-2019

Серхонандаҳо

Булбуле аз гулшани адаб ИҶОБАТИ ДУОИ ПРЕЗИДЕНТ ХАТЛОН. ЗИЁДА АЗ 2600 ИНШООТ БУНЁД ШУД А. Абдусаломзода “ҲУВИЯТИ МИЛЛӢ ВА ТАРБИЯИ ВАТАНДӮСТИИ ҶАВОНОН”-РО БАЛАНД БАРДОРЕМ ХАТЛОН. ГУСЕЛИ БОТАНТАНАИ НАВАСКАРОН БА АРТИШИ МИЛЛӢ БУНЁДИ БЕШ АЗ 320 ИНШООТ ДАР ҲАМАДОНӢ “САЙРИ ГУЛИ ЛОЛА” ДАР ХАТЛОН ДУОИ РАҲНАМО САМАРАИ ГРАНТИ РАИСИ ВИЛОЯТ Дидори ояндабин