НАҚШАИ БУҶЕТ БАРЗИЁД ТАЪМИН ШУД

-Бо дарназардошти рушди воқеии иқтисодиёти вилояти Хатлон, соли 2023 иҷроиши нақшаи қисми даромади буҷети маҳаллӣ аз рӯи контенгенти умумӣ ба андозаи 105,3 фоиз ва аз ҳисоби даромадҳои худӣ ба андозаи 106 дарсад таъмин гардида ба буҷет ба ҷои 1905,9 миллион сомонии нақшаи пешбинишуда 2015,8 миллион сомонӣ ворид гардидааст, - гуфт зимни нишасти матбуотӣ Иззатулло Ҳабибуллозода, сардори Сарраёсати Вазорати молияи Ҷумҳурии Тоҷикистон дар вилояти Хатлон.

Зикр гардид, ки ин нишондод нисбат ба нақша 109,9 миллион сомонӣ ва нисбат ба ҳамин давраи соли гузашта 306,9 миллион сомонӣ зиёд мебошад.

Гуфта шуд, ки дар ҷамъбасти соли молиявӣ нақшаи андозҳо ва пардохтҳои ҳатмии маҳаллӣ дар шаҳру ноҳияҳои вилоят бо пуррагӣ иҷро гардида, дар баробари ин иҷроиши намуди андозҳо аз 102 то 126 фоиз таъмин гардидааст.

Бақияпулии қарзи андозҳо ба ҳолати 1 январи соли 2024 дар сатҳи вилоят 166,2 миллион сомониро ташкил дода, нисбат ба аввали соли 2023 ба андозаи 2 миллион сомонӣ кам карда шуд.

Ҳабибулло Иззатуллозода иттилоъ дод, ки қарзи андози иҷтимоии буҷетӣ, ки дар сатҳи шаҳру ноҳияҳои ҳудуди вилоят ҷой дошт, дар натиҷаи дуруст ба роҳ мондани корҳои назоратӣ пурра бартараф карда шуд.

Сулаймон СУЛТОНОВ

Похожие новости:

Добавить комментарий

Ахбор

ҶАЙҲУН. ОЗМУНИ “КИТОБХОНИ БЕҲТАРИН” БАРГУЗОР ГАРДИД 15:51 БО ЗАМИН ҲАМНАФАС, БО ЗАҲМАТ САРБАЛАНД 14:07 МОДАР 15:16 Оё мо воқеан хубем? 15:13 ХАТЛОН. ИСТИҚБОЛИ САРБОЗИ ШУҶОИ ВАТАН 15:08 ЛЕВАКАНТ. КОРХОНАИ ИСТЕҲСОЛИ ХИШТ БУНЁД МЕШАВАД 15:02 ОЛАМИ ҲУНАРУ НАВРӮЗИ ХОВАЛИНГ 14:57 ЗАН ДАР МАЪБАДИ КИТОБ 14:48

Маҷаллаи №6-2019

Серхонандаҳо

ҶАЙҲУН. ОЗМУНИ “КИТОБХОНИ БЕҲТАРИН” БАРГУЗОР ГАРДИД КӮШОНИЁН. 369 НАФАР БО ҶОЙИ КОР ТАЪМИН ГАШТАНД ХАТЛОН: НАҚШАИ ДАЪВАТИ БАҲОРӢ ДАР РӮЗИ АВВАЛ 100% ИҶРО ГАРДИД ЁВОН. МАЪРАКАИ КИШТИ ПУНБАДОНА ОҒОЗ ГАРДИД ҶАЙҲУН. ЧАРОҒАКҲОИ РАҚАМИИ МУОСИР НАСБ КАРДА ШУД НАРӮЗ – РАМЗИ ҲАЁТ ВА ХУДШИНОСИИ МИЛЛӢ Оё мо воқеан хубем? МОДАР ХАТЛОН. ИСТИҚБОЛИ САРБОЗИ ШУҶОИ ВАТАН ЛЕВАКАНТ. КОРХОНАИ ИСТЕҲСОЛИ ХИШТ БУНЁД МЕШАВАД