БОЗСОЗИИ “ТЕППАИ ҚӮРҒОН” ОҒОЗ МЕШАВАД

Яке аз иншооти таърихии маркази маъмурии вилояти Хатлон – шаҳри Бохтар “Теппаи Қӯрғон” ки чанд сол боз садамавӣ гардидааст, дар назар аст, ки то соли 2026 пурра азнавсозӣ карда шавад.

Дар ин бора сардори Раёсати сохтмони асосии вилояти Хатлон Саъдуллозода Абдулвоҳид ба “Сафо” иттилоъ дод.

Ӯ гуфт, ки ин ёдгории таърихӣ аз ҳисоби буҷети вилоят бо харҷи 50 миллион сомонӣ бозсозӣ гардида, тибқи лоиҳа бояд дар болои он амфитеатр, чойхонаи миллӣ ва фаввораҳои замонавӣ сохта шаванд.

-Соли 2024 корҳои сохтмонӣ дар иншооти мавриди назар оғоз мешаванд ва аллакай барои оғози бозсозии “Теппаи Қӯрғон” 10 миллион сомонӣ пешбинӣ шудааст, - гуфт Саъдуллозода Абдулвоҳид.

Лоиҳаи нави “Теппаи Қӯрғон” аз ҷониби чанд институти лоиҳакашии мамлакат, аз ҷумла ҶСК “Шаҳрофар”-и шаҳри Душанбе омода гардида, баъди бозсозӣ гардидан макони хубе барои сайёҳону сокинони вилояти Хатлон хоҳад шуд.

Ёдовар мешавем, ки иншооти таърихии “Теппаи Қӯрғон, ки масоҳати он 2,5 гектарро дар бар мегирад, на танҳо муаррификунандаи шаҳри Бохтар, балки минтақаи ҷануби кишвар ба ҳисоб меравад.

Пайдоиши он ба асрҳои 1 – 2 мансуб буда, он мӯъҷизаи табиат набуда, дастӣ сохта шудааст. Дар болои он қасри шоҳони Вахшонзамин ва дар асрҳои XIX ибтидои асри ХХ қалъаи Беки Қӯрғонтеппа ҷойгир будааст.

Сулаймон СУЛТОНОВ

Похожие новости:

Добавить комментарий

Ахбор

ЁВОН. МУМФАРШКУНИИ 3 КИЛОМЕТР РОҲИ МАҲАЛЛӢ ОҒОЗ ГАРДИД 15:48 АҲЛИДДИН ШАРИФЗОДА: ХИЗМАТ БА МАРДУМ — РИСОЛАТИ МУҚАДДАС 15:20 ДАР ХАТЛОН ИҶРОИ НАҚШАИ ДАЪВАТИ ТИРАМОҲӢ, ДУРНАМОИ ПАХТА ВА ОМОДАГӢ БА ЗИМИСТОН БАРРАСӢ ГАРДИД 15:16 ЗАБОН- НЕЪМАТИ БЕБАҲОИ МИЛЛАТ 13:19 Тоҷикистон аз нигоҳи 35 шаҳрванди хориҷӣ 13:14 Тоҷикистон аз нигоҳи 35 шаҳрванди хориҷӣ 13:11 ВАТАН ДАР ҶОН 13:07 РӮЗИ ЗАБОН МУБОРАК БОД! 13:03

Маҷаллаи №6-2019

Серхонандаҳо

ДАЪВАТИ ТИРАМОҲӢ БА САФҲОИ ҚУВВАҲОИ МУСАЛЛАҲ ДАР ВИЛОЯТИ ХАТЛОН ДАР РӮЗИ АВВАЛ 76 ФОИЗ ИҶРО ШУД ОЗМУНИ “РӮДАКИХОНӢ” БАРГУЗОР ГАРДИД Қасри фарҳанги ноҳияи Ҷайҳун пурра таъмиру навсозӣ гардид Хатлон. Дастоварди варзишгарон шоёни таҳсин аст Дар Бохтар нақшаи ҷамъоварии ҳосили пахта иҷро шуд “Хушдомани беҳтарин” муайян гардид Дилрабои Ҳотамшо мураббии соли Тоҷикистон шуд ТАҚДИМИ ТАҶҲИЗОТИ НАВ БАРОИ САНҶИШИ СИФАТИ ОБИ НӮШОКӢ ХАТЛОН. 271 ИНШООТИ СОҲАИ МАОРИФ СОХТА МЕШАВАД СУРУДИ МИЛЛӢ КАЙ САДО ДОД?