ЗИЁДА АЗ 3100 ҲОЛАТИ ВАЙРОНКУНИИ ҚОНУНГУЗОРИИ ЗАМИН ОШКОР ГАРДИД

Диловар Пирзода, раиси Кумитаи идораи замини вилояти Хатлон зимни нишасти матбутӣ иттилоъ дод, ки давоми шаш моҳи сипаригардидаи соли ҷорӣ аз ҷониби нозирони давлатии истифода ва ҳифзи замини шаҳру ноҳияҳои вилоят 3169 ҳолати вайронкунии қонунгузории замин дар майдони1297,7 гектар ошкор гардидааст.

Барои бартараф намудани ин камбудиҳо 3169 дастур ва 2334 адад протоколҳо тартиб дода шудааст, ки дар натиҷа қонуншиканҳо ба маблағи зиёда аз 1 миллиону 262 ҳазор сомонӣ ҷарима шуданд. Аз маблағи ҷаримаҳо зиёда аз як миллион сомонӣ ба суратҳисоби махсуси кумитаҳои идораи замини шаҳру ноҳияҳо гузаронида шудааст.

Гуфта шуд, ки мутобиқ ба талоботи моддаи 55-и Кодекси замини Ҷумҳурии Тоҷикистон барои чораҷӯӣ ва таҳқиқи ҳуқуқӣ 275 мавод ба мақомоти Прокуратура фиристода шуд. Инчунин ҷиҳати маҷбуран ситонидани ҷаримаҳои басташуда ба Хадамоти иҷрои шаҳру ноҳияҳои ҳудуди вилоят 205 маводи маъмурӣ ба маблағи 93 ҳазору 172 сомонӣ пешниҳод карда шуд.

Диловар Пирзода ҳамчунин иттилоъ дод, ки ҷиҳати бартараф намудани камбудиҳои ошкоргардида, майдони умумии 5749,98 гектар, аз ҷумла 5484,35 гектар замини корами обӣ, 7,50 гектар замини корами лалмӣ, 11,06 гектар замини чарогоҳ ва 245,07 гектар дигар заминҳо бартараф карда шуданд, ки 89 фоизи қонуншиканиҳои ошкоргардидаро дар бар мегирад.

Сулаймон СУЛТОНОВ

Похожие новости:

Добавить комментарий

Ахбор

ХАТЛОН. 271 ИНШООТИ СОҲАИ МАОРИФ СОХТА МЕШАВАД 14:28 Хатлон. Дастоварди варзишгарон шоёни таҳсин аст 13:58 ЭМОМАЛӢ РАҲМОН - ПЕШВОИ ҶОИЗАЗЕБИ ҶАҲОН 13:03 ТАҚДИМИ ТАҶҲИЗОТИ НАВ БАРОИ САНҶИШИ СИФАТИ ОБИ НӮШОКӢ 12:57 Қасри фарҳанги ноҳияи Ҷайҳун пурра таъмиру навсозӣ гардид 15:36 СУРУДИ МИЛЛӢ КАЙ САДО ДОД? 15:52 МАН ОРИЁИЯМ, АЗ НАСЛИ ОФТОБ 15:48 БОХТАР – ШАҲРИ РУШДУ БУНЁДКОРӢ 15:59

Маҷаллаи №6-2019

Серхонандаҳо

ПАЁМИ ТАБРИКИИ РАИСИ ВИЛОЯТИ ХАТЛОН ДАВЛАТАЛӢ САИД БА МУНОСИБАТИ 35-СОЛАГИИ ИСТИҚЛОЛИ ДАВЛАТИИ ҶУМҲУРИИ ТОҶИКИСТОН Қасри фарҳанги ноҳияи Ҷайҳун пурра таъмиру навсозӣ гардид Хатлон. Дастоварди варзишгарон шоёни таҳсин аст ТАҚДИМИ ТАҶҲИЗОТИ НАВ БАРОИ САНҶИШИ СИФАТИ ОБИ НӮШОКӢ ХАТЛОН. 271 ИНШООТИ СОҲАИ МАОРИФ СОХТА МЕШАВАД БОХТАР – ШАҲРИ РУШДУ БУНЁДКОРӢ СУРУДИ МИЛЛӢ КАЙ САДО ДОД? МАН ОРИЁИЯМ, АЗ НАСЛИ ОФТОБ ТАНТАНАИ ИСТИҚЛОЛ ЭМОМАЛӢ РАҲМОН - ПЕШВОИ ҶОИЗАЗЕБИ ҶАҲОН