“ПАНИРИ БАЛХ”

Ё чӣ тавр як зан бо истеҳсоли панири маҳаллӣ, ҷойгоҳи дигар панирҳои воридотиро танг кард?

Уғулой Абдуллоева соҳибкорзани муваффақест дар ноҳияи Ҷалолиддини Балхӣ. Ӯ ҳанӯз соли 2018 бо нияти ташкили корхонаи саноатӣ ва беҳтар кардани шароити зиндагӣ ба истеҳсоли панири маҳаллӣ шуруъ кардааст.

Бо гузашти ҳамагӣ 3 сол ҳамчун зани панирпаз ном бароварду маҳсулоти истеҳсолкардаи ӯ харидорони худро дар маҳали зист пайдо кард. Маҳсулоти истеҳсол намудаи Уғулой Абдуллоева таи як соли охир воридот ё худ харидори панирҳои дигарро дар бозорҳои ҷумҳурӣ нисбатан коҳиш дод.

Уғулой муддати як сол аст, ки соҳиби корхонаи саноатӣ гаштааст. Бо дастгирии шарикони рушд барои ривоҷи кори панирпазӣ бинои алоҳидае бунёд карда, фаъолияти худро фарохтар гардонид. Ҳоло ӯ 5 зани дигари хонашинро соҳиби ҷойи кори доимї гардонидааст.

– Шукр, ки маҳсулоти мо имрӯз дар бозор мавқеи худро пайдо кард,-мегӯяд Уғулой Абдуллоева. – Вориди рақобати бозоргонӣ шудан мушкил буд. Дар оғози кор маҳсулоти истеҳсолкардаи корхонаи худро бо тамғаи “Панири Балх” ройгон ба аксар мағозаю супермаркетҳои калони ҳудуди ҷумҳурӣ пешниҳод мекардем. Бо ин васила эшон аз сифат ва тамъи панири корхонаи мо воқиф гаштанд ва муштариёни мо зиёд гардид. Зеро панири мо маззаи панирҳои ҳолландии аслиро дорад.

Имрўз “Панири Балх” дар бозору дуконҳои ҳудуди ноҳия ва атрофи он тибқи шартнома ва инчунин дар 30 мағозаи калони ҷумҳурӣ ба фурӯш гузошта шудааст. Дар коргоҳи ин соҳибкорзан дар як шабонарӯз наздик ба 700 литр шир коркард мегардад. Ҳаҷми умумии панири истеҳсолгашта дар як моҳ беш аз 1 тоннаро ташкил медиҳад.

– Дар як шабонарӯз то 40 килограмм панир истеҳсол мекунем,- мегўяд Уғулой Абдуллоева. – 1 панири мо 5 килограмм вазн дорад. Қабл аз ба фурӯш баровардан онро ду қисм карда, дар халтаҳои махсус ҷой додаю тамғаи корхонаро мегузорем. 1 килограмм панири истеҳсолшуда бо нархи яклухт 55 сомонӣ ба фурӯш гузошта мешавад. Ба ғайр аз панир гоҳо қаймоқ, творог, маска ва қурут низ истеҳсол мекунем. Бовар дорам, ки панири мо натанҳо дар вилояти Хатлон, балки дар ҷумҳурӣ дастрас ва арзонтарин панир ба ҳисоб меравад.

Уғулой Абдуллоева имрӯз аз фаъолияти назарраси коргоҳи худ изҳори хушнудӣ намуда мегўяд, ки барои ў ҳамчун як зани деҳотӣ ташкили коргоҳ ва машғул шудан ба тиҷорат корӣ осон набуд. Аммо ӯ бо омӯхтани бозор, тамошои пай дар пайи видеоҳои омӯзишии шабакаҳои иҷтимоӣ вобаста ба рушди соҳибкорӣ тавонист таҷриба пайдо кунад.

– Омода кардани панир, кори душворе нест,- иброз медорад Уғулой. – Пеш аз кушода шудани коргоҳи мазкур ман дар шароити хона панир ва дигар маҳсулоти шириро омода мекардам. Аз сабаби набудани таҷҳизоти муосири панирпазӣ нахуст ширро дар дегҳои калон пухта, онро хобонида, баъдан аз зардоб ҷудо намудаю бо намакоб дар қуттиҳои алоҳида аз 20 то 60 рӯз нигоҳ медоштам. Ҳоло кор бо таҷҳизотҳои муосир хеле осон гаштааст.

Дар воқеъ ҳамагуна фаъолияти соҳибкорӣ, махсусан таъсису ба кор даровардани коргоҳу корхонаҳои истеҳсолӣ дар оғоз мушкилоти худро дорад. Аммо бо гузашти вақт ва аз бар намудани таҷриба, соҳибкор қадам ба қадам пеш рафта, ба ҳадафҳои пешбининамудаи худ ноил мегардад. Ҳамин аст, ки Уғулой назди худ мақсад гузоштааст, ки дар оянда бо васеъ намудани доираи фаъолият, теъдоди бонувони коргарро дар корхонаи мазкур афзун намуда, дар амалӣ гаштани ҳадафи чаҳорум, яъне саноатикунонии босуръати мамлакат нақши боризе гузорад.

Ҳоло Уғулой Абдуллоева дар назди коргоҳи худ сехи қаннодӣ сохта истодааст, ки бо мавриди истифода қарор гирифтани он 10 нафари дигар ба ҷойи кор таъмин мешаванд.

Низоми ИСО

Похожие новости:

Добавить комментарий

Ахбор

Ҷ. Балхӣ. Мумфаршкунии 6 километр роҳ оғоз гардид 13:03 МУЛОҚОТИ РАИСИ ВИЛОЯТИ ХАТЛОН ДАВЛАТАЛӢ САИД БО НАМОЯНДАГОНИ МАГАТЭ: ТАҲКИМИ ҲАМКОРИҲО БАРОИ РУШДИ СОҲАИ ТАНДУРУСТӢ 13:25 ХАТЛОН.РӮЗИ БАЙНАЛМИЛАЛИИ ҲИФЗИ КӮДАКОН ТАҶЛИЛ ГАРДИД 15:18 ДАР ВИЛОЯТИ ХАТЛОН БОРИ НАХУСТ КУРСИ АЗНАВТАЙЁРКУНИИ КАДРҲОИ ДАР ЗАХИРАБУДАИ ХИЗМАТИ ДАВЛАТӢ РОҲАНДОЗӢ ГАРДИД 11:12 ПАЁМИ ТАБРИКИИ РАИСИ ВИЛОЯТИ ХАТЛОН ДАВЛАТАЛӢ САИД БА МУНОСИБАТИ РӮЗИ БАЙНАЛМИЛАЛИИ ҲИФЗИ КӮДАКОН 10:05 НАХУСТНАМОИШИ “МЕТРАНПАЖ” ДАР ТЕАТРИ ВИЛОЯТӢ 10:56 ФУРӮҒИ МАЪРИФАТ ДАР ЯК ХОНАДОНИ ТОҶИК 10:49 ПАЁМИ ШОДБОШИИ РАИСИ ВИЛОЯТИ ХАТЛОН ДАВЛАТАЛӢ САИД БА МУНОСИБАТИ ФАРОРАСИИ ИДИ САИДИ ҚУРБОН 16:35

Маҷаллаи №6-2019

Серхонандаҳо

МАРҲИЛАИ ДУЮМИ АЗНАВСОЗӢ ВА ТАЪСИСИ МЕДИАТЕКАИ ПРЕЗИДЕНТИ ҶУМҲУРИИ ТОҶИКИСТОН ДАР КИТОБХОНАИ ВИЛОЯТИИ БА НОМИ ШАМСИДДИН ШОҲИН ВА ОҒОЗИ АЗНАВСОЗИИ КИТОБХОНАИ ВИЛОЯТӢ ДАР ШАҲРИ КӮЛОБ ЁВОН. БОЗДИДИ РАИСИ ВИЛОЯТ АЗ РАФТИ БАРТАРАФСОЗИИ ОҚИБАТҲОИ ОФАТИ ТАБИӢ ВА СУҲБАТ БО СОКИНОНИ ЗАРАРДИДА ҶАЙҲУН. 1,1 КИЛОМЕТР РОҲ МУМФАРШ КАРДА ШУД БОХТАР. БОЗ ЯК КӮДАКИСТОНИ НАВУ ЗАМОНАВӢ БУНЁД МЕШАВАД ЛЕВАКАНТ. НИЁЗМАНДЕ СОҲИБИ ХОНА МЕШАВАД РАИСИ ВИЛОЯТИ ХАТЛОН АЗ РАФТИ СОХТМОНИ НЕРУГОҲИ БАРҚИИ ОФТОБӢ ДАР НОҲИЯИ ҶАЙҲУН БОЗДИД НАМУДАНД ҚАДРШИНОСИИ ИШТИРОКЧИЁНИ ҶАНГ - НИШОНАИ ЭҲТИРОМ БА ТАЪРИХ ВА ВАҲДАТИ МИЛЛӢ РАИСИ ВИЛОЯТИ ХАТЛОН БА АЁДАТ ВА ТАБРИКИ ИШТИРОКДОРИ 103-СОЛАИ ҶАНГИ БУЗУРГИ ВАТАНӢ РАФТАНД ҶАВОНОН ВА МАСЪУЛИЯТИ ОИЛАДОРӢ РАИСИ ВИЛОЯТИ ХАТЛОН АЗ РАФТИ СОХТМОНИ МУАССИСАИ ТОМАКТАБӢ ДАР НОҲИЯИ ҶАЙҲУН БОЗДИД НАМУДАНД