Маҷаллаи Сафо
Шеъру адаб
Маслиҳати муфид
Номаҳо
"БОХТАР ФУД-2023" БА КОРИ ХУД ОҒОЗ КАРД
Дар маркази маъмурии вилояти Хатлон - шаҳри Бохтар имрӯз Форуми 3-юми байналмилалии содиротӣ «Бохтар Фуд-2023» оғоз гардид.
Форум аз ҷониби Мақомоти иҷроияи ҳокимияти давлатии вилояти Хатлон дар ҳамкорӣ Агентии содироти назди Ҳукумати Ҷумҳурии Тоҷикистондар доираи дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон ва Ҳукумати Ҷумҳурии Тоҷикистон бо мақсади амалигардонии нишондиҳандаҳои Барномаи давлатии рушди содироти Ҷумҳурии Тоҷикистон барои солҳои 2021-2025 ташкил карда шудааст.
Ҳадаф аз баргузории Форуми байналмилалии содиротии «Бохтар Фуд-2023» рушд додани содирот, тақвияти истеҳсолоти ба содирот нигаронида, баланд бардоштани рақобатпазирии маҳсулоти ватанӣ дар бозорҳои дохилӣ ва хориҷӣ, густариши муносибатҳои тиҷоратии харидорону содироткунандагон тавассути муаррифии имконият ва маҳсулоти содиротии ҷумҳурӣ мебошад.
Форум ду рӯз идома карда, дар он муҳокимаҳои панелӣ оид ба масъалаҳои таҳия ва ҷорӣ кардани стандартҳои байналмилалӣ, масъалаҳои нақлиётӣ ва логистикӣ, пешбурд ва рушди содирот сурат мегиранд. Дар доираи форум баргузории намоишгоҳи зарфиятҳои кишоварзию саноатӣ ва содиротии Хатлон, мулоқотҳои инфиродии соҳибкорону сармоягузорон ва тасвиби созишномаҳои ҳамкорӣ байни намояндагони доираҳои тиҷоратӣ пешбинӣ шудааст.
Қобили зикр аст, ки соли 2022 дар Форуми байналмилалии содиротии «Бохтар Фуд-2022» якчанд созишнома ба маблағи беш аз 20 миллион доллари амрикоӣ ба имзо расида буд.
Дар он зиёда аз 200 нафар намояндагони мақомоти давлатӣ, маъмурияти ниҳодҳои дипломатии муқими Тоҷикистон, бахши хусусӣ, роҳбарони ширкату корхонаҳои ватаниву хориҷӣ, шарикони рушд ширкат варзиданд.
Добавить комментарий
Ахбор
ХАТЛОН. 271 ИНШООТИ СОҲАИ МАОРИФ СОХТА МЕШАВАД 14:28Хатлон. Дастоварди варзишгарон шоёни таҳсин аст 13:58ЭМОМАЛӢ РАҲМОН - ПЕШВОИ ҶОИЗАЗЕБИ ҶАҲОН 13:03ТАҚДИМИ ТАҶҲИЗОТИ НАВ БАРОИ САНҶИШИ СИФАТИ ОБИ НӮШОКӢ 12:57Қасри фарҳанги ноҳияи Ҷайҳун пурра таъмиру навсозӣ гардид 15:36СУРУДИ МИЛЛӢ КАЙ САДО ДОД? 15:52МАН ОРИЁИЯМ, АЗ НАСЛИ ОФТОБ 15:48БОХТАР – ШАҲРИ РУШДУ БУНЁДКОРӢ 15:59
Маҷаллаи №6-2019
Серхонандаҳо
Қасри фарҳанги ноҳияи Ҷайҳун пурра таъмиру навсозӣ гардид
Хатлон. Дастоварди варзишгарон шоёни таҳсин аст
ТАҚДИМИ ТАҶҲИЗОТИ НАВ БАРОИ САНҶИШИ СИФАТИ ОБИ НӮШОКӢ
ПАЁМИ ТАБРИКИИ РАИСИ ВИЛОЯТИ ХАТЛОН ДАВЛАТАЛӢ САИД БА МУНОСИБАТИ 35-СОЛАГИИ ИСТИҚЛОЛИ ДАВЛАТИИ ҶУМҲУРИИ ТОҶИКИСТОН
ХАТЛОН. 271 ИНШООТИ СОҲАИ МАОРИФ СОХТА МЕШАВАД
БОХТАР – ШАҲРИ РУШДУ БУНЁДКОРӢ
СУРУДИ МИЛЛӢ КАЙ САДО ДОД?
МАН ОРИЁИЯМ, АЗ НАСЛИ ОФТОБ
ҶАЙҲУН-ДАР МАСИРИ СОЗАНДАГИВУ БУНЁДКОРӢ
ТАНТАНАИ ИСТИҚЛОЛ
