Сафари кории Давлаталӣ Саид ба ноҳияи Ҷайҳун

Гуфта шуд, ки ноҳияи Ҷайҳун яке аз ноҳияҳои аграрии вилояти Хатлон  ба ҳисоб рафта, хоҷагидорону кишоварзони ин ноҳия ба кишту парвариши Картошка, Пиёз, гандум ва дигар намуди ғаладониҳо бештар машғул буда, дар таъмини бозорҳои кишвар ва берун аз он саҳми калон доранд. Тибқи иттилои масъулин мувофиқи дурнамо имсол дар ноҳияи Ҷайҳун дар майдони 3 ҳазору 800 гектар замин кишти пиёз гузаронида, то ба имрӯз 107 ҳазор тонна пиёз ҷамъовари гардида, зиёда аз 16 ҳазор тоннаи он ба Ҷумҳурии Қазоқистон содирот гардидааст.

Раиси вилоят дар ҷамоати деҳоти Қумсангир аз хоҷагиҳои деҳқонии “Мустафо 2015”, “Худойдод 2013”, “ХДФ Баҳодур Толибов” ва дар ҷамоати деҳоти Панҷи ноҳия бошад аз хоҷагии деҳқонии “Ҳасан” дидан карда, ба кори кишоварзону  деҳқонони хоҷагиҳои мазкур баҳои баланд дод. Зимни боздид маълум гардид, ки қисмате аз хоҷагидорон ҳосили  пиёзро ҷамъовари карда, алакай дар қитъаҳои  аз  зироат холишуда маккаи дон, лубиёгиҳо кишт намуданд. Ба иттилои масъулин имсол заҳмати хоҷагидорон дар самти парвариши пиёз самараи хуб нишон дода, онҳо аз як гектар замин то 60 тонна пиёз ба даст овардаанд, ки ин нишондод нисбат ба соли гузашта зиёд  мебошад. Нашъунамои картошка ва ғаладонагиҳо дар хоҷагиҳои ҳудуди  деҳоти зикршуда хуб мебошад, ки аз меҳнати  аҳлонаи кишоварзон дарак  медиҳад.  

Раиси вилоят зимни  сафари корӣ аз пирони рузгордида, кишоварзону хоҷагидорон даъват ба амал оварданд, ки дар рушду пешрафти соҳаи кишоварзи саҳмгузор бошанд. Ҳар ваҷаб  замини корами обиро, ки дар ихтиёр доранд оқилонаю самаранок истифода карда дар  кишт ва парвариши тамоми маҳсулоти кишоварзӣ ҳисагузори намуда, дар таъмини амнияти озуқавории кишвар, фаровонии бозорҳо мусоидат намоянд.