Гиромидошти Рӯзи забони давлатӣ

 Дар толори Кохи фарҳанг ва маркази иттилоотии шаҳри Бохтар ба ифтихори Рӯзи забони давлатии Ҷумҳурии Тоҷикистон конфронси илмӣ- амалии «Саҳми мондагори Пешвои миллат дар бузургдошт ва рушди забони тољикӣ» баргузор гардид.
Дар конфронс муовини раиси вилояти Хатлон Фирӯза Шарифӣ, олимону донишмандон, роҳбарони ташкилоту муассисаҳои  вилоятӣ, донишҷӯёну омӯзгорон ва дигарон иштирок доштанд.
Фирӯза Шарифӣ доир ба мақоми забони давлатӣ, ташаббусҳои созандаи Роҳбарияти олии мамлакат, бахусус хизматҳои Пешвои миллат муҳтарам Эмомалӣ Раҳмон дар самти баланд бардоштани мақоми забони давлатӣ ва арҷ гузоштан ба он суханронӣ намуд.
Ҳамчунин дар идомаи конфронс доктори илмњои филологӣ, профессори ДДБ ба номи Носири Хусрав Рустам Тағоймуродов дар мавзӯи «Нақши забон дар ҷомеа ва саҳми Пешвои миллат дар рушди он» баромад намуд.
-Ҷаҳонгиршоҳ Рустамшоҳ номзади илмњои филологӣ, дотсенти ДДК ба номи А. Рӯдакӣ дар мавзӯи «Пешвои миллат- ҳомии забони тоҷикӣ» андешаронӣ кард.
Инчунин дар идомаи   конфронси илмӣ- амалии «Саҳми мондагори Пешвои миллат дар бузургдошт ва рушди забони тоҷикӣ» Шоири халқии Тоҷикистон Меҳринисо Бобобекова роҷеъ ба мақому манзалати забони нобу шевои тоҷикӣ ибрози назар намуд.
Ортиқи Қодир, Ҳунарманди халқии Тоҷикистон  дар баромади худ вобаста ба саҳми Асосгузори сулҳу ваҳдати миллӣ- Пешвои миллат муҳтарам Эмомалӣ Раҳмон дар рушду такомули забони давлатӣ ва гиромидошти рӯзи он андешаронӣ намуд. 
Дар хотимаи чорабинии бошукӯҳ Отахон Саидзода, директори Театри мусиқӣ- мазҳакавии ба номи Ато Муҳаммадљонови шаҳри Бохтар ҳозиринро ба Рӯзи забони давлатӣ шодбош гуфта, аз ашъори шоирон  қироат намуд.

Далер Шарифов