Маблағҳои мақсаднок 100 фоиз ҷудо гардиданд

Бо дарназардошти рушди воқеии иқтисодиёти вилояти Хатлон иҷрои нақшаи андозҳо ва пардохтҳои буҷети маҳаллӣ дар нимсолаи аввали соли ҷорӣ аз рӯи контингенти умумӣ ба андозаи 101 фоиз ва аз ҳисоби даромадҳои худӣ ба андозаи 103 дарсад таъмин гардидааст.

Тавре зимни нишасти матбуотӣ сардори Сарраёсати молияи вилояти Хатлон Ҳабибулло Иззатуллозода иттилоъ дод, ба буҷет ба ҷойи 791,1 миллион сомонии маблағи пешбинишуда, 812,3 миллион сомонӣ ворид гардидааст, ки нисбат ба нақша 21,2 миллион сомонӣ ва нисбат ба ҳамин давраи соли гузашта 9,7 миллион сомонӣ зиёд мебошад.

Хароҷоти маблағҳои буҷети маҳаллӣ дар доираи иҷрои воқеии буҷет ба роҳ монда шуда, ба соҳаҳои хоҷагии халқи вилоят бо назардошти маблағҳои мақсадноки ҷумҳуриявӣ ва маблағҳои ҳисоббаробаркуниҳо аз буҷети вилоят 1107,0 миллион равона карда шудааст, ки 98 фоизи нақшаи хароҷоти буҷети маҳаллии вилоятро ташкил медиҳад.

Дар маҷмўъ 959,2 миллион сомонӣ ё ин, ки 87 фоизи маблағҳои буҷетӣ дар вилоят ба соҳаҳои иҷтимоиёт равона карда шудааст.

Ҳабибулло Иззатуллозода зикр кард, ки дар нимсолаи аввали соли ҷорӣ аз буҷети ҷумҳуриявӣ ба буҷетҳои маҳаллии шаҳру ноҳияҳои вилоят 301,5 миллион сомонӣ (100 фоиз) ва аз буҷети вилоятӣ 85,7 миллион сомонӣ (100 фоиз) маблағҳои мақсаднок ба шаҳру ноҳияҳои дахлдори вилоят ҷудо гардидааст.

Сипас рӯзноманигорон перомуни пардохти маблағи рухсатпулии омӯзгорон, қарзи барқи ташкилоту идораҳои буҷетӣ, зиёдшавии музди меҳнат, ҷудошавии маблағ барои иншоотҳои сохташавандаи вилоят, омодагии муассисаҳои соҳаи маориф ба давраи тирамоҳу зимистон суолҳо пешниҳод карда, ҷавобҳои қаноатбахш гирифтанд.

Сулаймон СУЛТОНОВ

Похожие новости:

Добавить комментарий

Ахбор

БЕШ АЗ 432 МИЛЛИОН СОМОНӢ РУХСАТПУЛИИ ОМӮЗГОРОН ПАРДОХТ ШУДААСТ 17:40 ПЕШРАФТ ДАР СОҲАИ МАОРИФИ ХАТЛОН: АЗ СОХТМОН ТО ДАСТОВАРДҲОИ ОЛИМПИАДАВӢ 12:36 ЗИЁДА АЗ 27 ҲАЗОР ҚОНУНВАЙРОНКУНИҲО ОШКОР КАРДА ШУД 12:30 ТАТБИҚИ ЛОИҲАИ “ШАҲРИ БЕХАТАР” ДАР БОХТАР 16:57 Дар ноҳияи Абдураҳмони Ҷомӣ 226 иншооти ҷашнӣ мавриди истифода қарор гирифт 13:45 ҶАЙҲУН ДАР МАСИРИ РУШДИ УСТУВОР ВА СОЗАНДАГӢ 14:33 ТАРБИЯРО АЗ КАДОМ СИННУ СОЛ БОЯД ОҒОЗ КАРД? 14:30 БОНУИ МАТИНИРОДА 13:39

Маҷаллаи №6-2019

Серхонандаҳо

Дар ноҳияи Абдураҳмони Ҷомӣ 226 иншооти ҷашнӣ мавриди истифода қарор гирифт ҶАЙҲУН ДАР МАСИРИ РУШДИ УСТУВОР ВА СОЗАНДАГӢ ТАТБИҚИ ЛОИҲАИ “ШАҲРИ БЕХАТАР” ДАР БОХТАР ТАРБИЯРО АЗ КАДОМ СИННУ СОЛ БОЯД ОҒОЗ КАРД? ПЕШРАФТ ДАР СОҲАИ МАОРИФИ ХАТЛОН: АЗ СОХТМОН ТО ДАСТОВАРДҲОИ ОЛИМПИАДАВӢ БЕШ АЗ 432 МИЛЛИОН СОМОНӢ РУХСАТПУЛИИ ОМӮЗГОРОН ПАРДОХТ ШУДААСТ БОНУИ МАТИНИРОДА ЗИЁДА АЗ 27 ҲАЗОР ҚОНУНВАЙРОНКУНИҲО ОШКОР КАРДА ШУД