Маҷаллаи Сафо
Шеъру адаб
Чеҳра
Маслиҳати муфид
Номаҳо
Аз ботулизм эҳтиёт шавед
Дар давраи тирамоҳу зимистон ҳодисаҳои ба заҳролудшавии одамон аз истеъмоли маҳсулоти хӯрокворӣ, аз ҷумла, маҳсулоти консервашуда ба мушоҳида мерасад. Ба ақидаи мутахассисон риоя накардани қоидаҳои тайёр кардани хӯришу консерваҳо манбаи асосии сар задани бемории ботулизм мегардад.
Ботулизм бемории сирояткунанда буда, ҳангоми заҳролудшавии инсон аз токсини микроорганизмҳо ба вуҷуд меояд. Ин беморӣ хусусияти иллатнок кардани системаи асаби инсонро доро аст.
Клостридиум Ботулинум барангезандаи ин беморӣ буда, хеле сахт, устувору пуртоқат мебошад. Онро дар хок, оби кӯлу дарёҳо, ему хошок, меваҳо ва растаниҳо метавон пайдо кард. Вале худи барангезанда наметавонад сабабгори беморӣ бошад. Боиси беморӣ ва заҳролудшавии инсон танҳо заҳри он мебошад. Заҳролудшавӣ ҳангоми истифодаи хӯришҳои консервагии сабзавотии дар шароити хона тайёркардашуда, ҳасибҳои муҳлаташон гузашта, консерваҳои гӯшти ҳайвоноту моҳигӣ, торти вайроншуда сурат мегирад. Ҳангоми истеъмоли ин гуна хӯрокҳои заҳролудшуда инсон метавонад ба бемории ботулизм гирифтор шавад. Маҳсулоте, ки боиси заҳролудшавии организми инсон мешаванд, аксар вақт аз ҷиҳати бӯй, мазза ва намуд тағйир намеёбанд, баъзан дар ин гуна маҳсулот тамъи махсус ба мисли талхии равған мушоҳида мешавад.
Солҳои охир бонувон бештар дар шароити хона хӯришу консерваҳои сабзавотӣ тайёр мекунанд ва яке аз сабабҳои асосии риоя накардани қоидаҳои консервакунонӣ ин ба қадри кофӣ тамиз (стерилизатсия) накардан аст, ки дар натиҷа ба афзоиши микроб дар дохили зарфи беҳаво оварда мерасонад. Зарфи беҳаво ва даҳонаш маҳкам ҷойи мувофиқ барои афзоиши ин микроб мебошад. Вале донистан ҳатмист, ки микроб вақти то 5 соат ҷӯшонидан дар ҳарорати 105 0 С то 2 соат маҳфуз хоҳанд монд. Микроб танҳо дар ҳарорати 1200 С маҳв мешавад. Аз ин бармеояд, ки на ҳар нафар, ки дар шароити хона хӯриш омода мекунанд, шароити безараркунониро доранд. Беҳтараш хӯришҳо ва консерваҳоро, ки дар корхонаҳои махсус дар шароити автоклавӣ бо фишори баланд ва ҳарорати 1200 С безарар гардонида шудаанд, харидорӣ намуда истеъмол намоянд.
Баъди чанд вақт барангезанда худаш ҳаво (газ) ҳосил карда, даҳони зарф медамад. Махсусан ҳангоми тайёр намудани хӯриш дар шароити хона аз сабзавотҳои боимҷон, бодиринг, помидор, карам ва қаланфур эҳтиёткор бояд буд.
Шахсе, ки аз ғизо ва хӯришҳо заҳролуд мешавад, аз дарди сахти шикам, дилбеҳузуршавӣ, қайкунӣ, хастагӣ, дарди сар, сарчархӣ, хира шудани пеши чашм шикоят мекунад. Даҳони бемор хушк гашта, овозаш мегирад, васеъшавии гавҳарак, фуромадани пилки болоӣ ва олусии чашм ба назар мерасад. Фурӯбарии бемор мушкил мегардад, зеро фалаҷи ҳалқ ва коми нарм ба вуҷуд меояд, набз шиддат меёбад, фишори хун яку якбора паст фуромада, нафастангӣ ба вуҷуд меояд. Қабзияти шикам дида мешавад, сустии мушакҳо ба назар мерасад, махсусан, мушакҳое, ки дар вақти нафасгирӣ кумак мекунанд ва аксар вақт ин мушакҳо фалаҷ мешаванд. Бемор одатан аз қатъи нафаскашӣ мефавтад. Дар бисёр ҳолатҳо ҳарорати бадани бемор муътадил мемонад. Ногуфта намонад, ки ин нишонаҳо ҳам дар калонсолон ва ҳам дар хурдсолон як хел аст.
Аз ҳамин лиҳоз, аз шаҳрвандон хоҳиш карда мешавад, ки аз истеъмоли маҳсулоти пастсифати дар шароити хона тайёркардашуда худдорӣ намуда, худ ва аҳли оилаашонро зери хатар нагузоранд. Инчунин, ҳангоми хариди консерваҳои сабзавотӣ, гӯшти ҳайвоноту моҳӣ, хӯришу торт ва ҳасибҳо ба муҳлати барориши он диққат диҳанд.
Эҳтиёт кунед! Агар дидед, ки қуттиҳои консерваю хӯришҳо дам кардаанд ё оби зарфшишаҳо тира шудааст, онро истифода набаред. Қоидаҳои санитарию гигиенӣ, вақти коркард, кашонидан, нигоҳ доштан ва омода намудани хӯроквориро риоя намоед.
Зеро чи гунае, ки табибон иттилоъ медиҳанд, дар ҳолати сари вақт муроҷиат накардан ба табибон, то 70 фоизи шахсони ба ин беморӣ гирифторшуда, ба ҳалокат мерасанд.
Добавить комментарий
Ахбор
РАИСИ ВИЛОЯТИ ХАТЛОН АЗ РАФТИ СОХТМОНИ МУАССИСАИ ТОМАКТАБӢ ДАР НОҲИЯИ ҶАЙҲУН БОЗДИД НАМУДАНД 18:59РАИСИ ВИЛОЯТИ ХАТЛОН АЗ РАФТИ ҶАМЪОВАРИИ ПИЁЗИ БАРВАҚТӢ ДАР НОҲИЯИ ҶАЙҲУН БОЗДИД НАМУДАНД 18:54РАИСИ ВИЛОЯТИ ХАТЛОН АЗ РАФТИ СОХТМОНИ НЕРУГОҲИ БАРҚИИ ОФТОБӢ ДАР НОҲИЯИ ҶАЙҲУН БОЗДИД НАМУДАНД 18:48ҚАДРШИНОСИИ ИШТИРОКЧИЁНИ ҶАНГ - НИШОНАИ ЭҲТИРОМ БА ТАЪРИХ ВА ВАҲДАТИ МИЛЛӢ 18:41МУСОБИҚАИ КУШОДИ ШАҲРӢ ОИД БА ҶУДО БАРОИ ДАРЁФТИ “ҶОМИ РАИСИ ШАҲРИ БОХТАР 18:34РАИСИ ВИЛОЯТИ ХАТЛОН БА АЁДАТ ВА ТАБРИКИ ИШТИРОКДОРИ 103-СОЛАИ ҶАНГИ БУЗУРГИ ВАТАНӢ РАФТАНД 18:27ЁВОН. БОЗДИДИ РАИСИ ВИЛОЯТ АЗ РАФТИ БАРТАРАФСОЗИИ ОҚИБАТҲОИ ОФАТИ ТАБИӢ ВА СУҲБАТ БО СОКИНОНИ ЗАРАРДИДА 18:21ҶАЛАСАИ ФАВРӢ ОИД БА БАРТАРАФСОЗИИ ОҚИБАТҲОИ ОБХЕЗӢ ДАР ШАҲРИ КӮЛОБ БАРГУЗОР ГАРДИД 14:06
Маҷаллаи №6-2019
Серхонандаҳо
ҶАЛАСАИ КОРИИ РАИСИ ВИЛОЯТИ ХАТЛОН ТАРИҚИ МАҶОЗӢ БО РАИСОНИ ШАҲРУ НОҲИЯҲО
ҶАЛАСАИ ФАВРӢ ОИД БА БАРТАРАФСОЗИИ ОҚИБАТҲОИ ОБХЕЗӢ ДАР ШАҲРИ КӮЛОБ БАРГУЗОР ГАРДИД
ЁВОН. БОЗДИДИ РАИСИ ВИЛОЯТ АЗ РАФТИ БАРТАРАФСОЗИИ ОҚИБАТҲОИ ОФАТИ ТАБИӢ ВА СУҲБАТ БО СОКИНОНИ ЗАРАРДИДА
БЕМОРИҲОИ СИРОЯТӢ. АЗ ЧӢ БОЯД ЭҲТИЁТ КАРД?
ҶАЙҲУН. ОЗМУНИ “КИТОБХОНИ БЕҲТАРИН” БАРГУЗОР ГАРДИД
ЁВОН. ЯК КИЛОМЕТР РОҲИ МАҲАЛЛӢ МУМФАРШ ГАРДИД
ҶАЙҲУН. ҶАМЪОВАРИИ ПИЁЗИ БАРВАҚТӢ ОҒОЗ ШУД
МОДАР
ХАТЛОН. ИСТИҚБОЛИ САРБОЗИ ШУҶОИ ВАТАН
БО ЗАМИН ҲАМНАФАС, БО ЗАҲМАТ САРБАЛАНД
