Ҷангалҳои нав бунёд шуданд

Соли гузашта дар майдони 399,4 гектар ҷангалҳои нав бунёд шуда, инчунин 675 гектар ҷангалҳои куҳна аз нав барқарор карда шуданд. Аз майдони ҷангалҳои бунёдгардида, 37 гектар бунёди боғҳои мевадиҳанда мебошанд.
Ин нуқтаро зимни нишасти матбуотӣ, муовини Муассисаи давлатии хоҷагии ҷангали вилояти Хатлон Мираҳмад Давлатов зикр кард.
Номбурда гуфт, ки бунёди ҷангалзор 103 фоизи нақшаи солонаро дар бар гирифта, 109 гектар нисбати соли 2021  зиёд мебошад.
Зикр шуд, ки дар самти ҳифзу муҳофизати ҷангалзор аз ҷониби нозирони ҳифзи ҷангал соли рафта, 917 санади қонунвайронкунии ҷангал ба маблағи 313 ҳазор сомонӣ тартиб дода шудааст. Аз ҷумла 520 санад буриши худсаронаи ҷангал, 150 санад чорвочаронии худсарона, 196 санади ҷамъоварии худсаронаи маҳсулоти ҷангал, 26 санад шикори ғайриқонунӣ ва 25 санад дигар қонунвайронкуниҳо мебошанд. 
Сулаймон СУЛТОНОН