Бунёди бинои истиқоматӣ

Ба ифтихори ҷашни 35-солагии Истиқлолияти давлатии Ҷумҳурии Тоҷикистон дар Ҷамоати шаҳраки Қубодиёни ноҳияи Қубодиён бунёди бинои истиқоматӣ барои хизматчиёни давлатӣ бомаром идома дорад.
Маблағи иншоот 185 миллион сомониро дар бар гирифта, он аз 45 ҳуҷра иборат мебошад.
Бино дар масоҳати 0,60 гектар бунёд шуда, фармоишгари сохтмон Дирексияи сохтмонии иншоотҳои Дастгоҳи иҷроияи Президенти Ҷумҳурии Тоҷикистон мебошад ва корҳои пудратиро ҶДММ “Парвиз-92” анҷом дода истодааст.
Дар иншоот то ин замон ба маблағи 9 миллион сомонӣ корҳои сохтмонӣ аз худ карда шуда, кор дар қисмати болопӯши бино идома дорад.
Айни замон дар корҳои сохтмонии ин бинои истиқоматӣ 25 нафар сокинони маҳаллӣ бо ҷойи кор ва маоши хуб таъмин гаштаанд.
Аз Мақомоти иҷроияи ҳокимияти давлатии ноҳияи Қубодиён иттилоъ доданд, ки аз рафти корҳои сохтмонии ин бино иҷрокунандаи вазифаи раиси вилояти Хатлон Давлаталӣ Саид дидан кардааст.
Сулаймон СУЛТОНОВ