Маҷаллаи Сафо
Шеъру адаб
Чеҳра
Маслиҳати муфид
Номаҳо
БА ИСТИФОДА ДОДАНИ ИНШООТИ ҶАШНӢ
Дар доираи нақша-чорабиниҳои бахшида ба 30-солагии Истиқлолияти давлатии Ҷумҳурии Тоҷикистон, дар ноҳияи Кӯшониён як қатор иншооти ҷашнӣ мавриди баҳрабардорӣ қарор гирифтанд.
Тавре аз мақомоти иҷроияи ҳокимияти давлатии ноҳияи Кӯшониён иттилоъ доданд, бо иштироки раиси ноҳия Вализода Икромиддин дар “Рӯзи дониш” ва “Дарси сулҳ” дар муассисаи таҳсилоти миёнаи умумии №1 бинои иловагии мактаб иборат аз 6 синфхона ба истифода дода шуд. Иншооти мазкур аз ҷониби соҳибкори ватандӯст Абдулҳамид Муҳиддинов бо харҷи беш аз 400 ҳазор сомонӣ бунёд гардида, бо тамоми таҷҳизот ва айёниятҳои замонавӣ муҷаҳҳаз гардонида шудааст.
Инчунин дар деҳаи Гулистони Ҷамоати деҳоти “Меҳнатобод” бинои ду ошёнаи маркази хизматрасонӣ, ки бо ташаббуси соҳибкори маҳаллӣ Бобоҷон Ғафоров бо масрафи 200 ҳазор сомонӣ бунёд шудааст, мавриди истифода қарор дода шуд. Ошёнаи якуми бино мағозаи замонавӣ буда, дар ошёнаи дуюм маркази омӯзиши забонҳои хориҷӣ таъсис дода шудааст. Иншооти мазкур барои беш аз 4 ҳазор сокинони деҳа хизматрасонӣ хоҳад кард.
Баҳри дар амал татбиқ намудани дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба соҳибкорони ватандӯст Абдулҳамид Муҳиддинов ва Бобоҷон Ғафоров ҷиҳати саҳми арзанда гузоштан дар рушду пешрафти тараққиёти ноҳия аз ҷониби раиси ноҳия Сипосномаи мақомоти иҷроияи маҳаллии ҳокимияти давлатии ноҳияи Кӯшониён дар вазъияти тантанавӣ тақдим карда шуд.
Сулаймон СУЛТОНОВ
Аксҳо аз дафтари матбуотии раиси ноҳияи Кӯшониён
Добавить комментарий
Ахбор
Марде ҳунарманд 12:32«РОДМАРД» – МИНБАРИ ТАРБИЯИ ВАТАНДӮСТӢ 12:26ВОСЕЪ – мактаби ҷасорат барои наслҳо 12:21ҲАМАДОНӢ: ИФТИТОҲИ 3,5 КМ РОҲИ АҲАМИЯТИ МАҲАЛЛИДОШТА 13:32БОХТАР. БУНЁДИ 10 КӮДАКИСТОН ДАР НАҚША 13:24ОСИЁБИ ЯК МАРД, УМЕДИ ЧАНД ДЕҲА 12:58РАМАЗОНРО ҒАНИМАТ ДОНЕМ! 12:52ПАЁМИ ТАБРИКИИ РАИСИ ВИЛОЯТИ ХАТЛОН ДАВЛАТАЛӢ САИД БА МУНОСИБАТИ 33-ЮМИН СОЛГАРДИ ТАЪСИСЁБИИ ҚУВВАҲОИ МУСАЛЛАҲИ ҶУМҲУРИИ ТОҶИКИСТОН 12:19
Маҷаллаи №6-2019
