Кумаки раиси вилоят ба табибони кўлобӣ

Раиси вилояти Хатлон муҳтарам Қурбон Ҳакимзода ба 117 нафар табибони шаҳри Кўлоб кумаки ғизоӣ расонид. 

Дар ин бора шуъбаи иттилоотию таҳлилии дастгоҳи раиси вилояти Хатлон хабар медиҳад.
Тибқи иттилои расида, табибони Беморхонаи сироятии шаҳри Кӯлоб ва Беморхонаи марказии ноҳияи Кӯлоб аз ин кумаки раиси вилоят бархўрдор шудаанд. 

Гуфта мешавад, ки ин кумак аз маводҳои озуқаворӣ, аз қабили орд, равған, биринҷ, картошка ва пиёз иборат будааст.
Раиси вилояти Хатлон Қурбон Ҳакимзода ҳамчунин раисони шаҳру ноҳияҳоро вазифадор кардаанд, ки бо истифода аз тамоми захираву имкониятҳо ҷиҳати саривақт ва дар навбати аввал гирифтани маоши моҳона, 
инчунин кумакпулиҳои иловагӣ ва дигар навъҳои дастгирии кормандони соҳаи 
тиб фавран тадбирандешӣ намоянд.

Ёдовар мешавем, ки Пешвои муаззами миллат зимни Паёми табрикиашон бахшида 75- солагии Рўзи Ғалаба низ  ба ҳар як табибе, ки дар ҳамаи муассисаҳои тиббии бо ин мақсад махсусгардонидашуда барои табобати шахсони бемор шабу рӯз заҳмат кашида истодааст, сипосу миннатдорӣ баён намуданд.

 Бояд гуфт, ки ба андозаи 1 маош зиёд кардани музди маоши кормандони соҳаи тиб аз дастгириву ғамхориҳои дигари Пешвои миллат мебошанд, ки чанд рўз пеш амалӣ карда шуданд.