Маҷаллаи Сафо
Шеъру адаб
Чеҳра
Маслиҳати муфид
Номаҳо
ФЕСТИВАЛИ ВИЛОЯТИИ "ЛИБОСИ МИЛЛӢ - ОСОРИ ТАМАДДУНИ ҶАҲОН" ДАР ВИЛОЯТИ ХАТЛОН
Имрӯз, 30 октябр, дар шаҳри Кӯлоб бо ташаббуси Мақомоти иҷроияи ҳокимияти давлатии вилояти Хатлон фестивали вилоятӣ таҳти унвони «Либоси миллӣ - осори тамаддуни ҷаҳон» бо шукӯҳу шаҳомати хоса баргузор гардид.
Дар ин ҳамоиши мутантан муовини раиси вилояти Хатлон Абдусаломзода Анзурат, раиси Кумитаи кор бо занон ва оилаи назди Ҳукумати Ҷумҳурии Тоҷикистон Файзиддинзода Бунафша ва дигар шахсони расмӣ ширкат варзиданд.
Ин чорабинии фарҳангӣ бо ҳузури зиёда аз 25 ҳазор занону бонувони ҳунарманду зебописанд, ки бо либосҳои миллӣ - чакан, атлас, адрас, кӯлобию суғдӣ, ҳамадонӣ ва дигар навъҳои либосҳои тоҷикона роҳпаймоӣ намуданд, рангу ҷиллои идона гирифт.
Зикр гардид, ки либоси миллӣ на танҳо зебоии зоҳирӣ, балки ҳувияти фарҳангии миллатро ифода мекунад. Сиёсати фарҳангпарваронаи Пешвои миллат муҳтарам Эмомалӣ Раҳмон дар самти эҳё ва тарғиби арзишҳои миллӣ, аз ҷумла фарҳанги либоспӯшии тоҷикона, имрӯз ба як ҷараёни умумимиллӣ табдил ёфтааст.
Фестивал бо намоиши дастаҷамъонаи бонувони ҳамаи шаҳру ноҳияҳои вилоят, ки либосҳои миллӣ ва ҳунарҳои дастии худро ба намоиш гузоштанд, идома ёфт. Дар гӯшаҳои алоҳидаи фестивал ҳунармандон, дӯзандагон, чакандӯзон, адрасбофон ва заргарони маҳаллӣ намунаҳои беҳтарини ҳунари худро муаррифӣ карданд.
Мақсади асосии баргузории ин чорабинӣ ташвиқ ва эҳёи либосҳои миллӣ, арҷгузорӣ ба фарҳанги тоҷикии либоспӯшӣ, ҳамчунин пешгирӣ аз паҳншавии унсурҳои бегона дар муҳити зеҳнӣ ва зоҳирии ҷомеа арзёбӣ мегардад.
Дар ҷараёни фестивал барномаҳои рангини фарҳангӣ, рақсу сурудҳои миллӣ, саҳнаҳои театрикунонидашудаи мардумӣ ва намоиши либосҳои миллӣ ба хотири бинандагон як фазои пурмаъниву шодмонӣ бахшиданд.
Ташкили чунин чорабиниҳо шаҳодати равшани он аст, ки имрӯз дар ҷомеаи мо эҳсоси худшиносиву ватандӯстӣ, арҷгузорӣ ба фарҳанг ва мероси миллӣ рӯ ба болоравӣ дорад. Занону духтарони тоҷик бо ифтихор либоси миллии худро ба бар карда, онро на танҳо ҳамчун ҷузъи зебоии зоҳирӣ, балки рамзи асолат ва маънавияти миллӣ муаррифӣ мекунанд.
Дар поёни фестивал ба як қатор бонувони фаъоли соҳа ва ҳунармандон барои саҳми арзанда дар тарғиби фарҳанги миллии либоспӯшӣ Ифтихорнома ва Сипосномаҳои Мақомоти иҷроияи ҳокимияти давлатии вилояти Хатлон супурда шуданд.
Хадамоти матбуоти раиси вилояти Хатлон
Добавить комментарий
Ахбор
РАИСИ ВИЛОЯТИ ХАТЛОН АЗ РАФТИ СОХТМОНИ МУАССИСАИ ТОМАКТАБӢ ДАР НОҲИЯИ ҶАЙҲУН БОЗДИД НАМУДАНД 18:59РАИСИ ВИЛОЯТИ ХАТЛОН АЗ РАФТИ ҶАМЪОВАРИИ ПИЁЗИ БАРВАҚТӢ ДАР НОҲИЯИ ҶАЙҲУН БОЗДИД НАМУДАНД 18:54РАИСИ ВИЛОЯТИ ХАТЛОН АЗ РАФТИ СОХТМОНИ НЕРУГОҲИ БАРҚИИ ОФТОБӢ ДАР НОҲИЯИ ҶАЙҲУН БОЗДИД НАМУДАНД 18:48ҚАДРШИНОСИИ ИШТИРОКЧИЁНИ ҶАНГ - НИШОНАИ ЭҲТИРОМ БА ТАЪРИХ ВА ВАҲДАТИ МИЛЛӢ 18:41МУСОБИҚАИ КУШОДИ ШАҲРӢ ОИД БА ҶУДО БАРОИ ДАРЁФТИ “ҶОМИ РАИСИ ШАҲРИ БОХТАР 18:34РАИСИ ВИЛОЯТИ ХАТЛОН БА АЁДАТ ВА ТАБРИКИ ИШТИРОКДОРИ 103-СОЛАИ ҶАНГИ БУЗУРГИ ВАТАНӢ РАФТАНД 18:27ЁВОН. БОЗДИДИ РАИСИ ВИЛОЯТ АЗ РАФТИ БАРТАРАФСОЗИИ ОҚИБАТҲОИ ОФАТИ ТАБИӢ ВА СУҲБАТ БО СОКИНОНИ ЗАРАРДИДА 18:21ҶАЛАСАИ ФАВРӢ ОИД БА БАРТАРАФСОЗИИ ОҚИБАТҲОИ ОБХЕЗӢ ДАР ШАҲРИ КӮЛОБ БАРГУЗОР ГАРДИД 14:06
Маҷаллаи №6-2019
Серхонандаҳо
ҶАЛАСАИ КОРИИ РАИСИ ВИЛОЯТИ ХАТЛОН ТАРИҚИ МАҶОЗӢ БО РАИСОНИ ШАҲРУ НОҲИЯҲО
ҶАЛАСАИ ФАВРӢ ОИД БА БАРТАРАФСОЗИИ ОҚИБАТҲОИ ОБХЕЗӢ ДАР ШАҲРИ КӮЛОБ БАРГУЗОР ГАРДИД
ЁВОН. БОЗДИДИ РАИСИ ВИЛОЯТ АЗ РАФТИ БАРТАРАФСОЗИИ ОҚИБАТҲОИ ОФАТИ ТАБИӢ ВА СУҲБАТ БО СОКИНОНИ ЗАРАРДИДА
БЕМОРИҲОИ СИРОЯТӢ. АЗ ЧӢ БОЯД ЭҲТИЁТ КАРД?
ҶАЙҲУН. ОЗМУНИ “КИТОБХОНИ БЕҲТАРИН” БАРГУЗОР ГАРДИД
ЁВОН. ЯК КИЛОМЕТР РОҲИ МАҲАЛЛӢ МУМФАРШ ГАРДИД
ҶАЙҲУН. ҶАМЪОВАРИИ ПИЁЗИ БАРВАҚТӢ ОҒОЗ ШУД
БО ЗАМИН ҲАМНАФАС, БО ЗАҲМАТ САРБАЛАНД
Нақши воситаҳои ахбори омма дар пешгирии коррупсия
РАИСИ ВИЛОЯТИ ХАТЛОН АЗ РАФТИ СОХТМОНИ НЕРУГОҲИ БАРҚИИ ОФТОБӢ ДАР НОҲИЯИ ҶАЙҲУН БОЗДИД НАМУДАНД
