Маҷаллаи Сафо
Маслиҳати муфид
Номаҳо
ФАРЗАНДИ ШУҶОЪ
Ҳар насли бедори миллат бояд донад, ки хидмат ба Ватан на таҳмил, балки ифтихор ва рисолат аст. Шоҳвалӣ Шовайсов – ҷавони боҷасорату худогоҳи ноҳияи Дӯстӣ, ихтиёрӣ ба хизмати ҳарбӣ пайваст. Ӯ намояндаи он насли бедору ватандӯстест, ки кафили фардои обод, амн ва дурахшони Тоҷикистон хоҳад буд.
– Ҷавонмарди ҳақиқӣ касест бо ифтихор ба хизмати Ватан меравад ва дар ҳимояи ҳар ваҷаб хоки муқаддас бо сарбаландӣ меистад. Хизмат ба Ватан мактаби шуҷоату шараф аст. Ҷавоне, ки ихтиёран ба сафи Қувваҳои Мусаллаҳ мепайвандад, воқеан мардонагӣ ва масъулияти шаҳрвандии худро дар амал нишон медиҳад, – гуфт Шоҳвалӣ Шовайсов.
Шоҳвалӣ Шовайсов яке аз ҷавонони шуҷоъ ва фаъолу худогоҳи ноҳияи Дӯстӣ пас аз хатми факултети филологияи тоҷики Донишгоҳи давлатии Бохтар ба номи Носири Хусрав бо эҳсоси баланди масъулиятшиносӣ ва муҳаббати самимӣ ба Модар – Ватан ихтиёран ба комиссариати ҳарбии ноҳия муроҷиат карда, барои адои хизмати ҳарбӣ номнавис гардид.
Бо ташаббуси Мақомоти иҷроияи маҳаллии ҳокимияти давлатии ноҳия ва дастгирии сохторҳои алоқаманд Шоҳвалӣ Шовайсов ба курси омӯзиши ронандагӣ ҷалб гардида, пас аз хатми муваффақонаи он соҳиби шаҳодатномаи ронандагӣ шуд.
Омӯзишҳое, ки ба ҷавонон имкони аз худ кардани ихтисосҳои муфидро фароҳам месозанд, намунаи равшани дастгирии амалӣ ва ғамхории давлат нисбат ба даъватшавандагон ба хизмат мебошанд.
Маъракаи даъвати тирамоҳии наваскарон дар фазои меҳанпарастӣ ва худшиносии миллӣ бо шукӯҳу шаҳомати хоса ҷараён гирифта, садҳо ҷавонмарди далеру ватандӯст бо ихтиёрӣ ба комиссариатҳои ҳарбӣ ҳозир шуда, адои қарзи шаҳрвандии худро дар сафи Қувваҳои Мусаллаҳ ифтихор медонанд.
– Хизмат дар сафи Артиши миллӣ барои ҳар як ҷавон марҳилаи муҳим ва мактаби ташаккули шахсият аст. Ҷавони бонангу номус бояд ҳамеша бо эҳсоси гарми ватандорӣ ва омодагии ҷисмиву руҳӣ барои ҳифзи хоки муқаддаси Ватан тайёр бошад. Зеро маҳз ҳамин машқу тарбия ва обутоби хизмати ҳарбӣ ҷавононро барои табдил ёфтан ба шахсиятҳои воқеии ватандӯсту содиқ ба миллат омода месозад, – мегӯяд Шоҳвалӣ.
Имрӯз Қувваҳои Мусаллаҳи Ҷумҳурии Тоҷикистон бо шароити муосири моддиву техникӣ ба мактаби воқеии тарбияи мардонагӣ ва ватандӯстӣ табдил ёфтаанд. Дар ин ҷо на танҳо ҷисму руҳи ҷавонон обутоб меёбад, балки дар вуҷуди онҳо ҳисси баланди масъулиятшиносӣ, интизом, ифтихори миллӣ ва садоқати беандоза ба Ватан низ парвариш мегардад.
Ҳифзи марзу буми кишвар, таъмини сулҳу субот ва пойдории давлатдорӣ аз ҷумлаи масъулияти муқаддаси ҳар як шаҳрванди худогоҳу ватандӯст ба ҳисоб меравад. Хизмат ба Ватан, бахусус дар сафи Қувваҳои Мусаллаҳи Ҷумҳурии Тоҷикистон, на танҳо қарзи шаҳрвандӣ, балки фарзи муқаддаси ватандорист, ки аз ниёгони сарбаланди мо ба мерос мондааст.
Мо ба чунин фарзандони боғуруру бономуси миллат ифтихор мекунем ва итминон дорем, ки бо ҳамин гуна насли худшиносу ватандӯст, ояндаи Тоҷикистон дурахшон, амн, босубот ва пуриқтидор хоҳад буд.
Маҳз чунин ҷавонон омили асосии таъмини ояндаи дурахшони кишвар буда, дар таҳкими пояҳои давлатдории миллӣ нақши созанда мебозанд. Мо ба Шоҳвалӣ Шовайсов барин ҷавонони шуҷоъ ва ватандӯсти диёрамон дар иҷрои ин рисолати бузурги шаҳрвандӣ сарбаландӣ ва муваффақият орзу мекунем.
Курбонбек Сайдалиев
Добавить комментарий
Ахбор
БЕШ АЗ 432 МИЛЛИОН СОМОНӢ РУХСАТПУЛИИ ОМӮЗГОРОН ПАРДОХТ ШУДААСТ 17:40ПЕШРАФТ ДАР СОҲАИ МАОРИФИ ХАТЛОН: АЗ СОХТМОН ТО ДАСТОВАРДҲОИ ОЛИМПИАДАВӢ 12:36ЗИЁДА АЗ 27 ҲАЗОР ҚОНУНВАЙРОНКУНИҲО ОШКОР КАРДА ШУД 12:30ТАТБИҚИ ЛОИҲАИ “ШАҲРИ БЕХАТАР” ДАР БОХТАР 16:57Дар ноҳияи Абдураҳмони Ҷомӣ 226 иншооти ҷашнӣ мавриди истифода қарор гирифт 13:45ҶАЙҲУН ДАР МАСИРИ РУШДИ УСТУВОР ВА СОЗАНДАГӢ 14:33ТАРБИЯРО АЗ КАДОМ СИННУ СОЛ БОЯД ОҒОЗ КАРД? 14:30БОНУИ МАТИНИРОДА 13:39
Маҷаллаи №6-2019
Серхонандаҳо
