Маҷаллаи Сафо
Маслиҳати муфид
Номаҳо
РАИСИ ВИЛОЯТ АЗ СОХТМОНИ ХОНАҲОИ ИСТИҚОМАТӢ БАРОИ ОИЛАҲОИ КАМБИЗОАТ ВА БЕСАРОБОН ДИДАН НАМУД
Раиси вилояти Хатлон Давлаталӣ Саид дар идомаи сафари кории худ ба ноҳияи Ховалинг аз ҷараёни сохтмони 10 хонаи истиқоматӣ барои оилаҳои камбизоат ва бесаробон дар деҳаи "Айлодара"- и Ҷамоати деҳоти ба номи "Ғаффор Мирзо" дидан намуд.
Сохтмони ин хонаҳо дар доираи иқдоми башардӯстона бо дастгирии молиявии Аморати Муттаҳидаи Араб тавассути Ташкилоти ҷамъиятии хайриявии "Тоҷикистон” ба роҳ монда шуда, ба оилаҳое бахшида мешавад, ки саробони худро аз даст додаанд ва дар шароити сахти иҷтимоӣ бо фарзандони ноболиғ умр ба сар мебаранд.
Тибқи лоиҳа, ҳар як хонаи истиқоматӣ аз се ҳуҷра, ҳаммом ва долон иборат буда, бо маблағи 150 ҳазор сомонӣ сохта мешавад. Хонаҳо бо тамоми таҷҳизоти рӯзгор муҷаҳҳаз гардонида шуда, шароити заруриро барои зиндагии арзанда фароҳам месозанд. Дар ҷараёни сохтмон зиёда аз 30 нафар коргарони маҳаллӣ бо ҷойи кор ва маоши муносиб таъмин шудаанд.
Раиси вилояти Хатлон Давлаталӣ Саид зимни боздид аз сифати корҳои сохтмонӣ ва тарҳи хонаҳо изҳори қаноатмандӣ намуда, таъкид доштанд, ки дастгирии табақаҳои ниёзманд, хусусан оилаҳои камбизоат ва бесаробон аз самтҳои афзалиятноки сиёсати иҷтимоии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Ҳукумати ҷумҳурӣ маҳсуб меёбад.
Ҳамзамон, ба масъулон дастур дода шуд, ки ҷиҳати анҷоми босифати корҳои боқимонда ва мавриди истифода қарор додани хонаҳо то ҷашни 35-солагии Истиқлоли давлатии Ҷумҳурии Тоҷикистон тадбирҳои зарурӣ андешида шаванд.
Хадамоти матбуоти раиси вилояти Хатлон
Добавить комментарий
Ахбор
Дар ноҳияи Абдураҳмони Ҷомӣ 226 иншооти ҷашнӣ мавриди истифода қарор гирифт 13:45ҶАЙҲУН ДАР МАСИРИ РУШДИ УСТУВОР ВА СОЗАНДАГӢ 14:33ТАРБИЯРО АЗ КАДОМ СИННУ СОЛ БОЯД ОҒОЗ КАРД? 14:30БОНУИ МАТИНИРОДА 13:39НАФАҚА – КАФОЛАТИ ИҶТИМОИИ ДАВЛАТ БА ШАҲРВАНДОН 13:32БОХТАР. БОЗСОЗИИ МАҶМААИ “ВАҲДАТ” ОҒОЗ ШУД 14:02АЗ ҚАЪРИ ГИЛИ СИЯҲ ТО АВҶИ ЗУҲАЛ 13:58РАИСИ ВИЛОЯТИ ХАТЛОН БО РАИСИ ШӮРОИ ДИРЕКТОРОНИ ШИРКАТИ SHAANXI APPLE GROUP CO., LTD. МАСЪАЛАҲОИ РУШДИ ҲАМКОРИҲОИ САРМОЯГУЗОРӢ ВА БОҒДОРИРО БАРРАСӢ КАРДАНД 16:52
Маҷаллаи №6-2019
Серхонандаҳо
Паёми шодбошии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба муносибати қабули қатъномаи Созмони Милали Муттаҳид таҳти унвони «Даҳсолаи байналмилалӣ оид ба таҳкими сулҳ барои наслҳои оянда, солҳои 2027 – 2036»
ЁВОН. МАРКАЗИ САЛОМАТИИ НАВУ ЗАМОНАВӢ БУНЁД МЕШАВАД
НОРАК. 194 ИНШООТИ ТАЪИНОТИ ГУНОГУН БУНЁД ШУД
БОХТАР. ТАРАБХОНАИ “KFC” БА ФАЪОЛИЯТ ОҒОЗ НАМУД
ҶАЙҲУН ДАР МАСИРИ РУШДИ УСТУВОР ВА СОЗАНДАГӢ
БОХТАР. БОЗСОЗИИ МАҶМААИ “ВАҲДАТ” ОҒОЗ ШУД
РОҲИ АВТОМОБИЛГАРДИ ЁВОН-ВАҲДАТ-НОРАК БОЗСОЗӢ КАРДА МЕШАВАД
ДАҲСОЛАИ СУЛҲ: ЭЪТИРОФИ ҶАҲОНИИ ТАШАББУСИ ТОҶИКИСТОН
ЯК СИМОЮ ЯК САДО, АММО ДУ САРНАВИШТ
АЗ УМЕД ТО ХАТАР
