Маҷаллаи Сафо
Шеъру адаб
Чеҳра
Маслиҳати муфид
Номаҳо
Тоҷикистон ватанам
То охирҳои солҳои 90-уми асри гузашта дар давлати собиқ Шуравӣ, ки давлати аз ҳама сермиллати дунё маҳсуб меёфт, намояндагони беш аз 132 миллату халқиятҳо зиндагӣ мекарданд. Баъди азҳампошхӯрии он аз Ҷумҳурии Тоҷикистон низ иддае аз намояндагони аққалиятҳои миллӣ ба ватани аҷдодиашон баргаштанд.
Бо амри сарнавишт шумораи чашмраси онҳо Тоҷикистонро Ватан интихоб намуда, то имрӯз дар фазои сулҳу осоиштагӣ рӯзгору фаъолияти хешро идома дода истодаанд. Сокини шаҳраки Чорсӯи ноҳияи Муъминобод Ахмедова Неля аз зумраи намояндагони аққалиятҳои миллӣ аст, ки гузаштагонашон ҳанӯз дар солҳои 50-уми асри гузашта аз вилояти Оренбурги Федаратсияи Россия нахуст ба Ҷумҳурии Ӯзбекистон ва пас аз ду сол ба Тоҷикистон ҳиҷрат намуда буданд. Падараш Борис Ахмедов тайи солҳои 1956-1993 дар хоҷагии давлатии (совхози) Муъминобод ба ҳайси сарагроном фаъолият намуда, модараш Татяна Ахмедова бошад, то охири умр дар Беморхонаи маркази ноҳияи Муъминобод ба сифати корманди хоҷагӣ кор кардааст.
-Зодмандонамон моро дар руҳияи донишандӯзию меҳандӯстӣ тарбия ва ба воя расониданд ва баъди хатми таҳсилоти миёнаи умумӣ ба Коллеҷи тиббии шаҳри Кӯлоб (собиқ омӯзишгоҳи тиббӣ) дохил шуда, баъди хатми он фаъолиятро дар Беморхонаи марказии ноҳияи Муъминобод оғоз бахшидам. Баъдан, ба шавҳар баромада, соҳиби ду фарзанд гардидам,- қисса кард ӯ.
Духтари Неля Зарина баъди хатми бомуваффақияти факултаи забон ва адабиёти руси Донишгоҳи давлатии Кӯлоб ба номи Абуабдуллоҳи Рӯдакӣ то имрӯз дар Муассисаи таҳсилоти миёнаи умумии № 2-и ноҳия ба симати омӯзгор фаъолият карда истодааст. Писараш Ёқуб бошад, хатмкардаи Донишгоҳи Славянии Русия –Тоҷикистон мебошад.
-Тоҷикистони азизам ва мардумони меҳмоннавози онро беҳад дӯст медорам ва тули рӯзгору фаъолият дар ноҳияи хушманзараи Муъминобод бо мардумони дилкушоду меҳмоннавозаш паҳлу ба паҳлу ҳаёту фаъолият дорам. Аз ҳаққу ҳамсояву ҳампешагонам пухтану омода намудани ҳамаи хӯрокҳои миллиро омӯхтаам, ки барои ин аз якояки онҳо сипосгузорам. Гарчанде ки баъди пошхӯрии давлати Шуравӣ ва сар задани ҳодисаҳои шаҳрвандӣ бародари калонӣ ва хоҳаронам Тамараю Наталя бо аҳли хонаводаҳояшон ба вилояти Краснодари Федератсияи Россия рафтанд, аммо ману хоҳари хурдиам Лилия аз Тоҷикистон дил канда натавонистем, дар Ватан мондем.
Ба гуфтаи Неля Ахмедова дар замони Истиқлоли давлатӣ дар кишварамон ба рушди соҳаи тандурустӣ таваҷҷуҳи ҷиддӣ зоҳир мешавад. Аз ҷумла, соли 2021 дар ноҳияи Муъминобод бо иштироки бевоситаи Пешвои муаззами миллат Муассисаи давлатии “Маркази ҷумҳуриявии барқарорсозии бемориҳои дил” ифтитоҳ гардид.
Дар ин росто ба хотири донишу таҷрибаи баланд, ҳисси баланди масъулиятшиносӣ ва дигар зарфиятҳои касбиаш ӯро ҷиҳати идомаи фаъолият ба ин муассисаи бонуфузи соҳаи тандурустӣ даъват намуданд.
Ҳамин тавр, Неля то имрӯз ба ҳайси ҳамшираи калони тиббӣ дар Маркази барқарорсозии бемории дил фаъолият бинмуда истодааст. Тавре худ қисса мекунад, аз ҳаёту фаъолияти пурсамараш дар ин диёри нозанин қаноатманд асту худро дар ин ноҳияи кӯҳистони решапайванд медонад ва ба қавли Соиби бузург;
Маро аз софии ботин зи худ донанд ҳар қавме,
Ки ҳар зарфе ба ранги худ барорад оби равшанро.
АЪЗАМ БОБОЕВ, НОҲИЯИ МУЪМИНОБОД
Добавить комментарий
Ахбор
Ҷ. Балхӣ. Мумфаршкунии 6 километр роҳ оғоз гардид 13:03МУЛОҚОТИ РАИСИ ВИЛОЯТИ ХАТЛОН ДАВЛАТАЛӢ САИД БО НАМОЯНДАГОНИ МАГАТЭ: ТАҲКИМИ ҲАМКОРИҲО БАРОИ РУШДИ СОҲАИ ТАНДУРУСТӢ 13:25ХАТЛОН.РӮЗИ БАЙНАЛМИЛАЛИИ ҲИФЗИ КӮДАКОН ТАҶЛИЛ ГАРДИД 15:18ДАР ВИЛОЯТИ ХАТЛОН БОРИ НАХУСТ КУРСИ АЗНАВТАЙЁРКУНИИ КАДРҲОИ ДАР ЗАХИРАБУДАИ ХИЗМАТИ ДАВЛАТӢ РОҲАНДОЗӢ ГАРДИД 11:12ПАЁМИ ТАБРИКИИ РАИСИ ВИЛОЯТИ ХАТЛОН ДАВЛАТАЛӢ САИД БА МУНОСИБАТИ РӮЗИ БАЙНАЛМИЛАЛИИ ҲИФЗИ КӮДАКОН 10:05НАХУСТНАМОИШИ “МЕТРАНПАЖ” ДАР ТЕАТРИ ВИЛОЯТӢ 10:56ФУРӮҒИ МАЪРИФАТ ДАР ЯК ХОНАДОНИ ТОҶИК 10:49ПАЁМИ ШОДБОШИИ РАИСИ ВИЛОЯТИ ХАТЛОН ДАВЛАТАЛӢ САИД БА МУНОСИБАТИ ФАРОРАСИИ ИДИ САИДИ ҚУРБОН 16:35
Маҷаллаи №6-2019
Серхонандаҳо
МАРҲИЛАИ ДУЮМИ АЗНАВСОЗӢ ВА ТАЪСИСИ МЕДИАТЕКАИ ПРЕЗИДЕНТИ ҶУМҲУРИИ ТОҶИКИСТОН ДАР КИТОБХОНАИ ВИЛОЯТИИ БА НОМИ ШАМСИДДИН ШОҲИН ВА ОҒОЗИ АЗНАВСОЗИИ КИТОБХОНАИ ВИЛОЯТӢ ДАР ШАҲРИ КӮЛОБ
ЁВОН. БОЗДИДИ РАИСИ ВИЛОЯТ АЗ РАФТИ БАРТАРАФСОЗИИ ОҚИБАТҲОИ ОФАТИ ТАБИӢ ВА СУҲБАТ БО СОКИНОНИ ЗАРАРДИДА
ҶАЙҲУН. 1,1 КИЛОМЕТР РОҲ МУМФАРШ КАРДА ШУД
БОХТАР. БОЗ ЯК КӮДАКИСТОНИ НАВУ ЗАМОНАВӢ БУНЁД МЕШАВАД
ЛЕВАКАНТ. НИЁЗМАНДЕ СОҲИБИ ХОНА МЕШАВАД
РАИСИ ВИЛОЯТИ ХАТЛОН АЗ РАФТИ СОХТМОНИ НЕРУГОҲИ БАРҚИИ ОФТОБӢ ДАР НОҲИЯИ ҶАЙҲУН БОЗДИД НАМУДАНД
ҚАДРШИНОСИИ ИШТИРОКЧИЁНИ ҶАНГ - НИШОНАИ ЭҲТИРОМ БА ТАЪРИХ ВА ВАҲДАТИ МИЛЛӢ
РАИСИ ВИЛОЯТИ ХАТЛОН БА АЁДАТ ВА ТАБРИКИ ИШТИРОКДОРИ 103-СОЛАИ ҶАНГИ БУЗУРГИ ВАТАНӢ РАФТАНД
ҶАВОНОН ВА МАСЪУЛИЯТИ ОИЛАДОРӢ
РАИСИ ВИЛОЯТИ ХАТЛОН АЗ РАФТИ СОХТМОНИ МУАССИСАИ ТОМАКТАБӢ ДАР НОҲИЯИ ҶАЙҲУН БОЗДИД НАМУДАНД
