БОХТАР. ОМӮЗГОРОНУ ХОНАНДАГОНИ ФАЪОЛ ҚАДРДОНӢ ГАРДИДАНД

27-уми май дар муассисаи давлатии Россия ва Тоҷикистон ба номи И. В. Ломоносови шаҳри Бохтар маросими ҷамъбасти олимпиадаҳои байналмилалӣ, ҷумҳуриявии фаннни хонандагон ва ҷоизасупории омӯзгорони пешсафи ҳаракати олимпии шаҳри Бохтар баргузор гардид.

Дар ин чорабинии бошукуҳ раиси шаҳри Бохтар Муминзод Абдулмаҷид, сардори Раёсати маорифи вилояти Хатлон Зиёдулло Абдулзода ва дигар меҳмонону омӯзгорону волидайни хонандагон иштирок намуданд.

Дар оғози чорабинӣ ҳайати меҳмонон сараввал аз дастовардҳои хонандагону омӯзгорони муассисаҳои таълимии шаҳр дидан карданд.

Сипас дар вазъияти тантанавӣ ба хонандагони фаъоле, ки дар олимпиадаҳои байналмилаливу ҷумҳуриявӣ фаъолона иштирок намудаву сазовори ҷойҳои 1 – 2 – 3 ва ҷойҳои ифтихорӣ гардиданд медалу ифтихорномаҳо ва дигар туҳфаҳои хотиравӣ тақдим карда шуд.

Ҳамчунин дар ин рӯз 20 нафар омӯзгорони пешсафи ҳаракати олимпӣ аз ҷониби мақомоти иҷроияи ҳокимияти давлатии шаҳри Бохтар бо сипосномаву туҳфаҳои арзишманд қадршиносӣ гардиданд.

Тавре зимни суҳбат мудири шуъбаи маорифи шаҳри Бохтар Шоиста Абдуназарзода иброз кард, рушду такомули соҳаи маориф ҳамеша дар меҳвари таваҷҷуҳи роҳбарияти мақомоти иҷроияи маҳаллии ҳокимияти давлатии шаҳри Бохтар қарор дошта, хонандагону омӯзгорон пайваста аз ҷониби роҳбарияти шаҳр қадршиносӣ мегарданд.

-Натиҷаи ҳамин дастгириҳост, ки соли равон хонандагони муассисаҳои таълимии шаҳр аз олимпиадаҳои байналмилаливу ҷумҳуриявӣ беш аз 150 медал ба даст оварданд, ки аз ин шумора 14 адади он медали тилло мебошад. Махсусан сазовори 14 медали тилло гардидан, ин нишондоди таърихист. Мо дар оянда тамоми донишу малакаи хешро баҳри он равона менамоем, ки дастоварди омӯзгорону хонандагони муассисаҳои таълимию томактабии шаҳри Бохтарро аз ин ҳам зиёд намоем, - гуфт Ш. Абдуназарзода.

Чорабинӣ дар як фазои идона бо суруду таронаҳои саршор аз меҳру муҳаббати Ватан ва рақсҳои ҷаззоби хонандагони муассисаҳои таълимии шаҳр хотима ёфт.

С. СУЛТОНОВ

Похожие новости:

Добавить комментарий

Ахбор

ЁВОН. ЯК КИЛОМЕТР РОҲИ МАҲАЛЛӢ МУМФАРШ ГАРДИД 14:25 ОМӮЗИШИ РОБОТОТЕХНИКА БА РОҲ МОНДА ШУД 14:22 БЕМОРИҲОИ СИРОЯТӢ. АЗ ЧӢ БОЯД ЭҲТИЁТ КАРД? 14:00 ҶАЙҲУН. ОЗМУНИ “КИТОБХОНИ БЕҲТАРИН” БАРГУЗОР ГАРДИД 15:51 БО ЗАМИН ҲАМНАФАС, БО ЗАҲМАТ САРБАЛАНД 14:07 МОДАР 15:16 Оё мо воқеан хубем? 15:13 ХАТЛОН. ИСТИҚБОЛИ САРБОЗИ ШУҶОИ ВАТАН 15:08

Маҷаллаи №6-2019

Серхонандаҳо

ХАТЛОН: НАҚШАИ ДАЪВАТИ БАҲОРӢ ДАР РӮЗИ АВВАЛ 100% ИҶРО ГАРДИД БЕМОРИҲОИ СИРОЯТӢ. АЗ ЧӢ БОЯД ЭҲТИЁТ КАРД? ҶАЙҲУН. ОЗМУНИ “КИТОБХОНИ БЕҲТАРИН” БАРГУЗОР ГАРДИД КӮШОНИЁН. 369 НАФАР БО ҶОЙИ КОР ТАЪМИН ГАШТАНД ЁВОН. ЯК КИЛОМЕТР РОҲИ МАҲАЛЛӢ МУМФАРШ ГАРДИД ЁВОН. МАЪРАКАИ КИШТИ ПУНБАДОНА ОҒОЗ ГАРДИД ҶАЙҲУН. ЧАРОҒАКҲОИ РАҚАМИИ МУОСИР НАСБ КАРДА ШУД МОДАР ХАТЛОН. ИСТИҚБОЛИ САРБОЗИ ШУҶОИ ВАТАН Оё мо воқеан хубем?