Маҷаллаи Сафо
Маслиҳати муфид
Номаҳо
Дулона
Дулона буттамеваи хушмазза буда, хосияти фоидабахширо низ доро мебошад. Аз ҷумла, фишорабландиро муътадил гардонида шамолхурдагиро фоидаи хуб аст. Барг, гул ва буттавемаро бештар дар гиёҳдармонӣ васеъ истифода мебаранд. Ин буттамева дар таркибаш фланоид дошта, хусусияти паст кардани холестеринро дар хун дорад. Инчунин, давои хубест барои фишорбаландӣ.
Истеъмоли дулона ба системаи дилу рагҳо таъсири хуб расонида, ба кори гурда низ фоидабахш аст. Бештари вақт шамолхӯрии сахт ё асабоният одамиятро ба дигар бемориҳо оварда мерасонад. Дулона маҳз буттамеваест, ки дар пешгирии бемориҳои асаб, фишорбаландӣ, шамолхурӣ, системаи дилу рагҳо, ҳатто ба диабети қанд мусоидаткунанда мебошад. Барои нафароне, ки хасташавӣ, бехобӣ ва стресс доранд, таъсири мусбат мерасонад. Набояд фаромӯш сохт, ки меъёри якрӯзаи истеъмоли дулона 150 грамм мебошад.
Дулонаро барои рафъи қабзияти шикам, умуман ба меъёр даровардани фаъолияти медаву рӯда низ васеъ истифода мебаранд. Аз ҷумла, баҳри мубориза бар вирусҳо ва мустаҳкамии масунияти одам бештар истеъмол мекунанд.
Барги дулона хусусияти фоидабахшӣ дошта чой аз барги ин буттамева давои диққи нафас буда, ҳангоми фишорбаландӣ ва диқи нафас кумак хоҳад расонд. Инчунин, барг ва гули дулона ба бемориҳои пӯст низ тавсия дода мешавад. Чой аз решаи ниҳоли дулона барои дарунравӣ давои хуб буда, ҳамчун пешоброн истифода мебаранд.
Барои он нафароне, ки фишори паст доранд, ҳомиладорон ва модароне, ки ба атфол шир медиҳанд, аз истеъмоли ин буттамева бояд худдорӣ намоянд. Зеро ҳомиладоронро эҳтимоли хунравӣ ва бачапартоӣ таҳдид мекунад. Истеъмоли аз ҳад зиёди дулона ба бемадорӣ, дарди сар, фишори паст оварда мерасонад.
Ҳоло мавсими ҷамъоварии дулона буда, аз он мураббо ва шарбат омода мекунанд. Инчунин, дулонаро хушк карда, аз он чой дам мекунанд.
МУРАББО АЗ ДУЛОНА
Дулона - 1 кг
Шакар – 1 кг
Об - 300 миллилитр
Кислотаи лимў – ¼ қошуқча
Дулонаро аз баргу шохчаҳо ҷудо карда, мешӯем. Аз об ва шакар қиём омода мекунем ба он дулонаҳоро меандозем. Дар аввал каме ҷўшонида кофта меистем, то тагаш ба зарф начаспад. Пас аз болои оташ гирифтан дигар намекобем ва муддати 10-12 соат нигоҳ медорем. Баъд аз муддати муайяншуда мурабборо боз рўи оташ мегузорем ва 20-25 дақиқа меҷўшонем. Наздик ба омода шудани мураббо кислотаи лимўро илова мекунем. Агар хоҳед мураббо ғафстар шавад, метавонед боз муддати 20-25 дақиқаи дигар ҷўшонед, дар зарфҳои тамйизкардашуда андохта маҳкам мекунем.
Шарбати дулона
Дулона – 600 гр
Шакар – 200 гр
Кислотаи лимў – 0,5 қошуқча
Дулонаро тоза шуста ба зарф меандозем ва аз болояш оби ҷӯшомадаро рехта сарпӯшашро пӯшонида муддати 20 дақиқа нигоҳ медорем. Пас аз 20 дақиқа обро бо бутамеваҳояш ба зарфи сирдор рехта, ба он шакар меандозем ва меҷӯшонем дар охир кислотаи лимӯро андохта, каме ҷӯшонида ба зарфҳои тамйизкардашуда андохта махкам мекунем.
НӮШИН
Добавить комментарий
Ахбор
БОНУИ МАТИНИРОДА 13:39НАФАҚА – КАФОЛАТИ ИҶТИМОИИ ДАВЛАТ БА ШАҲРВАНДОН 13:32БОХТАР. БОЗСОЗИИ МАҶМААИ “ВАҲДАТ” ОҒОЗ ШУД 14:02АЗ ҚАЪРИ ГИЛИ СИЯҲ ТО АВҶИ ЗУҲАЛ 13:58РАИСИ ВИЛОЯТИ ХАТЛОН БО РАИСИ ШӮРОИ ДИРЕКТОРОНИ ШИРКАТИ SHAANXI APPLE GROUP CO., LTD. МАСЪАЛАҲОИ РУШДИ ҲАМКОРИҲОИ САРМОЯГУЗОРӢ ВА БОҒДОРИРО БАРРАСӢ КАРДАНД 16:52ЭҲЁИ АДОЛАТИ ТАЪРИХӢ 12:56ДАР ВИЛОЯТИ ХАТЛОН НАТИҶАҲОИ РУШДИ ИҶТИМОИЮ ИҚТИСОДИИ НИМСОЛАИ АВВАЛИ СОЛИ 2026 ҶАМЪБАСТ ГАРДИДАНД 15:47Ҳамоиш таҳти унвони "Ин ҷаҳонро нигар бо чашми хирад" 12:36
Маҷаллаи №6-2019
Серхонандаҳо
Паёми шодбошии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба муносибати қабули қатъномаи Созмони Милали Муттаҳид таҳти унвони «Даҳсолаи байналмилалӣ оид ба таҳкими сулҳ барои наслҳои оянда, солҳои 2027 – 2036»
ЁВОН. МАРКАЗИ САЛОМАТИИ НАВУ ЗАМОНАВӢ БУНЁД МЕШАВАД
НОРАК. 194 ИНШООТИ ТАЪИНОТИ ГУНОГУН БУНЁД ШУД
БОХТАР. ТАРАБХОНАИ “KFC” БА ФАЪОЛИЯТ ОҒОЗ НАМУД
БОХТАР. ФУТБОЛИ ЗАНОНА ДАР МЕҲВАРИ ТАВАҶҶУҲ
РОҲИ АВТОМОБИЛГАРДИ ЁВОН-ВАҲДАТ-НОРАК БОЗСОЗӢ КАРДА МЕШАВАД
БОХТАР. БОЗСОЗИИ МАҶМААИ “ВАҲДАТ” ОҒОЗ ШУД
ЯК СИМОЮ ЯК САДО, АММО ДУ САРНАВИШТ
ДАҲСОЛАИ СУЛҲ: ЭЪТИРОФИ ҶАҲОНИИ ТАШАББУСИ ТОҶИКИСТОН
АЗ УМЕД ТО ХАТАР
