08 май 18:24АСОСӢ / Ахбор / Ҷамъият / Фарҳанг / Иҷтимоъ / Шеъру адаб

ШАШМАҚОМ ШИНОСНОМАИ МИЛЛАТ

Таҳти ин унвон имрӯз, 8 май бо иштироки муовини раиси вилояти Хатлон Анзурат Абдусаломзода дар театри мусиқӣ – мазҳакавии ба номи Ато Муҳаммадҷонови шаҳри Бохтар бахшида ба Рӯзи шашмақом чорабинии бошукуҳе баргузор гардид.

Муовини раиси вилоят сараввал ҳамаи ҳунармандони ин риштаи мусиқии асили тоҷикиро бо ин рӯзи фараҳбахш аз номи Мақомоти иҷроияи ҳокимияти давлатии вилояти Хатлон, шахсан аз номи раиси вилояти Хатлон муҳтарам Давлаталӣ Саид табрик ва муборакбод намуд.

Ӯ қайд кард, ки шашмақом сирф мусиқии классикии тоҷикон буда, таҷассумгари тафаккури мусиқии миллии мардуми мо ба шумор меравад. Эълон гардидани 12-уми май, ҳамчун Рӯзи шашмақом дар кишвар далели равшани таваҷҷуҳи Роҳбарияти Олии сиёсии кишвар нисбат ба ин жанри миллии мусиқӣ буда, дар партави ғамхориҳои Давлату Ҳукумати мамлакат кулли мардуми Тоҷикистон ба ин ҳунари мардумӣ ҳамчун мусиқии классикии миллӣ рағбат ва арҷгузорӣ менамоянд.

Анзурат Абдусаломзода афзуд, ки шашмақом маҳсули дастранҷи садҳо устодони забардасту хушилҳоми тоҷик мебошад, ки тайи қарнҳову замонҳои мухталиф дар ҳамбастагӣ бо дигар ҳунарҳои зебо, кабл аз ҳама бо нозуктарин падидаҳои назми классикии тоҷикӣ тавъам аст.

Баҳои арзишманди Пешвои муаззами миллат, ки фарҳангу ҷавҳари ҳастии миллат азрёбӣ кардаанд, ҳақиқати воқеии таърихӣ, асолати фарҳанг ва нақши бузурги онро дар рушди маънавиёти ҷомеа, таҳкими худшиносии миллӣ, баланд бардоштани ҳуввият ва арҷгузорӣ ва арзишҳои фарҳангиро ифода мекунад.

-Мақоми ҷаҳонӣ касб кардан ва ба феҳристи мероси фарҳангии ғайримоддии “Юнеско” шомил намудани санъати суннатии шашмақом, фалак, номинаи чакан ва ёдгориҳои бостонӣ бори дигар аз таъриху тамаддуни пурифтихори тоҷикон гувоҳӣ медиҳад. Мазҳ сиёсати фарҳангпарваронаи Пешвои муаззами миллат имкон дод, ки мардуми мо дубора мусиқии классикии тоҷик, шашмақомро ба пуррагӣ омӯзанд ва боиси ифтихор аст, ки ин санъати мусиқии миллии моро ҷаҳониён ҳамчун мероси гаронбаҳои фарҳанги миллати тоҷик эътироф менамоянд, - гуфт ӯ.

Дар идомаи ин чорабанӣ аҳли фарҳанги вилоят барномаи рангинеро саршор аз суруди таронаҳои пурмазмун пешкаши иштирокчиён карда, аз ҷониби аҳли нишаст хӯш пазируфта шуд.

Сулаймон СУЛТОНОВ

Похожие новости:

Добавить комментарий