ПАЁМ - РАҲНАМОИ ҲАЁТИ АРЗАНДА

Паёми Президенти Ҷумҳурии Тоҷикистон, муҳтарам Эмомалӣ Раҳмон "Дар бораи самтҳои асосии сиёсати дохилӣ ва хориҷии ҷумҳурӣ", ки рӯзи 28- уми декабри соли равон ироа гашт, барҳақ арзёбӣ ва ҷамъбасти фаъолияти мардуми кишвар дар тамоми соҳаҳо буда, раҳнамои беҳтарин ба сӯйи ҳаёти арзандаи ҳар яки мост.

Зимни ироаи Паём, Сарвари кишвар аз мураккабшавии бесобиқаи вазъи ҷаҳон, тағйирёбии иқлим, маҷмуи маҳсулоти дохилӣ, саноатикунонии кишвар, таъсиси ҷойҳои корӣ, инкишофи неруи инсонӣ, даромади молию пулии аҳолӣ, паст кардани сатҳи камбизоатӣ, иқтидори энергетикии Тоҷикистон, рушди соҳаи сайёҳӣ, ҳифзи иҷтимоӣ, тандурустӣ, фарҳанг, маориф ва илм баҳогузорӣ намуда, баҳри пешравӣ дар тамоми самтҳои зикршуда дастурҳои судманду мушаххас доданд.

Мардуми заҳматқарини тоҷик, ки Ҳукумати кишвар ба иродаи шикастнопазири он эътимоди қавӣ дорад, Паёмҳои ҳамасолаи Сарвари хешро бо умедвориву хушнудӣ мепазиранд ва қутбнамое барои фаъолияти минбаъдаи худ мешуморанд.

Паёми ироагаштаи навбатӣ собитгари он гашт, ки имрӯз Ҳукумати кишвар зери сиёсати созандаи Пешвои миллат новобаста аз вазъи кунунии муносибатҳои геополитикӣ, буҳронҳои шадиди иқтисоди ҷаҳонӣ, болоравии нарх ва амсоли ин аз тамоми имконоти мавҷуда истифода менамоянд, то мо- инсонҳо ба зиндагии арзанда дастрасӣ дошта бошем.

Муҷиби дарозумрӣ, ҳифзи саломатии аҳолӣ, истифодаи ғизои солим, таъмини таҳсилоти муосир ва босифат аз нуктаҳои муҳими дар Паём зикршуда мебошанд. Алалхусус, оид ба омода кардани кадрҳои баландихтисоси омӯзгорӣ, баланд бардоштани сифати таълим, омӯзиши забонҳои хориҷӣ, фанҳои табиӣ, дақиқ ва риёзӣ дастурҳои мушаххас дода шуд.

Баланд бардоштани музди нафақа, маоши вазифавии кормандони мақомоти ҳокимият, муассисаҳои маориф ва илм, фарҳанг, варзиш, тандурустӣ, мақомотҳои ҳифзи ҳуқуқ ва ҳадди ақалли музди меҳнат бозгӯ аз он аст, ки дар сатҳи некуаҳволии мардум ин амал ғамхории беназирест.

Пешвои муаззами миллат чун ҳарвақта дар анҷоми ироаи Паём қайд доштанд, ки ба ҳисси баланди миллӣ ва саъю талоши созандаи мардум боварӣ доранд.

Аз ин рӯ, моро мебояд, ки шукрона аз фазои оромии кишвар намуда, даст болои қалб ниҳода сидқан адои вазифаву уҳдадориҳои худро намоем, содиқ бошем, созандагиву ободкориро пешаи худ намуда, ба боварию эътимоди Пешвои муаззамамон арзандаву сазовор бошем!

Абдуназарзода Шоиста, мудири шуъбаи маорифи шаҳри Бохтар

Похожие новости:

Добавить комментарий

Ахбор

ПАЁМИ ПРЕЗИДЕНТ – РОҲНАМОИ РУШДИ БОСУБОТИ КИШВАР 11:06 МАҲБУБИ КӮДАКОН 10:48 2025 – СОЛИ ФАТҲИ ҲАДАФҲОИ БУЗУРГ ДАР ХАТЛОН 10:39 ПАЁМИ ТАБРИКИИ РАИСИ ВИЛОЯТИ ХАТЛОН ДАВЛАТАЛӢ САИД БА МУНОСИБАТИ ФАРОРАСИИ СОЛИ НАВИ МЕЛОДИИ 2026 10:29 ЭЪЛОМИЯИ КУРУШИ КАБИР – БОЗГӮИ АДОЛАТИ ТАЪРИХӢ 10:34 Дар Хатлон 600 ҳазор дарахт шинонида мешавад 14:36 ХАТЛОН. 60 ФОИЗИ НАФАҚАГИРОН АЗ ҚАЙД ГУЗАШТАНД 14:11 Бохтар. 1,5 километр роҳ мумфарш карда шуд 15:13

Маҷаллаи №6-2019

Серхонандаҳо

ПАЁМИ ТАБРИКИИ РАИСИ ВИЛОЯТИ ХАТЛОН ДАВЛАТАЛӢ САИД БА МУНОСИБАТИ ФАРОРАСИИ СОЛИ НАВИ МЕЛОДИИ 2026 БОХТАР. НАСБИ АРЧАИ СОЛИНАВӢ БО БАЛАНДИИ 24 МЕТР «ПАЁМИ ПРЕЗИДЕНТИ ҶУМҲУРИИ ТОҶИКИСТОН - ПАЁМИ СОЗАНДА ВА КАФИЛИ ТАЪМИНИ РУШДИ БОСУБОТИ КИШВАР» Бохтар. 1,5 километр роҳ мумфарш карда шуд Ҷ. БАЛХӢ. 8 КИЛОМЕТР РОҲ МУМФАРШ КАРДА ШУД ХАТЛОН. 60 ФОИЗИ НАФАҚАГИРОН АЗ ҚАЙД ГУЗАШТАНД Дар Хатлон 600 ҳазор дарахт шинонида мешавад ПАЁМИ ПРЕЗИДЕНТ – РОҲНАМОИ РУШДИ БОСУБОТИ КИШВАР МАҲБУБИ КӮДАКОН ЭЪЛОМИЯИ КУРУШИ КАБИР – БОЗГӮИ АДОЛАТИ ТАЪРИХӢ