САЙРИ ОСОРХОНАИ ЛОНДОН

Ҷавони фарҳангдӯсти тоҷик Муъмин Ғоибназаров, ки ҳоло дар Британияи Кабир қарор дорад, бо дархости маҷаллаи “Сафо” ба Осорхонаи ҷаҳонии Лондон рафта, ганҷинаи бебаҳои “Хазинаи Амрударё”-ро, ки дар гузашта аз сарзамини тоҷикон ба ин кишвар бурда шудааст, бо чашми худ дид ва аз онҷо ба мо дар баробари маълумот ҳамчунин аксҳои ҷолиб ирсол намуд.

Аз азал яке аз сабабҳои таваҷҷуҳи бостоншиносон ба ёдгории таърихии Тахти Сангин аз ин ҷо дарёфт гардидани Хазинаи Амударё буд. Дар нимаи дуюми асри XIX бозаргонони бухороӣ маснуоти фаровон - маҳсули дасти ҳунармандони Қубодиёниро ба бозорҳои Ҳиндустон барои фурӯш бароварданд, ки баъдан ба осорхонаи Британияи Кабир туҳфа шуд. Ба андешаи олимон дафинаи бебаҳое, ки бо номи Хазинаи Амударё машҳур ва дар осорхонаи марказии Лондон маҳфуз аст, маҳз аз ҳамин мавзеъ ёфт шудаанд.

Ин ҷавони донишманди тоҷик, ки ба омӯзиши фарҳангу тамаддуни халқҳои ҷаҳон рағбати зиёд дорад, аз китобу ёддоштҳои мутолианамудааш доир ба шаҳраки қадимаи Тахти Сангин нақл кард:

-Ин осори таърихиро соли 1897 ба осорхонаҳои Британияи Кабир Алверт ва Виктория месупоранд, ки аксарияти онҳо маснуоти заргарӣ буда, аз ҳайкалчаҳо, сиккаҳо, ороишоти тиллоию нуқрагӣ ва ашёи аз устухони фил сохташударо ташкил медиҳад. Вақте дар бахши “Осиёи Миёна”-и Осорхонаи марказии Лондон сайр кардам, онҷо даҳҳо нигораҳои таърихии мутаалиқ ба сарзаминамонро дидам, ки ба намоиш гузошта шудааст. Аз он ман ҳамчун тоҷик ифтихор намудам, ки миллати мо чунин таъриху тамаддуни бою ғанӣ дорад, - мегўяд Муъмин Ғоибназаров.

Тибқи иттилоъ бо мақсади муаррифӣ намудани таъриху тамаддуни мардуми тоҷик ба ҷаҳониён соли 2013 бо ташаббуси Пешвои миллат, муҳтарам Эмомалӣ Раҳмон як ҷузъи ин осори гаронарзиши ниёгонамон аз осорхонаҳои Англия нусхабардорӣ гардида, ба Осорхонаи миллии Тоҷикистон ворид карда шудааст.

Похожие новости:

Добавить комментарий

Ахбор

ЁВОН. МУМФАРШКУНИИ 3 КИЛОМЕТР РОҲИ МАҲАЛЛӢ ОҒОЗ ГАРДИД 15:48 АҲЛИДДИН ШАРИФЗОДА: ХИЗМАТ БА МАРДУМ — РИСОЛАТИ МУҚАДДАС 15:20 ДАР ХАТЛОН ИҶРОИ НАҚШАИ ДАЪВАТИ ТИРАМОҲӢ, ДУРНАМОИ ПАХТА ВА ОМОДАГӢ БА ЗИМИСТОН БАРРАСӢ ГАРДИД 15:16 ЗАБОН- НЕЪМАТИ БЕБАҲОИ МИЛЛАТ 13:19 Тоҷикистон аз нигоҳи 35 шаҳрванди хориҷӣ 13:14 Тоҷикистон аз нигоҳи 35 шаҳрванди хориҷӣ 13:11 ВАТАН ДАР ҶОН 13:07 РӮЗИ ЗАБОН МУБОРАК БОД! 13:03

Маҷаллаи №6-2019

Серхонандаҳо

ДАЪВАТИ ТИРАМОҲӢ БА САФҲОИ ҚУВВАҲОИ МУСАЛЛАҲ ДАР ВИЛОЯТИ ХАТЛОН ДАР РӮЗИ АВВАЛ 76 ФОИЗ ИҶРО ШУД ОЗМУНИ “РӮДАКИХОНӢ” БАРГУЗОР ГАРДИД Қасри фарҳанги ноҳияи Ҷайҳун пурра таъмиру навсозӣ гардид Хатлон. Дастоварди варзишгарон шоёни таҳсин аст Дар Бохтар нақшаи ҷамъоварии ҳосили пахта иҷро шуд “Хушдомани беҳтарин” муайян гардид Дилрабои Ҳотамшо мураббии соли Тоҷикистон шуд ТАҚДИМИ ТАҶҲИЗОТИ НАВ БАРОИ САНҶИШИ СИФАТИ ОБИ НӮШОКӢ ХАТЛОН. 271 ИНШООТИ СОҲАИ МАОРИФ СОХТА МЕШАВАД СУРУДИ МИЛЛӢ КАЙ САДО ДОД?