Маҷаллаи Сафо
Шеъру адаб
Чеҳра
Маслиҳати муфид
Номаҳо
ВАТАНДОРӢ
Баҳри мо-ин навҷавонони Ватан,
Ворисони тоҷу ҳам тахти Ватан,
Саъй бояд дар амал, ҳам дар сухан
То шавад хоки Ватан мисли чаман.
Ифтихори мо ватандорӣ бувад,
Боғсабзониву гулкорӣ бувад.
Гаштаем андар канораш комрон
Дода меҳри ӯ ба мо ному нишон.
Ҷони худро мо фидояш мекунем
То ки бошад марзи меҳан дар амон
Ифтихори мо ватандорӣ бувад,
Марзи меҳанро нигаҳдорӣ бувад.
Чист мазмуни каломи мо?- Ватан!
Муҳтавои ҳар саломи мо- Ватан!
Атри рангини паёми мо- Ватан!
Эътибору нангу номи мо- Ватан!
Мисраам ҳарчанд такорӣ бувад,
Ифтихори мо ватандорӣ бувад!
Сухан
Сухан аз ишқ бояд гуфт,
Ки ёрон ташнаи ишқанд.
Шуморо, эй ҷавонони накуиқбол,
Муборак бод, истиқлол.
Хабар аз ишқу умеду муҳаббат дам ба дам оред
Ба мисли кафтарони хушпару хушбол,
Тамоми сол.
Шикоят чист?
Зи навмедӣ ҳикоят чист?
Шумо дар сарзамини ишқу армон зиндагӣ доред,
Ба сар бинҳед тоҷе аз зафармандӣ,
Ки андар Тоҷикистон зиндагӣ доред!
Ватан
Аё, эй кишвар, эй модар,
Надидам аз ту зеботар,
Чу халқат халқи эҳёгар.
Чу кӯҳат махзани пурзар,
Чу хокат хоки гулпарвар
Шукӯҳат фатҳи гардун кард,
Макони нур Роғун кард,
Аҷаб файзи ту афзун кард,
Ҷигарро баҳри ту хун кард,
Сано бодо ба ин Сарвар!
ТАРКИББАНД
Шаҳди Истиқлол ҳар дам мерасад дар коми мо,
Мечакад борони файзаш ҳар замон бар боми мо.
Гўйё рангинкамони ваҳдаташ бо килки худ,
Менависад дар суҳуфи осмонҳо номи мо.
Ҷовидон аз кишвари мо рахт зулмат бастааст,
Равшан аст аз нури Роғун бемуҳобо шоми мо.
Офтоби бахти мо бо нури пур аз меҳри худ
Пухта гардонад тамоми байтҳои хоми мо.
Дам ба дам созандагӣ аз баҳри фардои Ватан,
Эй бародар, ҳамватан, эй дӯст бошад воми мо.
Эй Ватан дар риштаи армони ман чун гавҳарӣ,
Мурғи илҳоми маро, эй ҷону тан, болу парӣ.
Ваҳдатат поянда, номат ҷовидон монад, Ватан,
Ҳар кафи хокат, илоҳо дар амон монад, Ватан.
Душмани бадбину бадгуфтори ту дар зери чоҳ,
Дӯсти ту ханда дар лаб, комрон монад, Ватан.
Ҳамчу он исме, ки аз ӯ шод гардад хотират
Номи некат дар замину дар замон монад, Ватан.
Дил надорад тоқати як лаҳза дурии туро,
Меҳри ту дар қалби мо гар ошён монад, Ватан.
Аз баҳори ваҳдатат, аз накҳати гулҳои ту
Лолаҳои дафтари шеърам ҷавон монад, Ватан.
Мо, ҷавонон дар вафо ҳастем умре устувор,
Тинҷиву ободиву созандагӣ моро шиор.
Фақиров Хурсандмурод,
омӯзгори Донишгоҳи
давлатии Бохтар ба номи Носири Хусрав.
Добавить комментарий
Ахбор
ПАЁМИ ПРЕЗИДЕНТ – РОҲНАМОИ РУШДИ БОСУБОТИ КИШВАР 11:06МАҲБУБИ КӮДАКОН 10:482025 – СОЛИ ФАТҲИ ҲАДАФҲОИ БУЗУРГ ДАР ХАТЛОН 10:39ПАЁМИ ТАБРИКИИ РАИСИ ВИЛОЯТИ ХАТЛОН ДАВЛАТАЛӢ САИД БА МУНОСИБАТИ ФАРОРАСИИ СОЛИ НАВИ МЕЛОДИИ 2026 10:29ЭЪЛОМИЯИ КУРУШИ КАБИР – БОЗГӮИ АДОЛАТИ ТАЪРИХӢ 10:34Дар Хатлон 600 ҳазор дарахт шинонида мешавад 14:36ХАТЛОН. 60 ФОИЗИ НАФАҚАГИРОН АЗ ҚАЙД ГУЗАШТАНД 14:11Бохтар. 1,5 километр роҳ мумфарш карда шуд 15:13
Маҷаллаи №6-2019
Серхонандаҳо
БОХТАР. НАСБИ АРЧАИ СОЛИНАВӢ БО БАЛАНДИИ 24 МЕТР
«ПАЁМИ ПРЕЗИДЕНТИ ҶУМҲУРИИ ТОҶИКИСТОН - ПАЁМИ СОЗАНДА ВА КАФИЛИ ТАЪМИНИ РУШДИ БОСУБОТИ КИШВАР»
Кӯлоб. Ба дӯконҳои нонпазии шаҳр ангишти ройгон тақдим карда шуд
Бохтар. 1,5 километр роҳ мумфарш карда шуд
Ҷ. БАЛХӢ. 8 КИЛОМЕТР РОҲ МУМФАРШ КАРДА ШУД
ПАЁМИ ТАБРИКИИ РАИСИ ВИЛОЯТИ ХАТЛОН ДАВЛАТАЛӢ САИД БА МУНОСИБАТИ ФАРОРАСИИ СОЛИ НАВИ МЕЛОДИИ 2026
ЁВОН. НАСБИ ГУЗАРГОҲИ ЭЛЕКТРОНӢ ДАР КӮДАКИСТОН
ХАТЛОН. 60 ФОИЗИ НАФАҚАГИРОН АЗ ҚАЙД ГУЗАШТАНД
Дар Хатлон 600 ҳазор дарахт шинонида мешавад
МАҲБУБИ КӮДАКОН
