РАҚОБАТИ ДОВТАЛАБОН ДАР ОЗМУН

Тавре сардори Раёсати Фарҳанги вилояти Хатлон Рамазон Насриддинзода ба “Сафо” иттилоъ дод, ин давр то 8 июни соли ҷорӣ идома ёфта, ғолибон ба даври вилоятӣ роҳхат мегиранд. 

Гуфта шуд, ки довталабон аз рӯи номинатсияҳои навозандагӣ, сарояндагӣ, композиторӣ, дизайнерӣ ва рассомӣ ҳунари хешро пешкаши ҳакамони озмун хоҳанд кард. 

Нафароне, ки дар даври вилоятии озмун ғолиб мешаванду ба даври ҷумҳуриявӣ роҳхат мегиранд, бо мукофотпулиҳои таъсиснамудаи мақомоти иҷроияи ҳокимияти давлатии вилояти Хатлон қадрдонӣ хоҳанд шуд. Бо ин мақсад бо Қарори раиси вилояти Хатлон наздик ба 350 ҳазор сомонӣ ҷудо гардидааст.  

Бояд гуфт, ки озмуни “Тоҷикистон – Ватани азизи ман” бо Амри Президенти Ҷумҳурии Тоҷикистон муҳтарам Эмомалӣ Раҳмон ҳамасола доир гардида, мақсади он дарёфти истеъдодҳои нав дар соҳаи санъати мусиқӣ ва сарояндагӣ, тасвирӣ ва дизайн, баланд бардоштани маҳорати касбӣ ва зебоишиносӣ, тақвият бахшидан ба ҳунари баланди иҷрокунандагӣ, таблиғ ва эҳёи ҳунарҳои мардумӣ, муаррифии фарҳанги волои миллати тоҷик, эҳтиром ва арҷгузорӣ ба суннатҳои неки аҷдодӣ, интихоби намунаҳои беҳтарини оҳангу суруд ва инъикоскунандаи фарҳанги гузашта ва имрӯзаи миллати тоҷик мебошад.