Дар Кӯлоб 45 иншооти нав бунёд шуд

Дар шаҳри бостонии Кӯлоб, то ҷашни 35 – солагии Истиқлолияти давлатии Ҷумҳурии Тоҷикистон бунёду барқарор ва азнавсозии 462 иншооти таъиноти гуногун ба нақша гирифта шудааст, ки эҳтимол аст ин шумора боз афзоиш ёбад.

Тавре зимни суҳбат раиси шаҳри Кӯлоб Бахтиёр Назарзода иброз кард, аллакай дар давоми моҳҳои сипаригаштаи соли ҷорӣ аз ҷамъи умумии иншооти бунёдшаванда 45 адади он мавриди баҳрабардорӣ қарор дода шуд, ки дар онҳо зиёда аз 100 нафар сокинони маҳаллӣ бо ҷойи кори доимию мавсимӣ ва маоши хуб таъмин шуданд.

-Боз дар рӯзҳои таҷлил аз ҷашни 31 – солагии Истиқсолияти давлатии мамлакат ва ташрифи меҳмонони олиқадр 22 иншооти дигар, аз қабили ду корхонаи паррандапарварӣ, як муассисаи таълимӣ, бинои маъмурии Кумитаи Идораи замини шаҳр ва минтақаи Кӯлоб, бинои маъмурии Агентии Тоҷикстандарт дар минтақа ва Коллеҷи электоронии шаҳри Кӯлоб ба истифода дода мешавад, - гуфт Б. Назарзода.

Ба иттилои мудири шуъбаи меъморӣ ва шаҳрсозии мақомоти иҷроияи ҳокимияти давлатии шаҳри Кӯлоб Аҳмадзода Қурбон айни замон дар 150 иншооти дигар корҳои сохтмонӣ бо маром идома доранд, ки дар онҳо мутахассисони зиёди маҳаллӣ ба кор ҷалб шудаанд ва марҳила ба марҳила онҳо мавриди баҳрабардорӣ қарор дода мешаванд.

Гуфта шуд, ки чун дар мамлакат аз ҷониби Пешвои муаззами миллат солҳои 2022 – 2026 ҳамчун “Солҳои рушди саноат” эълон шудааст, давоми панҷ соли оянда дар шаҳри Кӯлоб 40 коргоҳу корхонаҳои истеҳсолӣ бунёд хоҳанд шуд.

Қурбон Аҳмадзода ҳамчунин иттилоъ дод, ки аз 462 иншооте, ки ба нақша гирифта шудааст, 86 адади он ба соҳаи маориф, 48 адад ба соҳаи тандурустӣ, 40 адад ба соҳаи саноат, 16 адад дар самти варзиш, 44 адад дар соҳаи хизматрасонӣ, 40 адад дар соҳаи савдо, 33 бинои баландошёнаю маъмурӣ, 106 адад дар самти нақлиёт ва коммуникатсия, 9 адад дар самти соҳилмустаҳкамкунӣ, як ададӣ дар самти энергетика ва ҳунармандӣ, 13 адад дар соҳаи кишоварзӣ, 4 адад дар соҳаи фарҳанг ва 21 адад дар дигар самтҳо рост меояд, ки баъди бунёд шуданашон садҳо нафар сокинони маҳаллӣ соҳиби ҷойи кори доимӣ ва маоши хуб хоҳанд шуд.

Сулаймон СУЛТОНОВ

Похожие новости:

Добавить комментарий

Ахбор

Наздики 20 километр заҳбуру заҳкашҳо тоза карда шуд 14:48 БОХТАР. АРЧАИ СОЛИНАВӢ ҚОМАТ АФРОХТ 14:10 ТАДБИРҲОИ ОБОДОНӢ ДАР ШАҲРИ БОХТАР 15:25 ДАР НОҲИЯИ ПАНҶ ҲАМА СОҲАҲО БА ЗИМИСТОН ОМОДААНД 13:51 Ҷ. БАЛХӢ. ҶУДОШАВИИ ОИЛАҲО КОҲИШ ЁФТААСТ 12:11 Тақдими 30 ҳазор сомонӣ ба дастаи“Бохтар – ситӣ” 14:31 Кӯшониён. Аёдати оилаҳои сарбозони шаҳидшуда 13:54 Дар ноҳияи Вахш панҷ бинои баландошёна бунёд мешавад 14:12

Маҷаллаи №6-2019

Серхонандаҳо

БЕШ АЗ 2940 КОМПЮТЕР ТАЪМИР КАРДА ШУД ИМЗОИ СОЗИШНОМАҲО БА МАБЛАҒИ 8 МИЛЛИОН ЕВРО Кӯшониён. Тақдими сару лисоби зимистона ба ятимони кул “ХАТЛОН – 1” МАҚОМИ АВВАЛРО ИШҒОЛ НАМУД БЕШ АЗ 3 ТОННА МАҲСУЛОТИ ПАСТСИФАТ НОБУД КАРДА ШУД Ҷ. БАЛХӢ. ҶУДОШАВИИ ОИЛАҲО КОҲИШ ЁФТААСТ ВАХШ. 23 СИНФХОНАИ ИЛОВАГӢ БА ИСТИФОДА ДОДА ШУД САОДАТИ БУЗУРГ - РӮЗИ ЭҲЁИ ВАТАН ТАДБИРҲОИ ОБОДОНӢ ДАР ШАҲРИ БОХТАР ДАР НОҲИЯИ ПАНҶ ҲАМА СОҲАҲО БА ЗИМИСТОН ОМОДААНД