ДАР БОХТАР ГУЛГАШТИ «ДУОИ МОДАР» БУНЁД ХОҲАД ШУД

  Дар маркази маъмурии вилояти Хатлон- шаҳри Бохтар корҳои сохтмонӣ дар толори тобистона, гулгашти “Дуои модар” ва “Оташи абадӣ” бомаром идома доранд. 
   Тавре шуъбаи иттилоотию таҳлилии дастгоҳи раиси вилояти Хатлон иттилоъ додааст, иншооти мазкур дар масоҳати 0.60 гектар бунёд шуда, он аз ҷониби Мақомоти иҷроияи ҳокимияти давлатии шаҳри Бохтар маблағгузорӣ мегардад. 
   Иншооти мазкур дар доираи тадбирҳои созандагию бунёдкорӣ ҷиҳати ободу зебо гардонидани ҳар гӯшаи диёр сохта шуда, дар оянда макони сайру гашт ва истироҳати сокинони шаҳри Бохтар хоҳад шуд.
 
   Раиси вилояти Хатлон Қурбон Ҳакимзода аз ҷараёни корҳои сохтмонӣ боздид ба амал оварда, ба масъулон дастуру супориш додааст, ки иншооти мазкур бояд тавре сохта шавад, ки диққати ҳамагонро ҷалб карда, барои халқу миллат манфиатбахш бошад.   
Сулаймон СУЛТОНОВ

Добавить комментарий
Маҷалаи №6-2019