Маҷаллаи Сафо
Шеъру адаб
Чеҳра
Маслиҳати муфид
Номаҳо
Муҳаббат ба пешаи дӯстдошта
Зумрад Раҷабмадова, хатмкардаи факултаи алоқаи почтавии Техникуми индустриалии шаҳри Душанбе. Танзимгари гурӯҳи 1-и Маркази алоқаи почтаи шаҳри Кӯлоб буда, аз соли 1983 то имрӯз дар шуъбаи алоқа фаъолият дорад.
Мутахассиси ҳақиқӣ дар дилхоҳ соҳа пеш аз ҳама пешаи интихобкардаи худро сидқан дӯст медорад ва новобаста ба каму костиҳои рӯзгор тарки он намекунад. Зумрад аз ҷумлаи чунин мутахассисони фидоӣ аст. Вай дар даврони мушкили солҳои 90- ум ва чанд соли баъди он “Меваи сабр ширин аст” гуфта, тарки пешаи худ накард.
Имрӯз дар Маркази алоқаи почтаи шаҳри Кӯлоб 16 нафар кору фаъолият доранд, ки аз ин 5 нафар бонувонанд. Ҳамчунин, аз шумораи умумии кормандон 8 нафарашон хаткашон буда, боқимонда роҳбарият, муҳосибот ва танзимгаронанд.
- Мо рӯзномаву маҷаллаҳоро ҳафтае ду маротиба ба муштариён дастрас менамоем. Аз соли гузашта инҷониб хаткашонҳои мо бо дучарха таъмин шуда, номаву рӯзномаву маҷаллаҳоро ба муштариён мерасонанд. Аммо алъон Маркази алоқаи почтаи шаҳри Кӯлоб нақлиёти хизматӣ надорад,- мегӯяд Зумрад Раҷабзода, танзимгари гурӯҳи 1-и Маркази алоқаи почтаи шаҳри Кӯлоб. - Ин дар ҳолест, ки дар як ҳафта 5 рӯз мо номаву нашрияҳои даврӣ ва дигар фиристодаҳои муштариёнро қабул мекунем. Аслан почта аз шаҳри Душанбе ба маркази вилоят шаҳри Бохтар ва аз он ҷо ба ноҳияҳо, аз ҷумла, ба минтақаи Кӯлоб тариқи нақлиёти КФ КВД “Почтаи тоҷик” дар вилояти Хатлон дастрас карда мешавад.
Ба гуфтаи З. Раҷабмадова Маркази алоқаи почтаи шаҳри Кӯлоб худмаблағгузор буда, даромаднокии он аз афзоиши ҳаҷми воридоту тақсимоти рӯзномаву маҷаллаҳои обунашудаи сокинон вобастагӣ дорад. Дар муқоиса ба 10 соли пешин теъдоди нашр ва шумораи обуначиён ба рӯзномаву маҷаллаҳо зиёд шуда аст, ки ин аз таваҷҷуҳи аҳолӣ ба мутолиаи нашрияҳои даврӣ шаҳодат медиҳад.- мегӯяд З. Раҷабмадова
-Ба ҷуз тақсимоти рӯзномаву маҷаллаҳои даврӣ ҳамчунин, иҷрои амалиётҳои пардохт ва қабули ҳаволапулӣ, дастрасиву ирсоли мактубу равонакҳо ва бастаҳои хурд аз самтҳои дигари хизматрасониҳои мо мебошад, - иброз медорад Зумрад Раҷабмадова. - Фиристодаҳои мо дар муддати 10-14 рӯз ба суроғаи лозимӣ мерасанд. Ҳозир фиристодаҳои байналмилалӣ штрихкод дошта, онҳо ба таври электронӣ қайд мешаванд. Яъне, фиристодаи байналмилалӣ ба кадом минтақаи ҷаҳон, ки расид, дарҳол дар почтаи ҳамон шаҳр ба таври электронӣ ба қайд гирифта мешавад ва соҳиби фиристода аз хона нишаста, муайян карда метавонад, ки фиристодаи ӯ дар кадом вақту соат то куҷо расидааст.
Тавре мутахассиси кордон иброз медорад, дар қиёс ба солҳои пешин фиристодани равонакҳо ва супоридани ҳаволапулӣ коҳиш ёфтааст. Мактубҳо асосан аз суроғаи идораву ташкилотҳо зиёд шудааст, аммо аз сабаби пайдо шудани телефонҳои мобилӣ аз ҷониби шахсони алоҳида фиристодани номаҳо камтар ба назар мерасад.
Билоли Шамс, шаҳри Кӯлоб
Добавить комментарий
Ахбор
ДӮСТӢ. ТАБИБОН СОҲИБИ ЗАМИНИ НАЗДИҲАВЛИГӢ ШУДАНД 16:02ТАҶЛИЛИ РӮЗИ КОРМАНДОНИ СОҲАИ ТИБ ДАР ХАТЛОН 15:21ПАЁМИ ТАБРИКОТИИ РАИСИ ВИЛОЯТИ ХАТЛОН ДАВЛАТАЛӢ САИД БАХШИДА БА РӮЗИ КОРМАНДОНИ СОҲАИ ТИБ 10:16МАЪРАКАИ ЧИНИШИ ПАХТА ДАР ВИЛОЯТИ ХАТЛОН ОҒОЗ ШУД 13:22БОЗДИД АЗ САМАРАНОК ИСТИФОДАБАРИИ ЗАМИНИ НАЗДИҲАВЛИГӢ ВА ЗАХИРАИ ХӮРОКИ ДУСОЛА 13:08КӮШОНИЁН: ИФТИТОҲИ БИНОИ ИЛОВАГӢ БАРОИ 400 НАФАР ХОНАНДА БО ИШТИРОКИ РАИСИ ВИЛОЯТ 12:59КӮШОНИЁН: ИФТИТОҲИ МАРКАЗИ САЛОМАТӢ БО ИШТИРОКИ РАИСИ ВИЛОЯТ 12:52МАДИНА ҚУРБОНЗОДА ҒОЛИБИ ОЗМУНИ ШАҲРИИ "ФАРЗАНД-БОҒИ ПАДАРУ МОДАР" ГАРДИД 14:20
Маҷаллаи №6-2019
Серхонандаҳо
Аъзамҷон Чиллазода: 91,3 фоизи маблағҳои буҷетӣ дар вилоят ба соҳаҳои иҷтимоиёт равона карда шудааст
ДАР ШАШ МОҲ 18 ИНШООТИ СОҲАИ ТАНДУРУСТӢ БУНЁД ШУДААСТ
Ташрифи ҳайати экспедитсияи “Саёҳат ба қалби Авруосиё – 2025” ба шаҳри Бохтар
Ҳиссаи омӯзгорони унвондор ба 36,3 фоиз расид
Дар Хатлон 21 нафар ба фаъолияти блогерӣ машғул мебошанд
Кӯшониён. Як ноболиғ аз ғарқшавӣ наҷот дода шудааст
БУНЁДИ 21 ИНШООТИ СОҲАИ МАОРИФ ДАР ШАШ МОҲ
БОЗДИДИ РАИСИ ВИЛОЯТ АЗ ОҒОЗИ КОРҲОИ МУМФАРШКУНИИ 1,5 КМ РОҲИ АВТОМОБИЛГАРДИ АҲАМИЯТИ МАҲАЛЛИДОШТАИ ШАҲРАКИ ЁВОН- МЕҲРОБОД- ДАСТГИРАК- НАВОБОД ВА ПУЛИ МОШИНГУЗАР БАЪДИ ТАҶДИДУ АЗНАВСОЗӢ
ҚИССАИ ЯК ЗИНДАГИИ СОДИҚОНА
ЁВОН: БОЗДИД АЗ РАФТИ КОРҲОИ СОХТМОНӢ ДАР КОРГОҲИ ИСТЕҲСОЛИ ОҲАКИ СОХТМОНИИ ҶДММ «ҒАЮР ИНДАСТРИАЛ»
