Лаблабу – манбаи витаминҳо

Лаблабу – сарчашмаи микроэлементҳои барои организм зарурист. Аксари одамон бо сабабҳои номаълум ин намуди сабзавотро дӯст намедоранд, ки таассуфовар аст. Агар лаблабуро ҳар рӯз истеъмол намоед, ҳолати тандурустиро хеле назаррас беҳтар кардан мумкин аст. Ҳоло мо ба шумо дар зер шарҳ медиҳем, ки чаро лаблабу дар таркиби ғизои ҳаррӯзаи мо буданаш зарур аст.

1. Кори узви ҳозимаро муътадил мегардонад

Аз ҳисоби дар таркиби бехмевааш доштани маводи фоиданок ба кори меъдаю рӯъда таъсири мусбат мерасонад. Истеъмоли таомҳои дар асоси лаблабу тайёркардашуда, тадриҷан имконият медиҳад, ки шахс аз воситаҳои доруворӣ халос шавад ва кори рӯъдаю меъдаашро ба эътидол оварад. Қанди табиие, ки дар таркиби лаблабу мавҷуд аст, муҳити меъдаро ғизо дода, ба он барои мубориза бо микробҳои зарарнок қувваи иловагӣ медиҳад. Таркиби риштамонанди лаблабу имконияти аз меъда баровардани боқимондаи заҳрноки ғизоро дорад, яъне рӯдаҳо аз партови нодаркору зарарнок халос мешаванд.

2. Организмро ҷавон месозад

Дар таркиби лаблабу моддаҳои бетанин ва бетаин мавҷуд аст, ки он организми инсонро аз пиршавии бармаҳал, туршшавӣ ва омосҳои саратонӣ нигоҳ медорад. Маҳз ҳамин моддаҳои зикршуда ба лаблабу ранги бунафшу сурхро медиҳанд. Ба ғизои ҳамарӯза лаблабуро илова карда, мо метавонем садди роҳи пиршавии бармаҳал ва омосҳои саратониро гирем. Ҳамзамон, бо истеъмоли лаблабу рангу рӯи инсон хеле беҳтару равшан ва пурҷило мегардад: чеҳра намуди солимро мегирад, халтачаҳои зери чашм нобуд мешаванд.

3.Фаъолияти ҷисмониро пурзӯр менамояд

Лаблабу дар организми инсон нақши протеини табииро мебозад. Таҷрибаҳои олимон исбот карданд, миқдори хеле бойи нитратҳои дар таркиби лаблабу мавҷудбуда имкон медиҳанд, ки бо истеъмоли он шахс муқовимати организмашро баланд бардорад. Бо истеъмоли бехмеваи лаблабу рагу пайванди инсон хеле мулоиму чандир мегарданд ва организм аз гуруснагии кислородӣ озод мешавад. Мушакњои бадани инсон аз нав барқарор мегарданду неруи тозаро соҳиб мешаванд. Лаблабу ҳамчунин ба қобилияти фикрии инсон таъсири хуб мебахшад. Ин аз он сабаб рух медиҳад, ки ҳолати рагу пайвандҳо ва гардиши хуни инсон аз ҳисоби истеъмоли лаблабу беҳтар мегардад.

4. Фишорро паст мекунад

Лаблабу бештар ба шахсони гирифтори фишори баланди хун ё худ гипертония басо муфид аст. Қисмати ками афшураи лаблабуро истеъмол намуда, шахс метавонад, ки фишорашро паст ва ҳолати умумии организмашро муътадил гардонад. Аммо шарт нест, ки якбора меъёри шабонарӯзии афшураро истеъмол намоед. Онро ба якчанд қисм тақсим намуда, дар давоми шабонарӯз истеъмол кардан хеле муфид аст.

5. Парешонхотириро бартараф менамояд

Дӯстдорони лаблабу эътироф менамоянд, ки ҳангоми парешонхотирӣ ва табъи нохуб истеъмоли хўриши лаблабудор ҳолати рӯҳии одамро хеле хубтар месозад. Таъсири лаблабуро ба он, ки одам якчанд конфетро мехӯрад, баробар менамоянд. Магний, ки таркиби лаблабу аз он бой мебошад, бевосита кори системаи асабро хуб мекунад.

6. Кори ҷигарро муътадил мегардонад

Дар таркиби лаблабу чӣ тавре, ки дар боло зикр кардем, маводи бетаин мавҷуд аст, ки он кори ҷигарро муътадил сохта, ҳазми сафедаҳоро осон мегардонад ва барои ба вуҷуд омадани моддаи холин, ки барои организм басо муфид аст, мусоидат менамояд. Маҷмӯи витаминҳои дар таркиби лаблабу мавҷудбуда фаъолияти ҳаётии ҷигарро беҳтар мекунад. Дар тибби халқӣ афшураи навтайёркардашудаи лаблабу яке аз воситаҳои самараноки муборизаи зидди сангҳои талхадон мебошад.

7.Организмро аз витаминњо ғанӣ менамояд

Дар таркиби лаблабу амалан тамоми намудњои витаминњо барои организми одам зарурӣ маҷуд аст, кори он муътадил бошад. Њангоми норасоии витамин лаблабу муқомимат ва иммунитети организмро мустаҳкам мегардонаду мироэлементҳоро дар он афзун месозад.

8. Биниши чашмро беҳтар месозад

Лаблабу бо он, ки дар таркибаш миқдори зиёди нитратњоро дорост хеле байни зироатҳо маъмул аст. Ин хосияти лаблабу ба тамоми организм таъсири мусбӣ расонида, кори узвҳои даруниро беҳтар мекунад. Махсусан, нитратҳо ба мустаҳкамшавии гавҳараки чашм мусоидат намуда, узви босираи инсонро барқарор менамояд. Духтурон эътироф менамоянд, ки таъсири лаблабу нисбати дигар зироатҳо дар кори барқароршавии чашм хеле баландтару хубтар аст.

Афшураи лаблабуро баробари нав тайёр шудани он истеъмол кардан зарарнок буда, онро ҳатман ячанд соат дар ҷойи салқин ё яхдон гузошта, сипас истифода бурдан мувофиқи матлаб аст.

Хуб мешуд пеш аз истеъмоли ин сабзавот бо духтури табобатї дар иртибот бошед.

Таҳияи С. Зарнигор.

Похожие новости:

Добавить комментарий

Ахбор

ХАТЛОН. МУСОБИҚАИ БАЙНАЛМИЛАЛӢ БАРГУЗОР МЕШАВАД 16:10 КӮШОНИЁН. ТАЪМИРИ АСОСИИ БЕШ ЯК КИЛОМЕТР РОҲ 14:10 КӮШОНИЁН. ДУ БИНОИ 10 ОШЁНА СОХТА МЕШАВАД 14:01 МУЪМИНОБОД. БУНЁДИ 200 ИНШООТ ДАР НАҚША 13:05 ҒОЛИБИЯТИ ВАРЗИШГАРИ ХАТЛОНӢ ДАР МУСОБИҚАИ БАЙНАЛМИЛАЛӢ 11:27 ХАТЛОН. ВАРЗИШГАРОН БЕШ АЗ 450 МЕДАЛ БА ДАСТ ОВАРДАНД 15:42 ИФТИТОҲИ МАҒОЗАИ АРМУҒОН ВА СЕХИ ДУХТИ ЛИБОСҲОИ МИЛЛӢ ДАР КӮШОНИЁН 15:08 Манфиат ва зарари шарбати сабзӣ 14:41

Маҷалаи №6-2019

Серхонандаҳо

Булбуле аз гулшани адаб ИҶОБАТИ ДУОИ ПРЕЗИДЕНТ А. Абдусаломзода “ҲУВИЯТИ МИЛЛӢ ВА ТАРБИЯИ ВАТАНДӮСТИИ ҶАВОНОН”-РО БАЛАНД БАРДОРЕМ ХАТЛОН. ГУСЕЛИ БОТАНТАНАИ НАВАСКАРОН БА АРТИШИ МИЛЛӢ “САЙРИ ГУЛИ ЛОЛА” ДАР ХАТЛОН ДУОИ РАҲНАМО САМАРАИ ГРАНТИ РАИСИ ВИЛОЯТ КӮШОНИЁН. ТАЪМИРИ АСОСИИ БЕШ ЯК КИЛОМЕТР РОҲ Дидори ояндабин ЧОР НОҲИЯ НАҚШАИ ДАЪВАТРО ИҶРО КАРД