Нақшаи даъвати ҳарбӣ дар вилоят 69,1% иҷро шуд

Масъулони комиссариати ҳарбии ноҳияи Фархори вилояти Хатлон низ аз иҷрои 100%-аи нақшаи даъвати баҳории ҷавонон ба сафи Артиши миллии мамлакат мужда расониданд.

Тавре аз Шуъбаи иттилоотию таҳлилии дастгоҳи раиси вилояти Хатлон иттилоъ доданд, Фархор ҳафтумин ноҳияи вилоят аст, ки то 16 апрел аз уҳдаи иҷрои нақшаи даъват баромадааст. То имрӯз 6 шаҳру ноҳияи вилоят, аз ҷумла Норак, Шамсиддин Шоҳин, Носири Хусрав, Данғара, Муъминобод, Ховалинг, нақшаи даъвати баҳории даъват ба Қувваҳои Мусаллаҳи Ҷумҳурии Тоҷикистонро пурра иҷро кардаанд. Дар ин радиф навоҳии Балҷувон, Темурмалик ва Хуросон иҷрои нақшаи даъватро аз ҳисоби миёнаи вилоят бештар таъмин намудаанд.
Дар сатҳи вилоят иҷрои нақшаи даъвати баҳорӣ то рӯзи 16 апрел 69,1%-ро ташкил медиҳад.
Қобили зикр аст, ки баҳри босифат ва дар муҳлатҳои кӯтоҳтарин иҷро намудани нақшаи даъвати баҳории соли 2020 қарорҳои раиси вилояти Хатлон аз 16 декабри соли 2019, №324 «Дар бораи ба қайди ибтидоии ҳарбӣ гузоштани шаҳрвандони соли таваллуди 1993-2004», аз 20 декабри соли 2020, №329 «Дар бораи омодагӣ ба даъвати баҳории соли 2020-и шаҳрвандони солҳои таваллудашон 1993-2002 ба хизмати ҳарбӣ» ва аз 3 январи соли 2020, №3 «Дар бораи тайёр намудани мутахассисон барои Қувваҳои Мусаллаҳи Ҷумҳурии Тоҷикистон дар муассисаҳои таълимии Кумитаи вилоятии ташкилоти ҷамъиятии мададгори мудофиаи Хатлон ва шуъбаву бахшҳои меҳнат ва шуғли аҳолӣ дар даъвати баҳории соли 2020» ба тасвиб расида, ба мақомоти иҷроияи ҳокимияти давлатии шаҳру ноҳияҳо ва ташкилоту муассисаҳои дахлдор расонида шуд.
Раиси вилоят Қурбон Ҳакимзода дар ҷаласаи рӯзи 12 апрел ба роҳбарони шаҳру ноҳияҳо ва масъулони комиссияҳои даъвати ҳарбӣ дастур дода буд, ки ба кашол ёфтани иҷрои нақшаи даъват роҳ надода, ҷиҳати пеш аз муҳлат таъмин намудани он тадбирҳои мушаххас андешанд.

"САФО"

Похожие новости:

Добавить комментарий

Ахбор

ДӮСТӢ. ТАБИБОН СОҲИБИ ЗАМИНИ НАЗДИҲАВЛИГӢ ШУДАНД 16:02 ТАҶЛИЛИ РӮЗИ КОРМАНДОНИ СОҲАИ ТИБ ДАР ХАТЛОН 15:21 ПАЁМИ ТАБРИКОТИИ РАИСИ ВИЛОЯТИ ХАТЛОН ДАВЛАТАЛӢ САИД БАХШИДА БА РӮЗИ КОРМАНДОНИ СОҲАИ ТИБ 10:16 МАЪРАКАИ ЧИНИШИ ПАХТА ДАР ВИЛОЯТИ ХАТЛОН ОҒОЗ ШУД 13:22 БОЗДИД АЗ САМАРАНОК ИСТИФОДАБАРИИ ЗАМИНИ НАЗДИҲАВЛИГӢ ВА ЗАХИРАИ ХӮРОКИ ДУСОЛА 13:08 КӮШОНИЁН: ИФТИТОҲИ БИНОИ ИЛОВАГӢ БАРОИ 400 НАФАР ХОНАНДА БО ИШТИРОКИ РАИСИ ВИЛОЯТ 12:59 КӮШОНИЁН: ИФТИТОҲИ МАРКАЗИ САЛОМАТӢ БО ИШТИРОКИ РАИСИ ВИЛОЯТ 12:52 МАДИНА ҚУРБОНЗОДА ҒОЛИБИ ОЗМУНИ ШАҲРИИ "ФАРЗАНД-БОҒИ ПАДАРУ МОДАР" ГАРДИД 14:20

Маҷаллаи №6-2019

Серхонандаҳо

Аъзамҷон Чиллазода: 91,3 фоизи маблағҳои буҷетӣ дар вилоят ба соҳаҳои иҷтимоиёт равона карда шудааст Ташрифи ҳайати экспедитсияи “Саёҳат ба қалби Авруосиё – 2025” ба шаҳри Бохтар Ҳиссаи омӯзгорони унвондор ба 36,3 фоиз расид Дар Хатлон 21 нафар ба фаъолияти блогерӣ машғул мебошанд Кӯшониён. Як ноболиғ аз ғарқшавӣ наҷот дода шудааст БОЗДИДИ РАИСИ ВИЛОЯТ АЗ ОҒОЗИ КОРҲОИ МУМФАРШКУНИИ 1,5 КМ РОҲИ АВТОМОБИЛГАРДИ АҲАМИЯТИ МАҲАЛЛИДОШТАИ ШАҲРАКИ ЁВОН- МЕҲРОБОД- ДАСТГИРАК- НАВОБОД ВА ПУЛИ МОШИНГУЗАР БАЪДИ ТАҶДИДУ АЗНАВСОЗӢ ЁВОН: БОЗДИД АЗ РАФТИ КОРҲОИ СОХТМОНӢ ДАР КОРГОҲИ ИСТЕҲСОЛИ ОҲАКИ СОХТМОНИИ ҶДММ «ҒАЮР ИНДАСТРИАЛ» ЁВОН: ШИНОСОИИ РАИСИ ВИЛОЯТ БО ЛОИҲАИ МУАССИСАИ ТАЪЛИМӢ Тоҷикстандарт. Дар Хатлон 7,3 тонна маҳсулоти ғайристандартӣ ошкор шуд БУНЁДИ 18 ИНШООТИ ВАРЗИШӢ ДАР ШАШ МОҲ