АЁДАТИ ФИРӮЗА ШАРИФӢ АЗ ҲОЛИ ЗАНОНИ РӮЗГОРДИДА

Дирӯз, 22 январ, муовини раиси вилояти Хатлон Фирӯза Шарифӣ, ҳамроҳ бо Раъно Раҳимзода, сардори Раёсати кор бо занон ва оилаи вилоят ва Шоиста Абдуназарзода, муовини раиси шаҳри Бохтар, ба аёдати чанде аз бонувони собиқадори меҳнати дар маркази маъмурии вилояти Хатлон зиндагони дошта рафта, аз ҳолу рӯзгори онҳо бохабар шуд.

Тибқи иттилои Шуъбаи иттилоотию таҳлилии дастгоҳи раиси вилояти Хатлон, муовини раиси вилоят нахуст ба аёдати Марзия Муродова рафт. Марзия Муродова зиёда аз 50 соли умри пурбаракати худро барои халқу ватан бахшида, дар вазифаҳои агроном, сариқтисодчӣ, сардори шуъбаи чорводорӣ ва дар дигар самтҳои хоҷагии халқ фаъолият намудааст. Хизматҳои ӯро давлат бо як қатор унвонҳо, аз ҷумла Корманди шоистаи Тоҷикистон ва сипосномаву ифтихорномаҳо қадрдонӣ кардааст. Муродова Марзия модари як фарзанд ва панҷ набера буда, шукрона аз он мекунад, ки дар фазои ороми Ватан дар ҳалқаи пайвандонаш умр ба сар мебарад.
Ҳамзамон Фирӯза Шарифӣ ба аёдати омӯзгори собиқадор Салтанат Баротова рафта, аз зиндагии имрӯзааш пурсон шуд. Тавре ки Салтанат Баротова қайд намуд, 40 сол боз омӯзгориро пешаи худ намуда, ба фарзандони халқу диёр таълиму тарбия медиҳад. С. Баротова дар хона нишаста наметавонад ва то дар гимназияи назди ДДБ ба номи Носири Хусрав ба таълиму тарбияи шогирдон машғул аст. Заҳматҳои муаллимаро Вазорати маориф ва илм қадр намуда, бо нишони сарисинагии “Аълочии маорифи Ҷумҳурии Тоҷикистон” сарфароз гардонидааст. Салтанат Баротова модари 7 фарзанд буда, онҳоро дар рӯҳияи баланди меҳандӯстӣ ба камол расонидааст.

Муовини раиси вилоят Фирӯза Шарифӣ инчунин ба аёдати Шаҳрванди фахрии шаҳри Бохтар Ализода Хатичабонуи Раҳмат рафт. Ализода Хатичабону 45 соли умри пурбаракати худро ба хизмати давлату миллат бахшида, фаъолияти корияшро аз ҳамшираи шафқат сар намуда, дар вазифаҳои гуногуни хизмати давлатӣ фаъолият намудааст. Ҳоло ҳам Ализода Хатичабону дар чорабиниҳо ва вохӯриҳо бо мардум аз минбари боло баҳри талош варзидан барои ободии Ватани азизамон панду насиҳатҳо мекунад. Ализода Хатичабону соҳиби 3 фарзанд аст ва онҳо имрӯз дар соҳаҳои мухталифи хоҷагии халқ кору фаъолият намуда истодаанд. Ализода Хатичабону бо як қатор мукофотҳо, аз ҷумла Грамотаи Президиуми Шӯрои Олии Ҷумҳурии Тоҷикистон, унвони Собиқадори меҳнат, Корманди шоистаи Тоҷикистон, Аълочии фарҳанг, Шаҳрванди фахрии шаҳри Бохтар ва бо даҳҳо ифтихорномаву сипосномаҳо сарфароз гардидааст.

Фирӯза Шарифӣ ба фаъолзанон туҳфаҳои мақомоти иҷроияи ҳокимияти давлатии вилояти Хатлонро супурда, қайд намуд, ки онҳо имрӯз мояи ифтихори тамоми занону бонувони вилоятанд. Корномаи онҳо, хизмати содиқонаашон ба халқу ватан намунаи ибрати ҳамагон мебошад.
Ин фаъолзанони рӯзгордида шукрона аз тинҷию амонии давлати азиз мекунанд, ки дар фазои ором давраи пирӣ меронанд ва ҳамеша дуогӯи тинҷию амонии Тоҷикистони маҳбуб ва сарбаландии Пешвои муаззами миллат муҳтарам Эмомалӣ Раҳмон мебошанд.

"САФО"

Похожие новости:

Добавить комментарий

Ахбор

ПАЁМИ ПРЕЗИДЕНТ – РОҲНАМОИ РУШДИ БОСУБОТИ КИШВАР 11:06 МАҲБУБИ КӮДАКОН 10:48 2025 – СОЛИ ФАТҲИ ҲАДАФҲОИ БУЗУРГ ДАР ХАТЛОН 10:39 ПАЁМИ ТАБРИКИИ РАИСИ ВИЛОЯТИ ХАТЛОН ДАВЛАТАЛӢ САИД БА МУНОСИБАТИ ФАРОРАСИИ СОЛИ НАВИ МЕЛОДИИ 2026 10:29 ЭЪЛОМИЯИ КУРУШИ КАБИР – БОЗГӮИ АДОЛАТИ ТАЪРИХӢ 10:34 Дар Хатлон 600 ҳазор дарахт шинонида мешавад 14:36 ХАТЛОН. 60 ФОИЗИ НАФАҚАГИРОН АЗ ҚАЙД ГУЗАШТАНД 14:11 Бохтар. 1,5 километр роҳ мумфарш карда шуд 15:13

Маҷаллаи №6-2019

Серхонандаҳо

ПАЁМИ ТАБРИКИИ РАИСИ ВИЛОЯТИ ХАТЛОН ДАВЛАТАЛӢ САИД БА МУНОСИБАТИ ФАРОРАСИИ СОЛИ НАВИ МЕЛОДИИ 2026 БОХТАР. НАСБИ АРЧАИ СОЛИНАВӢ БО БАЛАНДИИ 24 МЕТР «ПАЁМИ ПРЕЗИДЕНТИ ҶУМҲУРИИ ТОҶИКИСТОН - ПАЁМИ СОЗАНДА ВА КАФИЛИ ТАЪМИНИ РУШДИ БОСУБОТИ КИШВАР» Бохтар. 1,5 километр роҳ мумфарш карда шуд Ҷ. БАЛХӢ. 8 КИЛОМЕТР РОҲ МУМФАРШ КАРДА ШУД ЁВОН. НАСБИ ГУЗАРГОҲИ ЭЛЕКТРОНӢ ДАР КӮДАКИСТОН ХАТЛОН. 60 ФОИЗИ НАФАҚАГИРОН АЗ ҚАЙД ГУЗАШТАНД Дар Хатлон 600 ҳазор дарахт шинонида мешавад ПАЁМИ ПРЕЗИДЕНТ – РОҲНАМОИ РУШДИ БОСУБОТИ КИШВАР МАҲБУБИ КӮДАКОН