Маҷаллаи Сафо
Шеъру адаб
Чеҳра
Маслиҳати муфид
Номаҳо
Паёми табрикии раиси вилояти Хатлон муҳтарам Қурбон Ҳакимзода, бахшида ба Рӯзи Қувваҳои Мусаллаҳи Ҷумҳурии Тоҷикистон
Ҳамдиёрони азиз!
Бо камоли ифтихор ва самимияти беандоза тамоми хизматчиёни ҳарбии сохторҳои низомӣ ва мафомоти ҳифзи ҳуқуқ, инчунин, собиқадорони хизмати ҳарбиро ба ифтихори 29-умин солгарди таъсисёбии Қувваҳои Мусаллаҳи Ҷумҳурии Тоҷикистон самимона табрик мегӯям.
Бо қаноатмандиву сипос хотирнишон месозам, ки Қувваҳои Мусаллаҳи Ҷумҳурии Тоҷикистон зодаи замони соҳибистиқлолӣ буда, неру, қудрату тавоноии он ба як ниҳоди пуриқтидори муосири замонавӣ табдил ёфтааст, ки имрӯз пурра ҳимояи марзу буми меҳани аждодиро ба дӯши худ гирифтааст.
Аз рӯзҳои аввали таъсисёбӣ то кунун ҳайати шахсии Қувваҳои Мусаллаҳ ва кормандони мақомоти ҳифзи ҳуқуқ дар ҳимояи истиқлолу озодии Ватан ва дастовардҳои таърихии он – сулҳу оромӣ, суботи сиёсӣ ва ваҳдати миллӣ, бунёди давлати демократӣ ва ҳуқуқбунёду дунявии Тоҷикистон, таъмини амнияти давлат ва осоиши ҷомеа саҳми басо арзишманд гузоштанд.
Ёдовар гардидан аз таърихи 29-солаи Қувваҳои Мусаллаҳи кишвар барои насли имрӯзу оянда басо рамзӣ мебошад, зеро дар тӯли ин солҳо ин ниҳоди мудофиавии кишвар пурра бо бинои ҳарбӣ, баззаи модию техникӣ, кадрҳои ихтисосманду содиқ ба ватану миллат таъмин гардида, шароити ниҳоят вазнину ҳассоси иқтисодӣ ва ҳарбиву сиёсиро паси сар кардааст.
Дар сафи Қувваҳои Мусаллаҳи Ҷумҳурии Тоҷикистон ҷавонони ватандӯсту худшинос, ҷасуру ҷонфидо ва ҷисману рӯҳан обутобёфта хизмати Ватан - модарро ба ҷо меоранд.
Мавриди ёдоварист, ки бо талошу ҷоннисориҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, Сарфармондеҳи Олии Қувваҳои Мусаллаҳи кишвар муҳтарам Эмомалӣ Раҳмон ва фарзандони содиқи ин марзу бум, яъне афсарону сарбозони Қувваҳои Мусаллаҳ ва кормандони мақомоти ҳифзи ҳуқуқ дар айёми ниҳоят душвор ва барои мардуми кишвар тақдирсоз сохти конститутсионӣ, сулҳу оромӣ ва суботи сиёсӣ барқарор гардида, барои рушди иқтисодиву иҷтимоии мамлакат, беҳтаршавии сатҳу сифати зиндагии мардум заминаи мусоид фароҳам оварда шуд.
Афсарону сарбозони ватандӯст ва бонангу номуси мо дар мушкилтарин лаҳзаҳо паҳлуи Пешвои миллат қарор гирифта, дар давраи бисёр мураккабу вазнин вазифаи таърихии худро дар назди Ватан, давлат ва халқи Тоҷикистони азиз содиқона ва ҷавонмардона иҷро карданд.
Мардуми шарифи Тоҷикистон хизматҳои таърихии фарзандони далеру шуҷои худро ҳамеша пос медоранд ва хотираи ҷавонмардонеро, ки барои барқарор намудани сохти конститутсионӣ, пойдории сулҳу субот, ҳимояи марзу буми Ватан ва ҳифзи зиндагии орому осудаи сокинони мамлакат ҷони худро нисор кардаанд, ҳаргиз фаромӯш намекунанд.
Дар ин рӯзи муборак ёдоварӣ аз хизмати мардонавор ва ватандӯстонаи диловарони Ватан, ки барои ҳимояи сохти конститутсионӣ ва иҷрои супориши ҳарбӣ қаҳрамониҳои бемислу монанд нишон дода, амният ва субот дар мамлакатро таъмин намуданд, метавон мактаби ватандӯстии онҳоро ба наслҳои имрӯзу фардо мавриди омӯзиш қарор дод, зеро маҳз истодагарӣ ва диловарии онҳо буд, ки имрӯз сулҳу субот ва амният дар кишвар пурра таъмин аст.
Насле, ки барои Ватан хизмати арзандаю шоиста менамояд ва дифо аз марзу бумаш мекунад воқеан ҳам ба ҳама қадршиносӣ ва ситоиш арзанда аст.
Mo насли имрӯзи ҷомеа ба мардонагиву шуҷоатмандии онҳо сари таъзим фуруд оварда, баҳри болидагии рӯҳи абадзиндаи онҳо сулҳу суботи устувор ва ягонагии давлати мустақили худро чун гавҳараки чашм муҳофизат хоҳем кард.
Таваҷҷуҳи ҳамешагии Роҳбарияти Олии мамлакат дар раванди татбиқи барномаҳои ислоҳоти сохторӣ ба масъалаи тақвияти иқтидори ҷангии Артиши миллӣ ва дигар сохторҳои низомӣ беназир буда, ба масъалаи рушду пешрафт ва бунёди иншооту биноҳои зарурии замонавӣ ва бо техникаву лавозимоти ҷангии муосир таъмин намудани Қувваҳои Мусаллаҳи мамлакат эътибори аввалиндараҷа медиҳад.
Бояд ёдовар гардид, ки бо такя ба хизматҳои шоистаи кормандони мақомоти ҳифзи ҳуқуқ ва сохторҳои низомӣ зимни Паёми худ ба Маҷлиси Олӣ Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дастур дод, ки аз 1-уми январи соли 2022 музди меҳнати амалкунандаи хизматчиёни ҳарбӣ, кормандони мақомоти ҳифзи ҳуқуқ 25 фоиз ва дигар кормандони ин мақомот 20 фоиз зиёд карда шуд, ки ин ѓамхории Пешвои муаззами миллат бори дигар масъулияти кормандонро дар иҷрои вазифаҳои пурмасъули худ дучанд менамояд.
Дар заминаи дастуру супоришҳо ва ҳидоятҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мақомоти иҷроияи ҳокимияти давлатии вилояти Хатлон хизматҳои ҳайати шахсӣ ва кормандони мақомоти амнияти давлатӣ, мақомоти ҳифзи ҳуқуқ ва сохторҳои қудратиро қадрдонӣ карда, ҷиҳати беҳтар намудани шароити кору хизмат, баланд бардоштани сатҳи ҳифзи иҷтимоӣ ва тақвият бахшидани заминаҳои моддиву техникии онҳо тадбирҳои муассир меандешад.
Таъкид менамоям, ки хизмат кардан ба Ватан шарафи бузург ва дар айни замон вазифаи муқаддаси ҳар як ҷавони бонангу номус мебошад. Ҳар як хизматчии ҳарбӣ бояд хуб дарк намояд, ки ватандӯстӣ ин арзи садоқат ба Ватан – модар ва халқу давлати соҳибистиқлоли худ буда, дар пос доштани арзишҳои миллӣ ва аз тамоми манфиатҳо боло гузоштани манфиати давлату халқ зоҳир мегардад.
Ин рисолати бузурги ватандорию ифтихори миллиро ҷавонони қавииродаи хатлонӣ дар ниҳоди худ парварида, ҳамеша баҳри ҳимояи марзу буми аҷдодӣ ва музаффариятҳои замони соҳибистиқлолӣ омода буда, доимо дар ҳифзи Ватананд.
Таҷлили Рӯзи Қувваҳои Мусаллаҳи кишвар қадршиносӣ ва дастгирии ҳайати ҷузъу томҳо аз таваҷҷуҳ ва ғамхориҳои Пешвои муаззами миллат гувоҳӣ медиҳад, ки ҳамасола 23 феврал дар сартосари Тоҷикистони азиз бо шукуҳу шаҳомати хосса таҷлил карда мешавад. Таҳаввулоти босуръати ҷаҳонӣ, ки имрӯз дар аксар кишварҳои ҷаҳон таъсири манфии худро расонида истодааст, дар назди Қувваҳои Мусаллаҳи кишвар ва ҳар як фарди ватандӯсту баор дар самти ҳимояи манфиатҳои ҳаётан муҳими милливу давлатӣ вазифаҳои бисёр ҷиддиро мегузорад, ки ҳалли онҳо аз ҳар як хизматчии ҳарбӣ ва шахси худогоҳ иродаи матин, зиракии сиёсӣ, кордонӣ ва садоқату самимият ба халқу Ватанро талаб менамояд.
Бори дигар тамоми ҳайати шахсии Қувваҳои Мусаллаҳ, кормандони мақомоти ҳифзи ҳуқуқ ва собиқадорони хизмати ҳарбиро ба ифтихори бисту нуҳумин солгарди таъсисёбии Қувваҳои Мусаллаҳи кишвар самимона табрик гуфта, дар ҷодаи ҳифзи Ватани азизамон, таъмини амнияти давлат ва ҷомеа, зиндагии орому осудаи мардуми Тоҷикистон рӯҳи қавӣ, иродаи матин ва барору комёбиҳо орзу менамоям.
Ҷашн муборак бошад, ҳомиёни далеру шуҷои Ватан!
Добавить комментарий
Ахбор
ДӮСТӢ. СЕМИНАРИ ВИЛОЯТӢ БАРГУЗОР ГАРДИД 10:26Ҳарф-ҳарф дар нӯги ангуштон ҳунар дорад ӯ 16:56ДУОИ РАҲНАМО 16:30САМАРАИ ГРАНТИ РАИСИ ВИЛОЯТ 15:55САЗОВОРИ БОВАРИИ МАРДУМ 10:59ИҶОБАТИ ДУОИ ПРЕЗИДЕНТ 10:42ПЕШРАВИҲОИ ВИЛОЯТИ ХАТЛОН ВА АФЗОИШИ РУШДИ МИНТАҚАВӢ 15:14ҲАМАДОНӢ. МОЛИЯЧИЁН СОҲИБИ БИНО МЕШАВАНД 22:50
Маҷалаи №6-2019
Серхонандаҳо
Булбуле аз гулшани адаб
ИҶОБАТИ ДУОИ ПРЕЗИДЕНТ
ХАТЛОН. ЗИЁДА АЗ 2600 ИНШООТ БУНЁД ШУД
ХАТЛОН. ГУСЕЛИ БОТАНТАНАИ НАВАСКАРОН БА АРТИШИ МИЛЛӢ
БУНЁДИ БЕШ АЗ 320 ИНШООТ ДАР ҲАМАДОНӢ
НАВРӮЗ - РАВШАНГАРИ ТАЪРИХИ МИЛЛАТ
“САЙРИ ГУЛИ ЛОЛА” ДАР ХАТЛОН
ТАҒЙИРЁБИИ ИҚЛИМ ВА ТАЪСИРИ ОН БА ПИРЯХҲО
ДУОИ РАҲНАМО
САМАРАИ ГРАНТИ РАИСИ ВИЛОЯТ
