“Тоҷик-азот” фаъолиятро оғоз хоҳад кард

Ба хотири истиқболи шоиста аз ҷашни 35 – солагии Истиқлолияти давлатии Ҷумҳурии Тоҷикистон, дар ҳамаи шаҳру ноҳияҳои вилояти Хатлон бунёди коргоҳу корхонаҳои саноатӣ ба нақша гирифта шудааст. 
Аз ҷумла, дар шаҳри Левакант то ин ҷашни фархунда корхонаи азими саноатии ҶСК “Тоҷик – азот” мавриди истифода қарор дода мешавад.
Тавре замини суҳбат Олимҷон Шералиев, мутахассиси пешбари бахши саноату манзилии Мақомоти иҷроияи ҳокимияти давлатии шаҳри Левакант иброз кард, айни замон дар корхона таҷдиду барқарорсозӣ бомаром идома дорад ва бо ворид шудани гази табиӣ аз давлати ҳамсояи Ӯзбекистон он ба фаъолият оғоз мекунад. 
-Дар ин корхонаи азим мутахассисони пеш фаъолияткунанда дубора ба кор ҷалб шудаанд ва дар ин баробар коргарони нав низ ба кор қабул шуданд. Айни замон дар ин корхона зиёда аз 700 нафар ба кор ҷалб шудаанд ва дар баробари ба фаъолият оғоз намудани он шумораи кормандон то 1,5 ҳазор расонида мешаванд, - гуфт О. Шералиев.
Феълан дар шаҳри Левакант 26 коргоҳу корхонаҳои саноатӣ ба қайд гирифта шудаанд, ки дар 11 моҳи сипаригардидаи соли 2022 ин корхонаҳо ба маблағи 235 миллиону 132 ҳазору 200 сомонӣ маҳсулоти саноатӣ истеҳсол кардаанд. Ин нишондод дар қиёс ба ҳамин давраи соли 2021 ба маблағи беш аз 54 миллион сомонӣ зиёд мебошад
Сулаймон СУЛТОН