Дар Бохтар Рӯзи омӯзгор ботантана таҷлил карда шуд

Бахшида ба иди касбии омӯзгорон бо иштироки раиси шаҳри Бохтар Сиҷоуддин Саломзода дар Литсеи давлатии №1-и шаҳр, рӯзи 3 октябри соли равон чорабинии хотирмоне баргузор гардид. 
Сараввал ҳайати меҳмонон аз дастоварҳои хонандагону омӯзгорони муассисаҳои таълимӣ, ки дар саҳни Литсей ба намоиш гузошта шуда буд, дидан карданд.
Сипас дар толори маҷлисии муассиса вохӯрӣ бо ҳайати омӯзгорон доир гардид.
Раиси шаҳри Бохтар Сиҷоуддин Саломзода зимни баромади хеш қайд кард, ки намоядагони тамоми касбу кор зери дасти омӯзгор тарбия меёбанд ва маҳз заҳмату машаққати эшон аст, ки шогирдонашон номбардори худу атрофиён мешаванд, аз ин рӯ, эҳтироми омӯзгор бояд дар мадди аввал бошад.
Сипас дар вазъияти тантанавӣ ба як қатор омӯзгорони собиқадору он омӯзгороне, ки дар таълиму тарбияи насли наврас саҳми арзанда гузоштаанд ва шогирдонашон дар олимпиадаҳои ҷумҳуриявию байналмилалӣ ҷойҳои намоёнро ишғол кардаанд, Сипосномаю Ифтихорномаи Мақомоти иҷроияи ҳокимияти давлатии вилоят ва шаҳр, Раёсати маорифи вилоят ва туҳфаҳои хотиравӣ тақдим карда шуд. 
Инчунин барои хизматҳои бисёрсолаи бенуқсон дар соҳаи маориф, саҳми арзанда дар таълиму тарбияи насли наврас, тайёр намудани кадрҳои болаёқат, иштироки фаъолона дар ҳаёти ҷамъиятӣ 12 нафар кормандони соҳаи маорифи шаҳри Бохтар бо нишони Аълочии маориф ва илми Тоҷикистон сарфароз гардонида шуданд.
Сулаймон СУЛТОНОВ