Маҷаллаи Сафо
Шеъру адаб
Чеҳра
Маслиҳати муфид
Номаҳо
ХАТЛОН: СОДИРОТИ 200 ТОННА МАҲСУЛОТИ КИШОВАРЗӢ БА БОЗОРҲОИ ХОРИҶӢ
Раванди содироти маҳсулоти кишоварзӣ аз вилояти Хатлон ба хориҷи кишвар бо суръат идома дошта, имрӯз, бо иштироки раиси вилояти Хатлон Давлаталӣ Саид аз ҳудуди вилоят 10 мошини боркаш бо 200 тонна маҳсулоти кишоварзӣ ба давлатҳои хориҷӣ равон карда шуд.
Тавре аз Раёсати минтақавии гумрук дар вилояти Хатлон иттилоъ доданд, аз аввали мавсими содирот то имрӯз тавассути гузаргоҳҳои гумрукии ҷумҳурӣ аз вилояти Хатлон беш аз 3562 тонна маҳсулоти кишоварзӣ ба бозорҳои хориҷӣ интиқол дода шудааст.
Бино ба маълумоти пешниҳодшуда, қисми асосии содиротро пиёзи барвақтӣ ташкил медиҳад, ки ҳаҷми он ба 2944 тонна мерасад. Ҳамчунин зиёда аз 226 тонна лаблабуи сурх, 73 тонна зардолу, 20 тонна олу, 22 тонна карам, 20 тонна сирпиёз ва 257 тонна дигар навъҳои маҳсулоти кишоварзӣ ба кишварҳои хориҷӣ фиристода шудаанд. Маҳсулоти истеҳсолшуда асосан ба давлатҳои Русия, Қазоқистон, Қирғизистон, Афғонистон, Туркия ва Сурия содир мегардад.
Бо мақсади таъмини ҳаракати бехатар ва саривақтии нақлиёти боркаш, корвони мошинҳои ҳомили маҳсулоти содиротӣ аз ҷониби кормандони Бозрасии давлатии автомобилии Вазорати корҳои дохилии Ҷумҳурии Тоҷикистон ҳамроҳӣ карда мешаванд.
Ҳамзамон, барои дастгирии соҳибкорону содироткунандагон раванди басмиятдарории гумрукӣ содаву шаффоф гардонида шуда, тамоми шароити мусоид барои содироти босуръати маҳсулоти кишоварзӣ фароҳам оварда шудааст.
Масъулон таъкид менамоянд, ки чунин тадбирҳо ба афзоиши ҳаҷми содирот ва дастрасии маҳсулоти ватанӣ ба бозорҳои байналмилалӣ мусоидат мекунанд.
Мутахассисон афзоиши ҳаҷми содиротро натиҷаи рушди инфрасохтори соҳа, бахусус таъсиси марказҳои логистикӣ, анборҳои нигоҳдорӣ, сардхонаҳо ва коргоҳҳои бандубасти маҳсулот арзёбӣ мекунанд. Ба гуфтаи масъулон, чунин иқдом имконият фароҳам овардааст, ки соҳибкорону истеҳсолкунандагони вилоят мавқеи худро дар бозорҳои хориҷӣ боз ҳам мустаҳкам намоянд.
Дар баробари ин, бо мақсади иҷрои дастуру супоришҳои Президенти мамлакат муҳтарам Эмомалӣ Раҳмон ҷиҳати беҳтар ба роҳ мондани содироти маҳсулоти ватанӣ, сохторҳои марбута вазифадор гардидаанд, ки аз тамоми имкониятҳои мавҷуда самаранок истифода баранд ва ҳаҷми содиротро боз ҳам зиёд намоянд.
Барои интиқоли саривақтии маҳсулот роҳҳои байналмилалии Душанбе–Бохтар–Панҷи Поён, Душанбе–Кӯлоб–Хоруғ–Кулма–Чин, Қизилқалъа–Ҷарбуҷа–Ӯзбекистон, Бохтар–Данғара–Кӯлоб ва дигар роҳҳои таҷдидшудаи ҷумҳурӣ ба таври фаъол истифода мешаванд.
Қобили зикр аст, ки Мақомоти иҷроияи ҳокимияти давлатии вилояти Хатлон дар ҳамкорӣ бо сохторҳои дахлдор, аз ҷумла Агентии содироти назди Ҳукумати Ҷумҳурии Тоҷикистон, барои рушди иқтидори содиротии минтақа ва муаррифии маҳсулоти кишоварзии ватанӣ дар бозорҳои байналмилалӣ тадбирҳои амалӣ роҳандозӣ намуда истодаанд.
Хадамоти матбуоти раиси вилояти Хатлон
Добавить комментарий
Ахбор
Ҷ. Балхӣ. Мумфаршкунии 6 километр роҳ оғоз гардид 13:03МУЛОҚОТИ РАИСИ ВИЛОЯТИ ХАТЛОН ДАВЛАТАЛӢ САИД БО НАМОЯНДАГОНИ МАГАТЭ: ТАҲКИМИ ҲАМКОРИҲО БАРОИ РУШДИ СОҲАИ ТАНДУРУСТӢ 13:25ХАТЛОН.РӮЗИ БАЙНАЛМИЛАЛИИ ҲИФЗИ КӮДАКОН ТАҶЛИЛ ГАРДИД 15:18ДАР ВИЛОЯТИ ХАТЛОН БОРИ НАХУСТ КУРСИ АЗНАВТАЙЁРКУНИИ КАДРҲОИ ДАР ЗАХИРАБУДАИ ХИЗМАТИ ДАВЛАТӢ РОҲАНДОЗӢ ГАРДИД 11:12ПАЁМИ ТАБРИКИИ РАИСИ ВИЛОЯТИ ХАТЛОН ДАВЛАТАЛӢ САИД БА МУНОСИБАТИ РӮЗИ БАЙНАЛМИЛАЛИИ ҲИФЗИ КӮДАКОН 10:05НАХУСТНАМОИШИ “МЕТРАНПАЖ” ДАР ТЕАТРИ ВИЛОЯТӢ 10:56ФУРӮҒИ МАЪРИФАТ ДАР ЯК ХОНАДОНИ ТОҶИК 10:49ПАЁМИ ШОДБОШИИ РАИСИ ВИЛОЯТИ ХАТЛОН ДАВЛАТАЛӢ САИД БА МУНОСИБАТИ ФАРОРАСИИ ИДИ САИДИ ҚУРБОН 16:35
Маҷаллаи №6-2019
Серхонандаҳо
МАРҲИЛАИ ДУЮМИ АЗНАВСОЗӢ ВА ТАЪСИСИ МЕДИАТЕКАИ ПРЕЗИДЕНТИ ҶУМҲУРИИ ТОҶИКИСТОН ДАР КИТОБХОНАИ ВИЛОЯТИИ БА НОМИ ШАМСИДДИН ШОҲИН ВА ОҒОЗИ АЗНАВСОЗИИ КИТОБХОНАИ ВИЛОЯТӢ ДАР ШАҲРИ КӮЛОБ
ҶАЙҲУН. 1,1 КИЛОМЕТР РОҲ МУМФАРШ КАРДА ШУД
БОХТАР. БОЗ ЯК КӮДАКИСТОНИ НАВУ ЗАМОНАВӢ БУНЁД МЕШАВАД
ЛЕВАКАНТ. НИЁЗМАНДЕ СОҲИБИ ХОНА МЕШАВАД
РӮЗИ БАЙНАЛМИЛАЛИИ ОИЛА- ҶАШНИ МЕҲР ВА ҲАМДИГАРФАҲМӢ
ҶАВОНОН ВА МАСЪУЛИЯТИ ОИЛАДОРӢ
ҲАБИБ САФАРОВ. ЗИНДАГИНОМАИ ҚАҲРАМОНИ 102 – СОЛА
ҲАМОИШ БАХШИДА БА РӮЗИ БАЙНАЛМИЛАЛИИ ОИЛА
Ҷ. Балхӣ. Мумфаршкунии 6 километр роҳ оғоз гардид
БОХТАР: РАИСИ ВИЛОЯТИ ХАТЛОН БО ҶАРАЁНИ СОХТМОНИ БЕМОРХОНАИ БЕМОРИҲОИ ДИЛ ВА МАРКАЗИ ЭНДОКРИНОЛОГӢ ШИНОС ШУДАНД
