ТАҶЛИЛИ РӮЗИ КОРМАНДОНИ СОҲАИ ТИБ ДАР ХАТЛОН

Имрӯз, 18 август, дар маҷлисгоҳи мақомоти иҷроияи ҳокимияти давлатии вилояти Хатлон бо иштироки раиси вилоят Давлаталӣ Саид ба муносибати Рӯзи кормандони соҳаи тиб ҷаласаи тантанавӣ баргузор гардид.

Бо мақсади арҷ гузоштан ба хизматҳои кормандони соҳаи тандурустӣ ва заҳмату талошҳои онҳо дар самти ба роҳ мондани муолиҷа, ташхису табобат ва пешгирии бемориҳои сироятию ғайрисироятӣ ҳамасола 18 август аз ҷониби Ҳукумати мамлакат ҳамчун Рӯзи касбии табибон эълон гардида, тибқи қонунгузории кишвар ба номгӯи идҳои давлатӣ ворид шудааст.

Нахуст, раиси вилояти Хатлон тамоми кормандони соҳаи тандурустии вилоятро ба муносибати иди касбӣ табрику таҳният гуфта, барояшон саломатии бардавом, умри дароз, комёбиву муваффақиятҳои навро таманно намуданд.

Зикр кардид, ки айни замон дар ҳудуди вилоят шумораи муассисаҳои тиббӣ 1804 ададро ташкил дода, аз ин 1749 адади он дар деҳот ба аҳолӣ хизмати тиббӣ мерасонад. Дар вилоят 4657 нафар табибон бо маълумоти олӣ ва 21929 нафар кормандони миёнаи тиб усулҳои муосири ташхисию табобатиро дар муолиҷаи беморон роҳандозӣ намуда истодаанд.

- Дар ин самт бо пуштибонӣ аз сиёсати бунёдкорона ва созандаи Президенти мамлакат, Пешвои миллат муҳтарам Эмомалӣ Раҳмон ва мусоидати мақомоти иҷроияи ҳокимияти давлатии вилоят, шаҳру ноҳияҳо, соҳибкорони бонангу номус ва шахсони эҳсонкор ба ифтихори ҷашни 35-солагии Истиқлоли давлатии Ҷумҳурии Тоҷикистон дар шаҳру ноҳияҳои вилояти Хатлон бунёди 477 иншоот, аз ҷумла 28 беморхона, 61 маркази саломатӣ, 195 бунгоҳи тиббӣ, 14 таваллудхона, 164 дорухона ва 15 нуқтаи хатна ба нақша гирифта шудааст, ки дар ин муддат 173 иншоотҳои соҳа бо иқтидори 821 кати хоб ва қабули 2088 нафар беморон мавриди истифода қарор гирифтааст, ки дар натиҷа мушкилоти зиёди соҳаро марҳила ба марҳила ҳалу фасл намуда истодааст, - афзуд раиси вилоят.

- Зимнан, ба ҳолати 1 августи соли 2025 дар шаҳру ноҳияҳои вилоят 19 иншооти соҳаи тандурустӣ бамаблағизиёда 10 млн. 820 ҳазор сомонӣмавриди истифода қарор гирифтааст, ки ба мардум хизмати тиббӣ расонида истодаанд. Илова бар ин, дар 7 моҳи соли ҷорӣ тибқи нақша таъмири 115 адад муассисаҳои тандурустӣ ба нақша гирифта шуда, айни замон 83 адад (72,1%) ба маблағи зиёда аз 14 млн. 688 ҳазор сомонӣ аз таъмир бароварда шудааст.

Сипас, озмунҳои вилоятӣ, ки ҳамасола гузаронида мешаванд, ҷамъбаст шуда, ғолибон бо ҷоиза ва мукофоти пулӣ қадрдонӣ гардиданд.

Бо мақсади рушди соҳаи тандурустӣ, баланд бардоштани сатҳу сифати хизматрасонии тиббӣ, савияи дониши касбии кормандони соҳа, ҳифзи саломатии омма ва фароҳам овардани шароити мусоид барои табобати беморон, инчунин ҳавасманд намудани кормандони соҳаи тандурустӣ тибқи қарори Раиси вилояти Хатлон аз 15 феврали соли 2019, №45 озмунҳои вилоятии «Беҳтарин муассисаи тиббии сол», «Беҳтарин табиби сол», «Беҳтарин корманди миёнаи тиббии сол» ва «Беҳтарин дастоварди соҳаи тиб дар вилоят» муқаррар гардидааст.

Бо назардошти хулосаи Кумитаи тадорукотии озмун ҷиҳати фароҳам овардани шароити муносиби хизматрасонии тиббӣ дар ноҳияҳои дурдаст, тозаю озода гардонидани гирду атрофи беморхона ва вусъат бахшидани корҳои ободонӣ дар номинатсияи “Беҳтарин муассисаи тиббии сол”, Беморхонаи марказии ноҳияи Ховалинг дониста шуд.

Аз рӯи номинатсияи “Беҳтарин табиби сол”, аъзои Кумитаи тадорукотӣ бо инобати хизматҳои бисёрсола Шарипов Диловар Раҳмонович – табиби бемориҳои дарунии Беморхонаи марказии ноҳияи Данғара муайян гардид.

Ҳайати Кумитаи тадорукотӣ бо назардошти шумораи зиёди кормандони миёнаи тиб, саҳми шоистаи онҳо дар хизматрасонии тиббӣ, дар номинатсияи “Беҳтарин корманди миёнаи тиббии сол” Саидова Савзагул - ҳамшираи тиббии Шабакаи муассисаҳои кумаки аввалияи тиббию санитарии шаҳри Левакант муносиб дониста шуд.

Аз рӯи номинатсияи “Беҳтарин дастоварди соҳаи тиб дар вилоят” Абдураҳмонов Юсуф Баёнович - мудири шуъбаи саратоншиносии Маркази саратоншиносии мақомоти иҷроияи ҳокимияти давлатии вилояти Хатлон дониста шуд.

Дар асоси қарори раиси вилояти Хатлон аз 15.08.2025, №177 ба онҳо 20000 сомонӣ, ба ҳар як нафар 5000 сомонӣ мукофотпулӣ дода шуд.

Илова бар ин, дар асоси қарори раиси вилояти Хатлон аз 15 феврали соли 2019, №46 Ҷоизаи раиси вилояти Хатлон – “Вориси Сино” таъсис дода шудааст, ки ҳамасола аз рӯи талаботи Низомнома ба 6 нафар дода мешавад. Имсол бошад, дар натиҷаи хулосаи Кумитаи тадорукот 6 нафар табибони беҳтарин ва собиқадори соҳа барандаи ин ҷоиза гардиданд:

Муродов Шокир Мирзоевич - табиби наҷот ва беҳискунии Беморхонаи клиникии вилоятӣ ба номи Б. Воҳидов, Холов Сафаралӣ Шарифович – табиби стомотологи Шабакаи муассисаҳои кумаки аввалияи тиббию санитарии шаҳри Бохтар, Халилов Бурҳониддин Ғуломович -сартабиби Беморхонаи марказии ноҳияи Ёвон, Ғуломзода Бобоҷон Зариф – директори Маркази назорати давлатии санитарию эпидемиологии ноҳияи Данғара, Қонунова Анварбӣ – табиби акушер-гниколог аз шаҳри Кӯлоб, Шарофов Неъматулло Абдуалимович – Мудири шуъбаи ҷарроҳии Беморхонаи марказии ноҳияи Муъминобод бо Ҷоизаи раиси вилояти Хатлон «Вориси Сино» сарфароз гардониа шуданд.

Тибқи қарори раиси вилояти аз 15.08.2025, №178 ба ҳар як 6 нафар барандагони бо Ҷоизаи раиси вилояти Хатлон «Вориси Сино» ба маблағи 30000 сомонӣ, ба ҳар як нафар 5000 сомонӣ мукофотпулӣ тақдим гардид.

Дар охир раиси вилояти Хатлон Давлаталӣ Саид зикр намуданд, ки итминони комил дорем, ки табибони вилояти Хатлон ҳамчун ворисони Сино кору пайкори ин шахсияти барҷастаи тибби ҷаҳониро идома дода, бо дарки масъулияти баланди касбӣ, инсондӯстию хештаншиносӣ барои ҳарчи беҳтар гардидани тансиҳативу некуаҳолии мардум саҳми арзандаи худро мегузоранд.

Хадамоти матбуоти раиси вилояти Хатлон

Похожие новости:

Добавить комментарий

Ахбор

ДӮСТӢ. ТАБИБОН СОҲИБИ ЗАМИНИ НАЗДИҲАВЛИГӢ ШУДАНД 16:02 ТАҶЛИЛИ РӮЗИ КОРМАНДОНИ СОҲАИ ТИБ ДАР ХАТЛОН 15:21 ПАЁМИ ТАБРИКОТИИ РАИСИ ВИЛОЯТИ ХАТЛОН ДАВЛАТАЛӢ САИД БАХШИДА БА РӮЗИ КОРМАНДОНИ СОҲАИ ТИБ 10:16 МАЪРАКАИ ЧИНИШИ ПАХТА ДАР ВИЛОЯТИ ХАТЛОН ОҒОЗ ШУД 13:22 БОЗДИД АЗ САМАРАНОК ИСТИФОДАБАРИИ ЗАМИНИ НАЗДИҲАВЛИГӢ ВА ЗАХИРАИ ХӮРОКИ ДУСОЛА 13:08 КӮШОНИЁН: ИФТИТОҲИ БИНОИ ИЛОВАГӢ БАРОИ 400 НАФАР ХОНАНДА БО ИШТИРОКИ РАИСИ ВИЛОЯТ 12:59 КӮШОНИЁН: ИФТИТОҲИ МАРКАЗИ САЛОМАТӢ БО ИШТИРОКИ РАИСИ ВИЛОЯТ 12:52 МАДИНА ҚУРБОНЗОДА ҒОЛИБИ ОЗМУНИ ШАҲРИИ "ФАРЗАНД-БОҒИ ПАДАРУ МОДАР" ГАРДИД 14:20

Маҷаллаи №6-2019

Серхонандаҳо

Аъзамҷон Чиллазода: 91,3 фоизи маблағҳои буҷетӣ дар вилоят ба соҳаҳои иҷтимоиёт равона карда шудааст ДАР ШАШ МОҲ 18 ИНШООТИ СОҲАИ ТАНДУРУСТӢ БУНЁД ШУДААСТ Ташрифи ҳайати экспедитсияи “Саёҳат ба қалби Авруосиё – 2025” ба шаҳри Бохтар Ҳиссаи омӯзгорони унвондор ба 36,3 фоиз расид Дар Хатлон 21 нафар ба фаъолияти блогерӣ машғул мебошанд Кӯшониён. Як ноболиғ аз ғарқшавӣ наҷот дода шудааст БУНЁДИ 21 ИНШООТИ СОҲАИ МАОРИФ ДАР ШАШ МОҲ БОЗДИДИ РАИСИ ВИЛОЯТ АЗ ОҒОЗИ КОРҲОИ МУМФАРШКУНИИ 1,5 КМ РОҲИ АВТОМОБИЛГАРДИ АҲАМИЯТИ МАҲАЛЛИДОШТАИ ШАҲРАКИ ЁВОН- МЕҲРОБОД- ДАСТГИРАК- НАВОБОД ВА ПУЛИ МОШИНГУЗАР БАЪДИ ТАҶДИДУ АЗНАВСОЗӢ ҚИССАИ ЯК ЗИНДАГИИ СОДИҚОНА ЁВОН: БОЗДИД АЗ РАФТИ КОРҲОИ СОХТМОНӢ ДАР КОРГОҲИ ИСТЕҲСОЛИ ОҲАКИ СОХТМОНИИ ҶДММ «ҒАЮР ИНДАСТРИАЛ»